1 Vafumeli 17:1 - Bhiblia Yo Sawuleka

¹ Sekoko Elija, wa Tisibha, mmweyo wa vaaki va Gileyadhi, a to khene ka Akabe: Ni xambanya ngu Mkoma a hanyako, Txizimu txa Israyeli, awu ni ku masoni kwakwe, ti to kha ku na mbiwa mati, hambi mwando, hahanze ka kuva ni kombela.

1 Vafumeli 17:1 Referans Kwoze

Jakobe 5:17

Elija i ti m'thu wa kuxaniseka kufana ni nathu, a khongete ngu kukhutala ti to nzuma yi si ni, se ku gumile malembe mararu ni mtxhanu wa mitxima ni wumwewo, ma si wi mati ha mafuni.

Luka 1:17

A na thangela masoni ka Mkoma ngu moya ni mtamo wo fana ni wa Elija; a na wuyisa timbilu ta vaveleki ti ta manana ni ta vanana vawe; a na wuyisa vaeyisi ka wuzivi wa valulami, kasiku e lulamisela Mkoma ngamu yi yi hanelako ene.”

1 Vafumeli 22:14

Sekoko Mikaya a to khene: Ni xambanya ngu Mkoma a hanyako ti taku, ati Mkoma a no ni gela, ni na maha.

2 Vafumeli 3:14

Se Elixa a to khene: Ni xambanya ngu Mkoma wa Mabutho a Tiyimbi a hanyako, awu ni ku masoni kwakwe, i ti ku ni si na txithavo ka Josafati mfumeli wa ka Judha, nga ni si rendekeli kwako kambe ni si ku woni.

Mtuletelo 11:6

Tona ti ni mtamo wa kuseka nzuma ti to ma si wi mati ka masiku a wuprofeti wa txona. Tina ni mtamo kambe wo hindula mati otshe me maha mnoha; tina ni mtamo wo peka mafu ngu mitungu yihi ni yihi, sotshe sikhati, ngako ti txi ti lava.

Varoma 11:2

Txizimu kha txa tshotsha vathu va txona, ava txi nga va ziva ngu kale. Mwendo mo va mi si ti zivi ati ti wombwako ngu Mibhalo, ti txi womba ngu Elija, mbimo yi a nga dila ka Txizimu, a txi mangalela va ka Israyeli, a txi khene:

Luka 21:36

Khutalani na mi txi khongela txotshe txikhati, kasiku mi va ni mtamo wa kuhuluka ka totshe ti ti no humelela, ni kuema mi di tsani masoni ka Mwanana wa M'thu.”

Luka 9:30

Se ku to woneka vavamna vambidi, va nga txi womba-womba nayo, i ku Mosi ni Elija,

Matewu 7:29

Nguko a ti ti va gondisa kufana ni m'thu wu a ku ni wukoma, asi fani ni vabhali.

1 Vafumeli 18:1

Se ku to maheka to msana ka masiku amangi, kutile dipswi da Mkoma ka Elija ngu dilembe da wuraru, di txi kha dona: Tsula u txi ya ti kombekisa ka Akabe, nguko ni na nisa mati txitimwi ka mafu.

Dhewuteronome 10:8

Ngu ka yona mbimoyo ya yimweyo, Mkoma a to sawula nyumba ya ka Levhi, kasi kuva txi rwala dibhokiso da txitumelelano txa Mkoma, ni kumaneka masoni kwakwe va txi khozela Mkoma, va txi mthumela ni kukatekisa vathu ngu ditina dakwe, kala nyamsi.

Mithumo 27:23

Nguko ka wona wusiku wuwa, Ngelozi ya Txizimu, atxi ani ni lumbako txona, atxi ni txi thumelako, yi ti wonekisile kwangu, wusiku wuwa,

Luka 1:19

Ngelozi yi xamute yi txi kha yona: “Ani ngani Gabriyele, wule a emako masoni ka Txizimu, ni rumetwe ku ta womba-womba ni nawe ni ku ta ku xawutela mahungu awa amanene.

1 Vafumeli 18:15

Se Elija a to khene: Ni xambanya ngu Mkoma wa Mabutho a Tiyimbi a hanyako, awu ni ku masoni kwakwe, ti to ni naya ti kombekisa kwakwe nyamsi.

1 Vafumeli 18:10

Ni xambanya ngu Mkoma, Txizimu txako, a hanyako, kha ka nga vaho ditiko mwendo mfumo, emo nyamne wangu, a nga mba rumela vo tsimbila ve kulava; se vona va txi kha vona: A walo hawa, sekoko a txi xambanyisa mifumo ni matiko ku mwendo kha va kumana.

Valamuli 12:4

Se Jefta a to tshanganisa votshe vavamna va Gileyadhi, a txi lwa ni Efrayime, se vavamna va ka Gileyadhi, va to daya va ka Efrayime; nguko mbimo yile va ka Gileyadhi va nga ti hagari ka Efrayime ni Manasi, va to kha vona: “Anu mi to tutuma ka Efrayime.”

Johani 1:25

Vona va to mu wotisa va txi kha vona: “Se i mhaka muni u txi bhabhatisa na u si nga Mesiya, u si nga Elija, u si nga Mprofeti kani?”

Johani 1:21

Se vona va to mu wotisa, va txi kha vona: “Ngawe mani kani? Ina ngawe Elija kani?” Ene a txi khene: “Kha ni nga ene.” “Mwendo u mprofeti kani?” Ene a txi angula, a so khene: “Ahim-him.”

Luka 9:54

Va di woni tiya vagondiswa Jakobe ni Johani, va to kha vona: “Mkoma, wa ti lava hi rumela mndilo wu txi txhika ngu nzumani wuta va fuvisa kani?”

Luka 9:33

Ngu txikhati txi va nga txi lava kuhambana nayo, Pedro a to khene ka Jesu: “Mkoma, ta tshura ngako hi txi zumba kona hawa; hi tumelele hi txi aka midhuti miraru; wumwani mbwako, wumwani mbwa Mosi, wumwani mbwa Elija.” Kambe asi ti zivi ati a nga txi womba-womba tona.

Matewu 27:49

Aniko vamwanyani va to womba va txi kha vona: “Leka, hi lava kuwona ti to mwendo a nata Elija a ta mu hanyisa.”

Matewu 27:47

Vamwani ka vale va nga ti ti ho konaho, ngako va di mu engisile, va to womba va txi kha vona: “A dhana Elija!”

Matewu 16:14

Se vona va to angula va txi kha vona: “Vamwani va kha vona i Johani Mubhabhatisi, vamwani va kha vona i Elija, vamwani va kha vona i Jeremiya, mwendo mmweyo wa vaprofeti.”

Matewu 11:14

Ngako mi txi lava kutumela, Johani ngene Elija, awu va nga ti kha vona a nata.

Jeremiya 15:19

Ngu konaho, Mkoma a khene: Ngako u txi tshumelela kwangu ni na ku wuyisa ti taku u txi maha mlondeteli wangu. Ni kungako u txi tisa sa lisima, u leka si so biha, awe u na va txisofu txangu. Vona va na tshumelela kwako, aniko awe khu na mbi tshumelela kwawe.

Isaya 49:18

Gula maso u wona madhawani; votshe va va sengeletanako, vata kwako; na hanya ani, kuwomba Mkoma, taku u na ti ambeka ngu vona u ti bombisa, se u na ti ambeka ngu vona kufana ni txitekwa.

2 Vafumeli 5:16

Aniko Elixa a to khene: Ni xambanya ngu Txizimu txa kuhanya, atxi ni ku masoni ka txona, taku kha ni na mbi amukela. Nahanani a to mkurumeta kuamukela, aniko ene a to lamba.

1 Vafumeli 17:2

Msana keto, di tile kwakwe dipswi da Mkoma di txi kha dona:

1 Vafumeli 17:12

Se ene a nje khene: Ni xambanya ngu Mkoma Txizimu a hanyako, hambi txibhubhutela txatxidotho kha ni nga natxo, hahanze ka dianza da mpupu amu ka khadi, ni sitonana amu ka txibhembe; hi nga wona, ni mani tihale timbidi, se ni na si lulamisela ani ni mwanana wangu, hi na dya hi txi fa.

2 Vafumeli 1:3

Aniko Ngelozi ya Mkoma yi to kha yona ka Elija wa Tisibha: Khukha u kwelela u na manana ni mitumi ya mfumeli wa Samariya, u na khawe kwawe: Ina kova walo Txizimu amuwa Israyeli, mizako mi ya wotisa ka Bhahali-Zebhubha, txizimu txa Ekroni kani?

2 Vafumeli 5:20

Sekoko Gehazi, dijaha da Elixa, m'thu wa Txizimu, a to khene: Hi nga wonani, nyamne wangu a tsimbile musiriya wule Nahanani, ku mninga ngu dianza dakwe, sa sidotho ka sile a ngadi naso. Ni xambanya ngu Mkoma wo hanya a tito, ni na tutuma ngu msana kwakwe ni ya teka txokari.

2 Makronika 6:26

Ku ngako nzuma yi txi tsiveka ma siwi mati, ngu kuva va di ni onhete, se va txi khongela ka wuwa wukhalo, ve khumbuka ditina dako, ve hunduluka sionhoni kwawe, na awe u di vaxanisile,

Jobe 12:15

Txizimu txa emisa mati, ku txi oma; se txi txi ma tulela, ma onhetela mafu.

Isaya 5:6

Thembwe yi na maha txiwula, kha yi na mbi sakatwa, hambi kudimwa; kambe ku na mila txipopo ni mipa; ni na leleta marefu ti to ma si nisi nzuma txitimwi ka yona.

Jeremiya 14:22

ina txiho txifananiso hagari ka vamatiko txi sikotako kunisa mati kani? Mwendo nzuma yi nga sikota kunisa mati yipune kani? Ina hi ngawe kani Mkoma, Txizimu txathu kani? Ngu konaho, hi na kuverela, nguko ngawe u nga maha sotshe siya.

Jeremiya 28:8

Vaprofeti va va nga ti tiho masoni kwangu ni masoni kwako, kukhukhela kaleko va to profetela matiko o tala ni mifumo ya hombe, ati taku ku na vaho yimbi ni makhombo ni mitungu.

Hagayi 1:10

Ngu konaho, nzuma yi zumbile ni mwando wa yona, se ni mafu ma zumbile ni mihando ya ona.

1 Vafumeli 8:35

Ku ngako nzuma yi txi tsiveka ma siwi mati, ngu kuva va di kuonhete, se va txi khongela ka wuwa wukhalo, ve khumbuka ditina dako, ve hunduluka sionhoni kwawe, na awe u di va xanisile,

2 Vafumeli 4:38

Se Elixa a to tshumela eya Giligali, na ku di ni nzala kheyo; se vanana vavaprofeti va ti khalahatshile masoni kwakwe; a to khene ka dijaha dakwe: Releka khadi ya hombe ha txikho, u va bhikela matawa vanana vavaprofeti.

2 Makronika 21:12

Sekoko mprofeti Eliya a to bhalela Jehoramu, a txi khene: Mkoma, Txizimu txa tate wako Dhavhidha a khene: U lekile kutsimbila ngu tinzila ta Josafati tate wako ni ta Asa mfumeli wa Judha,