1 Vafumeli 15:4 - Bhiblia Yo Sawuleka

⁴ Mkoma ngu kuranda Dhavhidha, a mningile dilambu Jerusalema, ngu ku emisa mwanana wakwe ni kutsanisa Jerusalema.

1 Vafumeli 15:4 Referans Kwoze

1 Vafumeli 11:36

Se mwanana wakwe ni na mninga lihunzu limwelo, kasiku txithumi txangu Dhavhidha a na va ni dilambu masoni kwangu kona Jerusalema, didhoropa di ni ngadi sawula kasi kuveka kona ditina dangu.

2 Makronika 21:7

Hambi keto, Mkoma kha ti lava kukhundumusa nyumba ya ka Dhavhidha, ngu mhaka ya txitumelelano a txi a nga ti tximahile ni Dhavhidha, nga ha a nga ti m'gete ku khene a na mninga liwoningo la masiku otshe ene ni vanana vakwe.

Isaya 37:35

Nguko ani ni na emela didhoropa diya, kasi ku di hulukisa, ngu kuranda kwangu ni kuranda ka txithumi txangu Dhavhidha.

Masalmo 132:17

Konaho ni na wusa mtamo wa mfumo wa Dhavhidha, konako ni na humelelisa liwoningo la mfumeli wu ni nga msawula.

Masalmo 18:28

Mkoma, awe u liwoningo langu, awe, Txizimu txangu ngawe u woningako mtema wangu.

1 Vafumeli 11:32

Hambiketo ene a nave ni lihunzu limwelo ngu mhaka yo randa txithumi txangu Dhavhidha, ni kuranda Jerusalema, didhoropa di ni ngadi sawula ka otshe madhoropa a Israyeli.

1 Vafumeli 11:12

Hambiketo, kha ni na mbi ti maha eto ka masiku ako, ngu kuranda tate wako Dhavhidha; ni na wu abanisela manzani ka mwanana wako;

Genesisi 12:2

Ni na maha lihunzu la hombe ngu ngawe; ni na kukatekisa, ni kuninga ditina da hombe, uva ditshina da makatekwa.

Mtuletelo 22:16

Ani Jesu, ni rumete Ngelozi yangu, kasi ku mi fakazela timhaka tiya ti lumbako mabanza: “Ani ni diphasikela da liveleko la Dhavhidha, ni nyeleti yi phatimako hale mixo.”

Varoma 11:28

Kha ditshuri, ngu didhawa da Evhangeli, mbalala, ngu mhaka yanu. Kambe ngu didhawa da kusawulwa, nzirandwa ngu mhaka ya vakokwani vawe;

Johani 8:12

Jesu a to tshumela a txi womba-womba ni vathu, a txi va gela ku khene: “Ani ni liwoningo la ditiko. Awu a ni londisako, kha tsimbili txidemani, kambe a na va ni kuwonekela ka wutomi.”

Luka 2:32

I ku liwoningo la kuwoninga matiko ni txipfaliso txa kudhumisa vathu vako va ka Israyeli.”

Matewu 16:18

Ngu toneto, nani na kugela, ni khani: Awe u Pedro, se txitimwi ka dirigwi diya, ni na aka Dibanza dangu, ani mtamo wa lifo kha wu na mbi di xula.

Jeremiya 33:2

Kuwomba Mkoma awu a thumako mthumo wakwe, awu a longiselako ni kumaha; i Mkoma ditina dakwe:

Isaya 62:7

kambe mi nga maneke mi di malate, kala kuza e tsanisa, ni ku kala kuza e veka Jerusalema kuva wudhumo ha mafuni.

Isaya 14:32

Ku na xamulwa txani koko ka mitumi ya vathu kani? Va na kha vona: Mkoma a akile makhato a Siyoni, kasi ku vathu vakwe, vale va xanisekako ve mana wuthavelo.

Isaya 9:7

Kuanda ka kufuma ni kudikha kwakwe, kha ku na mbi va ni magwito txitimwi ka txikhalo txa wukoma txa Dhavhidha, ni ka mfumo wakwe, kasi kutsanisa ni kuseketela ngu wulamuli ni kululama, kukhukhela konkuwa, kala kupinduka; lirando la Mkoma wa Mabutho a Tiyimbi, a na maha eto.

Masalmo 87:5

Vathu, va txi womba-womba ngu Jerusalema, va na kha vona: “Votshe vathu va veleketwe koneyo; kambe ngene Nyatxitimwi a tsanisako toneto.”

2 Samuwele 21:17

Kambe Abhixayi, mwana Zeruiya, a to mlamulela ngu kuthola Mufilista e m'daya; sekoko vathu va Dhavhidha va to mxambanyela, va txi kha vona: Khu na mbi ngadi kambe u tsula ni nathu yimbini, kasiku u si timi dilambu da ka Israyeli.

Dhewuteronome 4:37

Nga ti a nga txi va randa vatate vako, e sawula liveleko lawe, msana kwawe, ene apune, a ku humisile Egipta ngu wutumbu wakwe ni mtamo wakwe wa hombe.

Genesisi 26:5

nguko Abrahamu a engisile dipswi dangu, kambe a veketile milayo yangu, sirumo sangu, ni sileleto sangu, ni mithetho yangu.”

Genesisi 19:29

Ngu toneto, mbimo yi Txizimu txi nga haxula madhoropa ale a libalani, txi to alakanya Abrahamu, se txi hulukisa Loti ka kuhaxulwa ka madhoropa awa Loti, a nga ti akile ka ona.