1 Vafumeli 15:22 - Bhiblia Yo Sawuleka

²² Sekoko mfumeli Asa a to ruma kunuwela kotshe Judha ati to votshe ku si sali ni wammweyo, ve tsula Rama kuya teka marigwi ni mapulango ale a nga ti aka ngu ona Bhahasa; se mfumeli Asa a akile ngu ona Gebha ka Bhenjamini ni Misipa.

1 Vafumeli 15:22 Referans Kwoze

Joxuwa 21:17

ni ka lihunzu la Bhenjamini, kuhumile Gibheyoni ni wudyiselo wa kona, ni Gebha ni wudyiselo wa kona,

Joxuwa 18:24

Kafari-Amona, Ofini ni Gebha; digumi da madhoropa ni mambidi ni miti ya kona.

Joxuwa 18:26

Misipa, Kafira ni Mosa,

Jeremiya 40:10

Ani, bo, ni ya aka Misipa, kuva ni txi na ema masoni ka Vakaldheya ava va nota kwathu. Aniko anu sengeletelani vhinya ni mihando ya mbimo ya lisani ni mafura, mi veka mu ka siya sanu, mi aka ka didhoropa di mi ngadi honyola.”

Jeremiya 40:6

Jeremiya a to ta ka Gedhaliya, mwana Ahikamu, aniya Misipa, e zumba nayo hagari ka vathu avale va nga sala mu ditikoni.

2 Makronika 16:6

Sekoko mfumeli Asa a to ruma kunuwela kotshe Judha ati to votshe ku si sali ni wammweyo, ve tsula Rama kuya teka marigwi ni mapulango ale a nga txi aka ngu ona Bhahasa; se mfumeli Asa a akile ngu ona Gebha ni Misipa.

1 Samuwele 7:5

Samuwele a to engeta, a txi khene: Sengeletani votshe va ka Israyeli kona Misipa, aniko na mi kombelela ka Mkoma.

1 Vafumeli 15:17

Nguko Bhahasa mfumeli wa Israyeli, a to wukela Judha ngu kuaka Rama, kasiku ni wammweyo asi tumetiswi kuhuma, hambi kuwulela hafuhi ni Asa, mfumeli wa Judha.

2 Vafumeli 23:8

Se a to dhana votshe vaphaxeli va madhoropa a ka Judha, e nyamisela siluvelo si va nga txi hisa ka sona dibaselo, kukhukhela Gebha kala Bhersebha, se a to khundumusa siluvelo sa matimba, si nga ti ti maneka ha txikeni ka ditimba da Joxuwa, mthangeli wa didhoropa, si nga ti ti maneka ka didhawa da txibhabha ka wule a nga ti ti wulela ngu ditimba da didhoropa.

Zakariya 14:10

Dotshe ditiko di na maha libala, kukhukhela Gebha kala Rimoni, ngu wulambwe ka Jerusalema; ene a na guletwa, ni kuaketwa wukhaloni kwakwe, kukhukhela ka txike txa Bhenjamini, kala ka wukhalo wa txike txo khata, kala ka txike txa Dikhonani, ni kukhukhela ka txitezi txa Hananeli, kala ka mapipa a mfumeli.

Jeremiya 41:9

Txisima txile a nga vinza ka txona avale a nga va daya, ngu mhaka ya Gedhaliya, ngu txoneto a nga maha mfumeli Asa, ngu mhaka ya Bhahasa, mfumeli wa Israyeli: Ismayeli mwana Netaniya, a to tata txona txisimetxo ngu vofa.