1 Vafumeli 17:6 - Bhiblia Yo Sawuleka

⁶ Se ni mixo magwana ma ti m'heleketela mapawu ni nyama, se ni minova kambe ma ti m'heleketela mapawu ni nyama; se a txi sela mati a txinambwanani.

1 Vafumeli 17:6 Referans Kwoze

Luka 22:35

Ngu msana a engetile a txi khene kwawe: “Mbimo yi ni nga mi ruma, mi si nga ni mkwama mwendo msava mwendo masandazi, txi ho txi txi nga mi pwatekela kani?” Vona va to angula va txi kha vona: “Lambi!”

Matewu 19:26

Jesu a to va wonisisa, a txi khene kwawe: “Ka vathu eto kha ti koteki, aniko ka Txizimu totshe ta koteka.”

Jeremiya 37:21

Sekoko mfumeli Zedhekiya, a to va ruma ti to Jeremiya a txi vekwa dizumboni ka vawoneleli; e ningwa dipawu dimwedo ditshiku ni ditshiku ka digondo da vabhiki va mapawu, ma txi za otshe mapawu me guma didhoropani. Na Jeremiya a ti dizumboni ka vawoneleli.

Isaya 33:16

Awuwa a na zumba txitimwi; mikhokhola ya marigwi yi na maha wuthavelo wakwe wo guleka, a na ningwa dipawu dakwe, ni mati akwe ma na maneka.

Masalmo 37:19

Kha va na mbi va ni tingana ka masiku a sikarato, ka masiku a nzala, vona va na khura.

Vahebheru 6:18

Ku ni simaha simbidi so tsana. Ka sona si sa simbidi, kha ti koteki ti to Txizimu txi hi kanganyisa. Ngu toneto, athu hi txi thembako, hi fanete kunamarela ngu kutsana ka txithembiso txi txi nga vekwa masoni kwathu.

Masalmo 37:3

Themba Mkoma, u txi maha ta tinene; u na aka ha mafuni, u txi hanya ngu kuthembeka.

Valamuli 14:14

Sekoko, ene a to va gela a txi khene: “Ngu ka wule a dyako kuhumile sakudya, se ngu ka wule a ku ni mtamo kuhumile so lombela.” Se mndani ka masiku mararu, kha va si sikota kurandula thethekatheka.

Mitengo 11:23

“Kambe Mkoma a to khene ka Mosi: Ina diwoko da Mkoma di komile kani? Awe verela, konkuwa, u na wona ti to dipswi dangu, di na maheka mwendo kha di na mbi maheka.”

Jeremiya 40:4

Wona, ni ku txhatxhile titxhini ti ti nga ti mawokoni kwako. Ngako u txi lava kutsula ni nani Bhabhilona, ngono, ni na kuxayisa. Aniko u si ti lavi kutsula ni nani Bhabhilona, u nga sala. Hi nga wona, dotshe ditiko di masoni kwako; ni hayi ku ku tsakisako, aha u lavako kuya kona, tsula kheyo.”

Eksodha 16:35

Se vanana va ka Israyeli va dyite manna mndani ka mtengo wa mune wa magumi a malembe kala va txi hoka ka ditiko di di nga akwa va dyite manna kala va txi hoka mihinganoni ka ditiko da Kanana.

1 Vafumeli 17:5

Se a to tsula eya maha madingano ni dipswi da Mkoma, nguko a to tsula eya zumba hafuhi ni txinambwana txa Kerite, txo dingetelana ni Jordhani.

1 Vafumeli 17:7

Se ku to maheka to, ngu kupinda ka masiku, txinambwana txi to oma, nguko ma si zivi kuwa mati.

1 Vafumeli 13:28

Se a to tsula eya mana txirumbi txa kona txi di kwapa-kwapa hanzila, se mbongola ni ngonyamo si di emile hafuhi ni txirumbi; ngonyamo yi sa mita mmidi, hambi kuphatulela mbongola.

1 Vafumeli 19:6

Se a to wona dipawu aha ka txikhingelo txakwe, di nga ti yokilwe ka makala, ni ngoto ya mati, se a to dya, e sela, e tshumela e otela.

1 Vafumeli 19:8

A to wuka koko Elija, a txi dya ni kusela, se ngu mtamo wa sakudya sile, a to tsimbila mune wa magumi a wusiku ni mune wa magumi a mitshikari, kala Horebhi, mmangoni ka Txizimu.

Masalmo 33:18

Mkoma ngene a xayisako ava va mthavako, avale va thembako wunene wakwe,