1 Vafumeli 16:13 - Bhiblia Yo Sawuleka

¹³ ngu mhaka ya sotshe sionho sa Bhahasa, ni sotshe sionho sa mwanana wakwe Ela, asi va nga onha, ni si va nga onhisa ngu sona Israyeli, ve henyisa Mkoma, Txizimu txa Israyeli

1 Vafumeli 16:13 Referans Kwoze

Dhewuteronome 32:21

Va wusile txiviti txangu ngu mhaka ya kulondeta si i singako Txizimu, va ni henyisile, ngu mhaka ya sithombe sawe sa walo, aniko nani ni na wusa txiluse txawe; ngu kutisawulela vathu va i si nga va vanene, ni na wusa txiviti.

Isaya 41:29

Wona taku votshe kha va vhuni txilo, mithumo yawe hi nga txilo, sithombe sawe so wumbwa i moya, hi txilo.

1 Vafumeli 15:30

ngu mhaka ya sionho sa Jerobhowamu, a nga onha e onhisa ni Israyeli, ni mhaka ya tile a nga vhilukisisa tona kuhenya ka Mkoma, Txizimu txa Israyeli.

1 Samuwele 12:21

Se mi nga thuke mi hambuka, mi londetela timhaka ta kwa mbi vhuna txilo, ti ti si mi vhuniko ngu txilo, ti ni ka kudhoto ti no mba mi txhatxhisa, nguko kha ti vhuni txilo.

1 Vakorinto 8:4

Ngu toneto, ka mhaka ya sakudya sa timhamba ta kugandela sizimu sa walo, ha tiziva hotshethu ti to Txizimu txa walo hi nga txa txilo ha ditikoni; ha tiziva ti to ku ni Txizimu, txa tximwetxo dwe, hahanze ka txona kuwalo tximwani.

Jona 2:8

Avale va ti ningetetelako ka ti ti si vhuniko txilo, va leka wumbilu wa Mkoma vapune.

Jeremiya 10:15

Sona kha si nyawuli, mithumo ya wulundumisi; ka mbimo ya kutsayisa si na lova.

Jeremiya 10:8

Votshe va bharukile ni kwa mba ziva, gondo ya sifananiso njo tanda.

2 Vafumeli 17:15

Se va to lamba sileleto ni txitumelelano a nga ti txi mahile ni vatate vawe, ni wufakazi wule va nga ti mahile vatate vawe, va to tsimbila ngu wukanganyisi, na i ti maphanga, kufana ni mifumo yile yi nga ti ti madhawani kwawe, ayile Mkoma a nga ti ti va gete ku va nga yi londete.

1 Vafumeli 15:16

Se ku to maneka kulwa hagari ka Asa ni Bhahasa, mfumeli wa Israyeli, ka masiku awe otshe.

1 Vafumeli 14:16

A na ningela Israyeli ngu mhaka ya sionho sa Jerobhowamu, a nga onha e onhisa ni Israyeli.

1 Vafumeli 16:26

A to tsimbila ngu totshe tinzila ta Jerobhowamu, mwana Nebhate, hambi ka sionho sile a nga ti mahile ti to e onhisa ngu sona Israyeli, e henyisa Mkoma, Txizimu txa Israyeli, ngu wukanganyisi wakwe.