1 Vafumeli 14:16 - Bhiblia Yo Sawuleka

¹⁶ A na ningela Israyeli ngu mhaka ya sionho sa Jerobhowamu, a nga onha e onhisa ni Israyeli.

1 Vafumeli 14:16 Referans Kwoze

1 Vafumeli 16:2

Ngako ni nga kuguleta ha lithuluni ni kumaha mthangeli txitimwi ka vathu vangu va ka Israyeli, se awe u tsimbite ka nzila ya Jerobhowamu, u onhisile vathu vangu va ka Israyeli, u ni henyisa ngu sionho sako,

1 Vafumeli 15:34

A to maha wubihi masoni ka Mkoma, se a to tsimbila ngu nzila ya Jerobhowamu, ni ka txionho txile txi nga onhisa Israyeli.

1 Vafumeli 15:30

ngu mhaka ya sionho sa Jerobhowamu, a nga onha e onhisa ni Israyeli, ni mhaka ya tile a nga vhilukisisa tona kuhenya ka Mkoma, Txizimu txa Israyeli.

1 Vafumeli 13:34

Eto ti mahile txionho nyumbani ka Jerobhowamu, kasi ku yi hasamula ni ku yi fuvisa ha mafuni.

1 Vafumeli 12:30

Se tximaho txiya txi mahile txionho, nguko vathu va txi tsula kala Dhani, mmweyo ni mmweyo a txi khozela.

Varoma 14:13

Ngu toneto, he lekeni kulamulana ngu txathu; kambe ti woneleni mi si vekeli mkwanu txikhuvekiso, hambi txitsha txa ku mu humba.

Matewu 18:7

Di na ni dikhombo ditiko ngu mhaka ya sikhuvekiso! Kha ditshuri sikhuvekiso si fanete ku va ho, aniko ana ni dikhombo m'thu wuwa sikhuvekiso si tako ngu kwakwe.

Mika 6:16

Nguko mi txi xayisa sileleto sa Omiri, ni yotshe mithumo ya nyumba ya Akabhi, ni nanu mi tsimbila ka milayo yawe; kasiku ani ni kumaha dirumbi, ni vahanyi vako ve va mloti; ngu kumaha keto mi na wuyisa txiruko txa vathu vangu txitimwi kwanu.

Jeremiya 5:31

Vaprofeti va profeta makuhu, hambi vaphaxeli va fumela va txi laywa ngu vona; ngu toneto vathu vangu va ti lavako. Aniko mi na maha txani magwito ka kona kani?

Isaya 40:24

Se kha va phawi, hambi kuxwaywa, hambi kuzima mikoloti mafuni, ya txitsha txi txi nga sala; wa futeta txitimwi kwawe, se va txi oma; se moya wu na va purumisa kufana ni mthungu.

Masalmo 81:12

Ngu toneto, ni va lekile ve maha kuranda kwawe ni kulondetela minavelo yawe.

Eksodha 32:35

Ngu kumaha keto, Mkoma Txizimu a tsayisile vathu, nguko va kurumetile Aroni ku va mahela txithombe txa dirole.

Eksodha 32:21

Mosi a to womba ka Aroni a txi khene: “Njitxani va nga ku mahela vathu vava, aha koza va txi ti wuyisela txionho txa hombe txo nga txiya kani?”

Eksodha 32:25

Se Mbimo yile Mosi a nga wona ti to vathu va wekela, ngu ku kumetwa ngu Aroni, va txi sekwa ngu valala vawe,

1 Vafumeli 15:26

Kambe a to maha wubihi masoni ka Mkoma, a to tsimbila ngu tinzila ta tate wakwe ni ka sionho sile a nga ti si mahile si onhisa Israyeli.

1 Vafumeli 16:19

ngu mhaka ya sionho sakwe sile a nga si maha, ngu kumaha wubihi masoni ka Mkoma, ngu kutsimbila ngu nzila ya Jerobhowamu ni ka txionho txi a nga ti txi mahile, eza e onhisa Israyeli.

1 Vafumeli 21:22

se ni na fuvisa nyumba yako nga ti ni nga fuvisisa tona nyumba ya ka Jerobhowamu, mwana Nebhate, ni kufana ni nyumba ya Bhahasa, mwana Ahiya, ngu mhaka ya ti u nga ni vhukisa tona, se u txi onhisa Israyeli.

2 Vafumeli 3:3

Hambi ka toneto a to wulela sionhoni ka Jerobhowamu, mwana Nebhate, wule a ngadi onhisile Vaisrayeli: Kha nga dhawukana naso.

Dhewuteronome 32:30

Ti nga kotekisa kutxani ti to m'thu wammweyo e tutumisa 1.000 wa vathu, ni vathu vambidi va nga sikotisa kutxani kuhinga 10.000 wa vathu, i si nga Mkoma, Dirigwi dawe, a nga va xavisa, kambe i si nga Mkoma a nga va ningela kani?

1 Vafumeli 16:13

ngu mhaka ya sotshe sionho sa Bhahasa, ni sotshe sionho sa mwanana wakwe Ela, asi va nga onha, ni si va nga onhisa ngu sona Israyeli, ve henyisa Mkoma, Txizimu txa Israyeli

1 Vafumeli 16:27

Kasi ngu wungi wa mithumo ya Oniri, ka tile a nga maha, ni ka mtamo wakwe wule a nga wu kombekisa, ina ti ngava ti sa bhalwa ka Dibhuku da Matimu a Vafumeli va ka Israyeli kani?

1 Vafumeli 22:53

Se a to maha to biha masoni ka Mkoma; nguko a nga tsimbila ngu tinzila ta tate wakwe, ni tinzila ta mwamwakwe, ni ka tinzila ta Jerobhowamu, mwana Nebhate, a nga onhisa Israyeli.

2 Vafumeli 10:31

Aniko Jehu kha sikota kulondisa ngu mbilu yakwe yotshe Mlayo wa Mkoma, Txizimu txa ka Israyeli, kambe kha nga hambuka amu ka sionho sile Jerobhowamu a nga onhisa ngu sona Israyeli.

2 Vafumeli 13:2

A to maha a ti i singako ta tinene masoni ka Mkoma, nguko a londisile sionho sa Jerobhowamu, mwana Nabhote, a nga onhisa Israyeli, kha hambana ale.

2 Vafumeli 13:6

(Hambi keto, kha va hambuka ka sionho sa nyumba ya ka Jerobhowamu, yi yi nga onhisa Israyeli; nguko va to tsimbila ka sona; ni sona sithombe si to simama si di emile Samariya.)

2 Vafumeli 14:24

Se a to maha to biha masoni ka Mkoma; kha nga dhuka e hambuka ka txionho ni txa tximwetxo txa Jerobhowamu, mwana Nebhate, a nga onhisa Israyeli.

2 Vafumeli 15:9

Se a to maha to biha masoni ka Mkoma, nga tile va ngadi mahile vatate vakwe; kha nga hambuka ka sionho sa Jerobhowamu, mwana Nebhate, a nga onhisa Israyeli.

2 Vafumeli 15:18

Se a to maha wubihi masoni ka Mkoma; ka otshe masiku akwe kha nga hambuka ka sionho sa Jerobhowamu mwana Nebhate, a nga onhisa Israyeli.

2 Vafumeli 17:21

Nguko msana ka kule Mkoma a nga abanisa Israyeli ka nyumba ya Dhavhidha, va to fumisa Jerobhowamu mwana Nebhate; Jerobhowamu a to hambukisa Israyeli amu ka kulondisa Mkoma, e va maha ve onha txionho txa hombe.

2 Vafumeli 17:23

Kala kuza Mkoma e thavisa Israyeli masoni kwakwe, nga kule a nga nga womba ngu sithumi sakwe, i ku vaprofeti; a tekisilweto Israyeli e tsuliswa Asiriya, emo a manekako kona kala ka ditshiku da nyamsi.

2 Vafumeli 21:16

Kambe kupinda eto, Manasi a theketile ngutu mnoha wa vo mbi na mnandu, wu tata Jerusalema, kukhukhela magwito kala kumwani magwito, eza e onhisa Judha, ngu kumaha wubihi masoni ka Mkoma.

2 Vafumeli 23:15

Se ni txiluvelo txile txi nga ti ti maneka Bheteli, ni txiluvelo txi txi nga mahwa ngu Jerobhowamu, mwana Nebhate, a nga ti ti onhisile Israyeli, kambe a to khundumusa txiluvelo; e hisa txiluvelo txi maha dikhuma, se e hisa txithombe txo vatwa.

2 Makronika 28:19

Nguko Mkoma a vekile hahatshi va Judha ngu mhaka ya Akazi, mfumeli wa Israyeli, nguko Akazi a jikisile va ka Judha ve leka kulondetela nzila ya Mkoma.