1 Vafumeli 16:16 - Bhiblia Yo Sawuleka

¹⁶ Se a to engisa vathu va txi womba ku kha vona: Ziniri a henyile, se a date mfumeli. Ka dona ditshikwedo, votshe va ka Israyeli koko, va to veka Oniri, mthangeli wa dibutho da yimbi wugoveloni, kuva mfumeli txitimwi ka Israyeli.

1 Vafumeli 16:16 Referans Kwoze

Mika 6:16

Nguko mi txi xayisa sileleto sa Omiri, ni yotshe mithumo ya nyumba ya Akabhi, ni nanu mi tsimbila ka milayo yawe; kasiku ani ni kumaha dirumbi, ni vahanyi vako ve va mloti; ngu kumaha keto mi na wuyisa txiruko txa vathu vangu txitimwi kwanu.

2 Makronika 22:2

Akaziya a ti ti ni tanga ya mune wa magumi a malembe ni mambidi, mbimo yi a nga khata kufuma, a to fuma dilembe dimwedo kona Jerusalema. Ditina da mwamwakwe i ti ti Ataliya, mwana Omiri.

2 Vafumeli 8:26

Akaziya a ti ti ni tanga ya magumi mambidi a malembe ni mambidi, mbimo yile a nga khata kufuma, a to fuma dilembe dimwedo, kona Jerusalema.

1 Vafumeli 16:30

Se Akabe mwana Oniri a to maha wubihi masoni ka Mkoma, kupinda ngutu votshe vale vo khata.

1 Vafumeli 16:15

Ka dilembe da magumi mambidi ni mtxhanu wa malembe ni mambidi, a Asa, mfumeli wa ka Judha, Ziniri a to fumela Tiriza mtxhanu wa masiku ni mambidi; se vathu va di randete Gibhetoni i ku ditiko da Vafilista.

1 Vafumeli 16:17

Se Oniri ni votshe va ka Israyeli va Gibhetoni, va to khukha ve kwelela kuya randela Tiriza.

1 Vafumeli 15:27

Bhahasa, mwana Ayasi, wa nyumba ya ka Isakari, a to mu wukela, a to lwiswa ngu Bhahasa kona Gabhatoni, i nga ti ka Vafilista, mbimo yile Nadhabhi ni votshe Vaisrayeli va nga randela Gabhatoni.