1 Vafumeli 14:10 - Bhiblia Yo Sawuleka

¹⁰ se ni na tisa dikhombo nyumbani ka Jerobhowamu, se ni na va abanisa kukhukhela ka wamwamna kala ka mfana, hagari ka txikarawa ni wo txhatxheka amu Israyeli, se ni na tshotsha hahanze liveleko la nyumba ya Jerobhowamu, nga tile si tshotshiswako tona sinoniso, kala ku va heta votshe.

1 Vafumeli 14:10 Referans Kwoze

2 Vafumeli 14:26

Nguko Mkoma a woni to kuxaniseka ka Israyeli i ti ti ko nemela ngutu, kambe ku si nga ho kuhambana ka wo sungwa ni wo txhatxheka, hambi wo vhunetela Israyeli.

1 Vafumeli 21:21

Wona taku ni na tisa dikhombo txitimwi kwako, ni na lovisa vanana vako, votshe vavamna va ka Akabe ni na va fuvisa, ni votshe vale i ku maxonga ni vale vo bulwa kona Israyeli;

Dhewuteronome 32:36

Mkoma a na emela vathu vakwe, kambe a na va ni wumbilu ngu sithumi sakwe. Ngako a txi wona ti to mtamo wawe wu ngumile ni ti to kha ka sala m'thu wo sungwa mwendo wo thuseka,

Malakiya 2:3

Wonani taku ni na sinisa timbewu tanu, ni mi thela ngu mswanye tikhoheni kwanu, mswanye wa mibuso yanu; se mi na tshotshwa kumweko nawo.

Zefaniya 1:17

Ni na xanisa vathu, se va na tsimbilisa ku nga mabhofu, nguko va onhete Mkoma; kambe mnoha wawe wu na wavalaswa nga lithulu, se nyama yawe nga nzambwa.

Amosi 3:6

Ina ku nga pekwa mpundu didhoropani vathu va si dhudhumeli ngu kuthava kani? Ina ku nga humelela wubihi didhoropani, na wu sa mahwa ngu Mkoma kani?

Ezekhiyele 26:4

Ona ma na khundumusa maguma a Tiro ni sitezi sa kona, kambe ani ni na hiyela lithulu la kona, ni wumba dirigwi do kenyeka.

Jeremiya 8:2

ma na hangalaswa masoni ka ditambo ni mtxima ni tiyimbi ta nzuma, asi va nga si randa ni ku si thumela, ni si va nga si londetela, ve si wotisa ni ku si khizamela; kha ma na mbi ngadi me sengeletwa, hambi kukelelwa, ma na maha sinoniso ha mafuni.

Isaya 14:23

Ni na di maha wukhalo wa sikhovha, ni txiziva txa mati a kusina, na di hiyela ngu diphiyelo di di lovisako, kuwomba Mkoma wa Mabutho a Tiyimbi.

Isaya 14:19

Aniko awe u tshotshilwe kule ni mathitha ako, u fana ni didhavi di di si vhuniko txilo, kufana ni txyambalo txa va va nga dawa ngu ditxhari, nga vale va relelako ka diphala do tala ngu marigwi, kufana ni txirumbi txi kandetelwako.

Isaya 5:25

Ngu kumaha keto, kuhenya ka Mkoma, kuturile txitimwi ka vathu vakwe, se a nawulutile dianza dakwe, e va daya; mimango yi to zinginika, sirumbi sawe si hangalaka, ku nga nzokoro hagari ka tinzila; hambi keto, kuhenya kwakwe ku toya masoni, ni dianza dakwe di ngadi nawulukile.

Masalmo 83:10

Va mbambamisilwe ditikoni ka Endori sirumbi sawe si sina mafuni!

Jobe 20:7

a na lova kufana ni mitximba yakwe apune, ngu ha ku si gwitiko; se ni vale va nga ti ti mu wona va na kha vona: Ahayi kani?

2 Vafumeli 21:13

Ni na gwimba ngoti ya Samariya txitimwi ka Jerusalema, ni txidinganiso txa nyumba ya ka Akabe; ni na kuwula Jerusalema ku nga tile a mahisako tona wule a kuwulako mbiya, e gwita e yi fenengeta.

2 Vafumeli 9:37

Se txirumbi txa Jezabheli txi na nga sinoniso amu thembweni, ka wukhalo wa wudotho wa Jezireyeli, ti si koteki ku m'ziva taku awuwa i Jezabheli.

1 Vafumeli 16:11

Se ku to maheka tito, mbimo yi a nga fuma a di ha txituluni kwakwe ka wukoma, a to lwisa yotshe nyumba ya ka Bhahasa; kha siya ni wamwamna ni wammweyo, ka maxaka akwe, hambi ni ka vangana.

1 Samuwele 25:34

Nguko ngu ditshuri, ni xambanya ngu Mkoma, Txizimu txa Israyeli, wule a nga ni vhalela ku ku mahela wubihi tito, i ti ku awe u sa kuluveta, u ni hingeta, ku sa sala txilo ka Nabhali, kala ni mixo, hambi mfana mmweyo.

1 Samuwele 25:22

Ngu toneto, Txizimu txi na mahe ni kuengeta ka valala va Dhavhidha, ngako ni txo siya wa mfana mmweyo ka sotshe si a ku naso kala ni mixo.

1 Samuwele 2:30

Ngu kumaha keto, Mkoma Txizimu txa Israyeli, a khene: Ngu ditshuri ani ni wombile ti taku, nyumba yako ni nyumba ya tate wako, ti na tsimbila masoni kwangu kala kupinduka; aniko konkuwa, kuwomba Mkoma,: Timhaketo ti nave kule ni nani! Nguko ni na thava avale va ni thavako, kambe avale va ni eyisako va na wiswa tingana.

1 Vafumeli 13:34

Eto ti mahile txionho nyumbani ka Jerobhowamu, kasi ku yi hasamula ni ku yi fuvisa ha mafuni.

1 Vafumeli 16:3

wona, ni na thavisa liveleko la Bhahasa ni liveleko lako, se wu na nga tile wu nga mahisa tona m'ti wa Jerobhowamu, mwana Nebhate.

Jeremiya 32:18

Ngawe u nga mahela wumbilu magumi a mazana, u tshumeta wubihi wa vatate tikhanani ka vanana vawe msana kwawe; u wa hombe, Txizimu Nyamitamo, ditina dako u Mkoma wa Mabutho a Tiyimbi.