1 Vafumeli 18:10 - Bhiblia Yo Sawuleka

¹⁰ Ni xambanya ngu Mkoma, Txizimu txako, a hanyako, kha ka nga vaho ditiko mwendo mfumo, emo nyamne wangu, a nga mba rumela vo tsimbila ve kulava; se vona va txi kha vona: A walo hawa, sekoko a txi xambanyisa mifumo ni matiko ku mwendo kha va kumana.

1 Vafumeli 18:10 Referans Kwoze

1 Vafumeli 17:1

Sekoko Elija, wa Tisibha, mmweyo wa vaaki va Gileyadhi, a to khene ka Akabe: Ni xambanya ngu Mkoma a hanyako, Txizimu txa Israyeli, awu ni ku masoni kwakwe, ti to kha ku na mbiwa mati, hambi mwando, hahanze ka kuva ni kombela.

Johani 8:59

Sekoko vona va to rola marigwi kasi ku mu rinzetela, aniko Jesu a to sisala, e huma Dithepeleni.

Jeremiya 36:26

Se mfumeli a to laya tito, Bharuke, m'bhali, ni mprofeti Jeremiya va txi ñolwa ngu Jerameyeli, mwanana wa mfumeli, ni Seraya, mwana Aziriyeli, ni Xelemiya mwana Abdheeli, aniko Mkoma a to va sisa.

Masalmo 91:1

Awule a zumbako kusisalani ka Nyatxitimwi a na humula mtsudini ka Nyamitamo,

Masalmo 31:20

Ngu kuvhikelwa masoni kwako, wa va emela ka sikungo so biha sa vathu; kota txibhiya txo tsana, awe wa va vhikela ka siruko sa valala vawe.

Masalmo 10:2

Kutikulisani kwawe, vabihi va xanisa sisiwana; va na bzwetwe ngu milawu yi va nga riya.

1 Vafumeli 18:15

Se Elija a to khene: Ni xambanya ngu Mkoma wa Mabutho a Tiyimbi a hanyako, awu ni ku masoni kwakwe, ti to ni naya ti kombekisa kwakwe nyamsi.

1 Vafumeli 17:12

Se ene a nje khene: Ni xambanya ngu Mkoma Txizimu a hanyako, hambi txibhubhutela txatxidotho kha ni nga natxo, hahanze ka dianza da mpupu amu ka khadi, ni sitonana amu ka txibhembe; hi nga wona, ni mani tihale timbidi, se ni na si lulamisela ani ni mwanana wangu, hi na dya hi txi fa.

1 Vafumeli 17:9

Khukha u tsula Sarepita, ku manekako Sidhoni, u txi ya zumba kona; wona to ani ni rumile wamsikati wa noni, a ti to e kudyisa.

1 Vafumeli 17:5

Se a to tsula eya maha madingano ni dipswi da Mkoma, nguko a to tsula eya zumba hafuhi ni txinambwana txa Kerite, txo dingetelana ni Jordhani.

1 Vafumeli 2:24

Konkuwa, Mkoma a hanyako, awu a nga ni tsanisa e ni khalahatshisa ha txikhaloni ka wukoma ka Dhavhidha, tate wangu, awu a nga ni akela nyumba, nga ha a nga ti wombile; nyamsi, a na fa Adhoniya.”

1 Vafumeli 1:29

Se mfumeli a to xambanya a txi khene: Ni xambanya ngu Mkoma a hanyako, awu a nga hulukisa muhefemulo wangu ka yotshe xomulo,

1 Samuwele 29:6

Sekoko Akisi a to dhana Dhavhidha a txi khene kwakwe: Ni xambanya ngu Mkoma a hanyako, ti to awe u lulamile, ni ti to kuwulela kwako ni kuhuma kwako ni nani wugoveloni ndinene masoni kwangu; nguko kha na wona wubihi ni wawumwewo kwako, kukhukhela ka ditshiku dile u nga ta kwangu kala ka ditshiku da nyamsi; kambe masoni ka vathangeli khu tsakisi.

1 Vafumeli 18:9

Sekoko nene a to khene: Ni to onha txani, kuza u ningela txithumi txako manzani ka Akabe kasi ku e ni daya kani?

1 Vafumeli 18:11

Sekoko awe i nda khawe: Tsula u txi ya khawe ka nyamne wako: Elija ndiyo hawa.

1 Vafumeli 22:14

Sekoko Mikaya a to khene: Ni xambanya ngu Mkoma a hanyako ti taku, ati Mkoma a no ni gela, ni na maha.

Jeremiya 36:19

Sekoko vathangeli va ti kha vona ka Bharuke: Tsula u txi ya sisala, awe ni Jeremiya; mi nga geleni hambi m'thu aho mi nova kona.

1 Samuwele 23:23

Ngu kumaha keto, wonisisani kha kwati, mi zivisisa madingano ni otshe makhalo a baramako ka ona; sekoko mi na wuya kwangu ni dotshe ditshuri, aniko ani nata tsula ni nanu; se ku na maheka tito, a diho ka ditiko dile, ni na mlava amu hagari ka otshe magumi a mazana a va ka Judha.