1 Vafumeli 14:21 - Bhiblia Yo Sawuleka

²¹ Se mbimo yile Robhowamu mwana Solomoni, a nga fuma Judha; a to khata kufuma a di ni mune wa magumi a malembe ni dimwedo, se a to fumela Jerusalema digumi da malembe ni mtxhanu ni mambidi, ka didhoropa dile Mkoma a ngadi sawula ka totshe tihunzu ta ka Israyeli kasi kuveka kona ditina dakwe; se ditina da mwamwakwe i ti Nahama, Muamoni.

1 Vafumeli 14:21 Referans Kwoze

2 Makronika 12:13

Se mbimo yile mfumeli Robhowamu mwana Solomoni, a nga fuma Judha; a to khata kufuma a di ni mune wa magumi a malembe ni dimwedo, se a to fumela Jerusalema digumi da malembe ni mtxhanu ni mambidi, ka didhoropa dile Mkoma a ngadi sawula hagari ka totshe tihunzu ta ka Israyeli kasi kuveka ditina dakwe kona; se ditina da mwamwakwe i ti ti Nahama Muamoni.

1 Vafumeli 11:36

Se mwanana wakwe ni na mninga lihunzu limwelo, kasiku txithumi txangu Dhavhidha a na va ni dilambu masoni kwangu kona Jerusalema, didhoropa di ni ngadi sawula kasi kuveka kona ditina dangu.

1 Vafumeli 14:31

Se Robhowamu a to otela ka vatate vakwe, e tshotshwa aha va ku kona vatate vakwe, Didhoropani ka Dhavhidha; se ditina da mwamwakwe i ti Nahama, Muamoni; se mwanana wa kona Abhiya a to fuma ka wukhalo wakwe.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

2 Makronika 13:7

A to ramba vavamna vokari va migewu, vanana va sigevenga ve wukela Robhowamu, mwanana wa Solomoni; Robhowamu i ti ngadi dijaha asi na mtamo mbiluni kwakwe, kha ya sikota ku va xula.

1 Vafumeli 11:43

Se Solomoni a otete ni vatate vakwe, a to tshotshwa Didhoropani ka tate wakwe Dhavhidha, se mwanana wa kona Robhowamu a to fuma ka wukhalo wakwe.

1 Vafumeli 11:32

Hambiketo ene a nave ni lihunzu limwelo ngu mhaka yo randa txithumi txangu Dhavhidha, ni kuranda Jerusalema, didhoropa di ni ngadi sawula ka otshe madhoropa a Israyeli.

1 Vafumeli 8:44

Ngako vathu vako va txi huma ve yalwa ni mlala wawe, ngu nzila yi u no va komba, ve khongela ka Mkoma ka didhawa di u ngadi sawula ka didhoropa diya, ni da nyumba yi ni nga akela ditina dako,

1 Vafumeli 8:16

Kukhukhela ka ditshiku dile ni nga thavisa vathu vangu va ka Israyeli ngu Egipta, kha na sawula didhoropa ni da dimwedo ka tihunzu ta ka Israyeli kasi kuaka nyumba, kasi ni veka kona ditina dangu; aniko ni sawute Dhavhidha, kasi e fumela vathu vangu va Israyeli.

Dhewuteronome 23:3

Ni wammweyo wa ka Amoni mwendo wa ka Mowabhi kha na mbi wulela msengeletanoni ka Mkoma; hambi lihunzu lakwe la wugumi, kha li na mbi wulela msengeletanoni ka Mkoma, ngu ha ku si gwitiko.

Dhewuteronome 12:21

Ngako wu txi maneka wu di kule ni nawe wukhalo wule wu nga sawulwa ngu Mkoma, Txizimu txako, kasi ku di txi dhumiswa koneyo ditina dakwe, konako u nga sikota kudaya tihomu tako ni tinvuta tako, ati Mkoma, Txizimu txako a nga kuninga, nga ti ni nga kuleleta; u nga sikota kudyela nyumbani kwako, nga ti u ti lavisako tona.

Dhewuteronome 12:5

aniko mi na ya khozela Mkoma, Txizimu txanu, ka wukhalo wule a no wu sawula hagari ka totshe tihunzu tanu, kasi kuveka kona ditina dakwe, ni kuva a txi zumba kona; se mi na va koneho.

Eksodha 20:24

U na ni akela txiluvelo ngu mafu, txitimwi ka txona u na maha miphaxo yako yo hiswa ni ya kudhumisa, ni timhamba ta tinvuta tako ni ta tihomu tako. Kotshe amu ditina dangu di no alakanywa kona, ni nata kwako ni ta kukatekisa.

1 Vafumeli 14:20

Se Jerobhowamu a to fuma magumi mambidi a malembe, se a to otela aha va ku kona vatate vakwe; mwanana wa kona Nadhabhi a to fuma ka wukhalo wakwe.

1 Vafumeli 8:29

Kasi ku maso ako me wonelela txitimwi ka nyumba yiya wusiku ni mitshikari, txitimwi ka wukhalo wuwa, aha u nga womba ngu yona ku khawe: Ditina dangu di nave hale; kasi u engisa mkombelo wu txithumi txako txi no maha ka wukhalo wuwa.

1 Vafumeli 11:1

Se Solomoni a to randa vasikati vavangi va matiko, hahanze ka mwana Faro, a to randa Vamowabhi, Vaamoni, Vaedhomi, Vasidhoni, ni Vaheti,

1 Vafumeli 12:17

Kasi ngu mhaka ya vanana va ka Israyeli avale va nga ti zumba ka madhoropa a ka Judha, a to va fumela Robhowamu.

1 Vafumeli 22:42

Se Josafati i ti wa magumi mararu a malembe ni mtxhanu, mbimo yile a nga khata kufuma; a to fuma magumi mambidi a malembe ni mtxhanu kona Jerusalema; ditina da mame wakwe i ti Azubha, mwana Sili.

2 Makronika 12:1

Ku to maheka koko taku, mbimo yile Robhowamu a nga tsanisa wukoma, a to leka Mlayo wa Mkoma, ene ni votshe va ka Israyeli.