1 Vafumeli 16:7 - Bhiblia Yo Sawuleka

⁷ Ngu kumaha keto, di tile kambe dipswi da Mkoma, ngu ka mprofeti Jehu, mwana Hanani, do wukela Bhahasa ni nyumba yakwe; se totsheto ngu mhaka ya wubihi wule a nga wu maha masoni ka Mkoma, a txi m'henyisa ngu simaho sa manza akwe, nga tile ti nga maheka ka nyumba ya Jerobhowamu; se ngu mhaka yeto, a va pekile.

1 Vafumeli 16:7 Referans Kwoze

Hoseya 1:4

Se Mkoma a to m'gela ku khene: “Mraye ditina daku i Jezireyeli; nguko mndani ka mbimonyana ni na photela mnoha wa Jezireyeli, txitimwi ka nyumba ya ka Jewu, ni lovisa mfumo wa nyumba ya ka Israyeli.

Isaya 2:8

Kambe ditiko dawe di tate ngu sithombe so vatwa; va khizama masoni ka mthumo wa manza awe, masoni ka sile si nga mahwa ngu titiho tawe.

Masalmo 115:4

Sizimu sa vamatiko i silivhela ni nzalama, sithombe so khandwa ngu manza awe:

1 Vafumeli 14:14

Aniko Mkoma a na ti emisela mfumeli txitimwi ka Israyeli, awu a no khundumusa nyumba ya Jerobhowamu, ngu ditshiku dimwedo; aniko ti na maheka konkuwa kambe!

Mithumo 2:23

Ngene wu a nga ningelwa mtamoni kwanu ngu txikungo txa kutsana ni wuzivi wa Txizimu. Se anu mi mu date ngu ku mu gogotela ha txihambanoni ngu manza a vathu va i ku sindaka-milayo.

Eksodha 20:5

U nga si khizamele, u txi si khozela; nguko ani Mkoma, Txizimu txako, ni Txizimu txa txiluse, ni tsayisako vanana ngu mhaka ya sionho sa vatate vawe, kala ka liveleko la wuraru ni la wumune, la vale va ni vengako.

1 Vafumeli 16:8

Ka dilembe da magumi mambidi ni mtxhanu ni dimwedo da Asa, mfumeli wa Judha, Ela, mwana Bhahasa, a to khata kufumela Tiriza wa Israyeli; a to fuma malembe mambidi.

2 Vafumeli 17:13

Se Mkoma a to wukela Israyeli ni Judha, ngu dipswi da votshe vaprofeti, ni votshe vahuti, a txi khene: Hundulukani ka tinzila tanu to biha, mi vekisa milayo yangu ni sileleto sangu, madingano ni Milayo yotshe ni nga ninga vatate vanu, kambe ni nga rumela kwanu ngu sithumi sangu, i ku vaprofeti.

2 Makronika 16:7

Ngu mbimo yoneyo Hanani m'huti a to ta ka Asa mfumeli wa va ka Judha e ta womba a txi khene: U themba mfumeli wa Siriya, khu thembi Mkoma Txizimu txako, ngu toneto mabutho a mfumeli wa Siriya ma hulukile mawokoni kwako.