1 Vafumeli 17:11 - Bhiblia Yo Sawuleka

¹¹ Se mbimo yile a nga ti tsula kuya reka, ene a to m'dhana a txi khene: Nihe koko ni dona dipawu da didotho ngu manza ako.

1 Vafumeli 17:11 Referans Kwoze

Vahebheru 13:2

Mi nga divaleni kuamukela vapfhumba, nguko, ngu kona kuamukela vapfhumba, vamwani na va si ti zivi, va amukete tingelozi.

Matewu 10:42

Ani wule a ningako ka mmweyo wa vale vavadotho, hambi i di muhindo wumwewo wa mati o titila, ngu mhaka ya kuva i di mgondiswa wangu, kha ditshuri na mi gela ti to kha na mbi luzekelwa ngu ditshungulo dakwe.”

1 Vafumeli 18:4

nguko ku mahekile tito, mbimo yile Jezabheli a nga ti dayela vaprofeti va Mkoma, Obhadhiya a to teka 100 wa vaprofeti, se e sisa mtxhanu wa magumi kheno, ni vamwani va mtxhanu wa magumi kheya, amu ka diphala, e va dyisa ngu mapawu ni mati).

1 Vafumeli 17:9

Khukha u tsula Sarepita, ku manekako Sidhoni, u txi ya zumba kona; wona to ani ni rumile wamsikati wa noni, a ti to e kudyisa.

Genesisi 18:5

Ngako mi nga pinda ngu hawa ka txithumi txanu, ani ni na khata ngu ku mi tisela txikhwemu txa dipawu, kasi mi nata malata mnyoka, se ngu msana mi txi longoloka ni dipfhumba danu.” Vona va to kha vona: “Maha tona eto u ti wombako.”

1 Vafumeli 17:10

Sekoko ene a to khukha e tsula Sarepita; se mbimo yi a nga txi hoka ditimbani ka didhoropa, ku ti tiho konaho wamsikati wa noni a nga ti lava tikhuni. Se ene a to m'dhana, a txi khene: Na ku kombela, nihe mati amadotho o sela ngu txihindwana.

1 Vafumeli 17:12

Se ene a nje khene: Ni xambanya ngu Mkoma Txizimu a hanyako, hambi txibhubhutela txatxidotho kha ni nga natxo, hahanze ka dianza da mpupu amu ka khadi, ni sitonana amu ka txibhembe; hi nga wona, ni mani tihale timbidi, se ni na si lulamisela ani ni mwanana wangu, hi na dya hi txi fa.