1 Vafumeli 16:2 - Bhiblia Yo Sawuleka

² Ngako ni nga kuguleta ha lithuluni ni kumaha mthangeli txitimwi ka vathu vangu va ka Israyeli, se awe u tsimbite ka nzila ya Jerobhowamu, u onhisile vathu vangu va ka Israyeli, u ni henyisa ngu sionho sako,

1 Vafumeli 16:2 Referans Kwoze

1 Vafumeli 15:34

A to maha wubihi masoni ka Mkoma, se a to tsimbila ngu nzila ya Jerobhowamu, ni ka txionho txile txi nga onhisa Israyeli.

1 Vafumeli 14:7

Tsula u ya gela Jerobhowamu ku khawe: Mkoma, Txizimu txa Israyeli, a khene: Wona ni ku guletile hagari ka vathu, se ni kuvekile kuve mthangeli wa vathu vangu va Israyeli,

1 Samuwele 2:8

Wa humisa txisiwana amu ka dikhuma, wa guleta txikulungu madhakani, kasi ku e txi khalahatshisa hagari ka vakoma, ni kuvaninga thomba ya txikhalo txa wudhumo; nguko makhato a mafu nga Mkoma, a vekile ditiko txitimwi ka ona.

Luka 1:52

A va txhikisile hahatshi ka sikhalo sawe sa wukoma avale va mtamo, a txi guleta ava va kutiveka hahatshi.

Matewu 5:19

Ngu mhaka yeto, awule a no ndaka wawumwewo ka milayo yileya, hambi i di wa wudotho, a txi gondisa toneto ka vathu, a na va i di wam'dotho ka Mfumo wa nzumani. Aniko awule a veketako milayo, e yi gondisa, a na va i di wa hombe Mfumoni ka nzumani.

1 Vafumeli 15:26

Kambe a to maha wubihi masoni ka Mkoma, a to tsimbila ngu tinzila ta tate wakwe ni ka sionho sile a nga ti si mahile si onhisa Israyeli.

1 Vafumeli 14:16

A na ningela Israyeli ngu mhaka ya sionho sa Jerobhowamu, a nga onha e onhisa ni Israyeli.

1 Samuwele 26:19

Konkuwa koko, na ku kombela awe mfumeli nyamne wangu, ti to u engisa mapswi a txithumi txako: Ngako Mkoma a txi kukurumeta ku ni wukela, a na amukele mningelo wa sakudya; kambe ngako i di vanana va vathu va na ruketelwe masoni ka Mkoma; nguko nyamsi vona va ni tutumisile, kasi ku ni si mani txyavelo txa thomba ya Mkoma, va txi kha vona: Tsula, u ya thumela simwani sizimu.

1 Samuwele 2:24

Ahim-him, vana vangu! Nguko hi nga nduma ya yinene yi ni yi pfako; ma pengisa vathu va Mkoma.

Eksodha 32:21

Mosi a to womba ka Aroni a txi khene: “Njitxani va nga ku mahela vathu vava, aha koza va txi ti wuyisela txionho txa hombe txo nga txiya kani?”

Jeremiya 7:18

Vanana vo sengeletela tikhuni, vatate ve dhivela mndilo, ni vavasikati va vhuva mpupu kasi kumahela simbwanda txizimu txa txisikati, txi dhanwako ku mfumeli wa txisikati wa nzumani; na va txi ningela miningelo ya sakusela ka simwani sizimu, kasi ku ni wusela kuhenya.