1 Vafumeli 16:8 - Bhiblia Yo Sawuleka

⁸ Ka dilembe da magumi mambidi ni mtxhanu ni dimwedo da Asa, mfumeli wa Judha, Ela, mwana Bhahasa, a to khata kufumela Tiriza wa Israyeli; a to fuma malembe mambidi.

1 Vafumeli 16:8 Referans Kwoze

1 Vafumeli 15:16

Se ku to maneka kulwa hagari ka Asa ni Bhahasa, mfumeli wa Israyeli, ka masiku awe otshe.

1 Vafumeli 16:7

Ngu kumaha keto, di tile kambe dipswi da Mkoma, ngu ka mprofeti Jehu, mwana Hanani, do wukela Bhahasa ni nyumba yakwe; se totsheto ngu mhaka ya wubihi wule a nga wu maha masoni ka Mkoma, a txi m'henyisa ngu simaho sa manza akwe, nga tile ti nga maheka ka nyumba ya Jerobhowamu; se ngu mhaka yeto, a va pekile.

1 Vafumeli 16:9

Se txithumi txa kona Ziniri, mthangeli wa hafu ya sikotxikani, a to m'wukela na a di Tiriza. A txi sela ni kuleva m'tini ka Arisa, mxayisi wa nyumba ya wukoma kona Tiriza.

Mavingu 28:2

Ngu mhaka ya wuhambunyeti wa mafu, mbangi va lavako wuthangeli, aniko ngu mahaka ya vathu vo txhariha ni kupfisisa, ma na simama ma diho.

1 Vafumeli 15:33

Ka dilembe da wuraru da Asa, mfumeli wa Judha, a to khata kufuma Bhahasa, mwana Ayasi, txitimwi ka kotshe Israyeli kona Tiriza, a to fuma magumi mambidi a malembe ni mune.

1 Vafumeli 16:6

Se Bhahasa a to otela ka vatate vakwe, e tshotshwa Tiriza; se mwanana wakwe Ela a to fuma ka wukhalo wakwe.

1 Vafumeli 16:15

Ka dilembe da magumi mambidi ni mtxhanu wa malembe ni mambidi, a Asa, mfumeli wa ka Judha, Ziniri a to fumela Tiriza mtxhanu wa masiku ni mambidi; se vathu va di randete Gibhetoni i ku ditiko da Vafilista.

1 Vafumeli 16:21

Sekoko vathu va Israyeli va to abaneka ngu madhawa mambidi: Vamwani va txi londisa Tibhini, mwana Ginate, ve mmaha mfumeli, se vamwani va ti londisa Oniri.

1 Vafumeli 16:23

Ka dilembe da magumi mararu ni dilembe dimwedo a kufuma ka Asa, mfumeli wa Judha, Oniri a to khata kufumela Israyeli, a to fuma digumi da malembe ni malembe mambidi; se ditikoni ka Tiriza a fumile mtxhanu wa malembe ni dilembe dimwedo.

2 Vafumeli 15:14

Nguko Menayemi, mwana Gadhi, a to kwelela ngu Tiriza eta Samariya, e ta lwisa Salumi, mwana Jabhe, kona Samariya, se a to m'daya, e fuma ka wukhalo wakwe.

2 Vafumeli 15:23

Ka dilembe da mtxhanu wa magumi a kufuma ka Azariya, mfumeli wa ka Judha, Pekaya, mwana Menayemi, a to khata kufuma txitimwi ka Israyeli na a di Samariya, malembe mambidi.

2 Vafumeli 21:19

Amoni a khatile kufuma a ti ni magumi mambidi a malembe ni mambidi a tanga, se a to fumela Jerusalema malembe mambidi; ditina da mwamwakwe i ti ti Mesulemente, mwana Haruzi, wa Jotibha.