1 Vafumeli 16:21 - Bhiblia Yo Sawuleka

²¹ Sekoko vathu va Israyeli va to abaneka ngu madhawa mambidi: Vamwani va txi londisa Tibhini, mwana Ginate, ve mmaha mfumeli, se vamwani va ti londisa Oniri.

1 Vafumeli 16:21 Referans Kwoze

Matewu 12:25

Kambe Jesu, ngu kuziva mialakanyo yawe, a to khene kwawe: “Mfumo wuhi ni wuhi wu ti bhandako ngu hagari wu txi ti lwisa wu na hasuka; ni didhoropa dihi ni dihi di ti bhandako ngu hagari di ti lwisa, mwendo mwaya wuhi ni wuhi wu ti bhandako ngu hagari wu ti lwisa kha wu na kutsana.

Isaya 19:2

Nguko ni na maha ti to Vaegipta va txi wukela Vaegipta, se mmwani ni mmwani a na lwa ni mwanawe, ni muakelani a nalwa ni muakelani wakwe, didhoropa di na wukela dimwani didhoropa, mfumo wu na wukela wumwani mfumo.

Mavingu 28:2

Ngu mhaka ya wuhambunyeti wa mafu, mbangi va lavako wuthangeli, aniko ngu mahaka ya vathu vo txhariha ni kupfisisa, ma na simama ma diho.

1 Vafumeli 16:29

Se Akabe, mwana Oniri, a to khata kufumela Israyeli, amu ka magumi mararu a malembe, ni mtxhanu ni mararu, a kufuma ka Asa, mfumeli wa Judha; se Akabe, mwana Oniri, a to fumela Israyeli kona Samariya, magumi mambidi a malembe ni mambidi.

1 Vafumeli 16:8

Ka dilembe da magumi mambidi ni mtxhanu ni dimwedo da Asa, mfumeli wa Judha, Ela, mwana Bhahasa, a to khata kufumela Tiriza wa Israyeli; a to fuma malembe mambidi.

1 Vafumeli 15:28

Se a to m'daya Bhahasa, ka dilembe da wuraru da Asa, mfumeli wa Judha, se e fuma ka wukhalo wakwe.

1 Vafumeli 15:25

Se Nadhabhi, mwana Jerobhowamu, a to khata kufumela Israyeli ka dilembe da wumbidi da Asa, mfumeli wa Judha; se a to fumela Israyeli malembe mambidi.

1 Vafumeli 16:20

Kasi ngu wungi wa mithumo ya Ziniri, ni ta txikungo txi a nga tximaha, ina ti ngava ti sa bhalwa amu ka Dibhuku da Matimu a Vafumeli va Israyeli kani?

1 Vafumeli 16:22

Aniko avale va nga ti londisa Oniri va ti ni mtamo ngutu kupinda vale va nga ti londisa Tibhini, mwana Ginate; Tibhini a to fa, se Oniri e fuma.