1 Vafumeli 13:34 - Bhiblia Yo Sawuleka

³⁴ Eto ti mahile txionho nyumbani ka Jerobhowamu, kasi ku yi hasamula ni ku yi fuvisa ha mafuni.

1 Vafumeli 13:34 Referans Kwoze

1 Vafumeli 14:10

se ni na tisa dikhombo nyumbani ka Jerobhowamu, se ni na va abanisa kukhukhela ka wamwamna kala ka mfana, hagari ka txikarawa ni wo txhatxheka amu Israyeli, se ni na tshotsha hahanze liveleko la nyumba ya Jerobhowamu, nga tile si tshotshiswako tona sinoniso, kala ku va heta votshe.

1 Vafumeli 12:30

Se tximaho txiya txi mahile txionho, nguko vathu va txi tsula kala Dhani, mmweyo ni mmweyo a txi khozela.

2 Vafumeli 17:21

Nguko msana ka kule Mkoma a nga abanisa Israyeli ka nyumba ya Dhavhidha, va to fumisa Jerobhowamu mwana Nebhate; Jerobhowamu a to hambukisa Israyeli amu ka kulondisa Mkoma, e va maha ve onha txionho txa hombe.

Mavingu 13:6

Wululamo wa xayisa m'thu wamnene nzilani kwakwe, aniko wubihi wu na wisa muonhi.

2 Vafumeli 10:31

Aniko Jehu kha sikota kulondisa ngu mbilu yakwe yotshe Mlayo wa Mkoma, Txizimu txa ka Israyeli, kambe kha nga hambuka amu ka sionho sile Jerobhowamu a nga onhisa ngu sona Israyeli.

1 Vafumeli 12:26

Se Jerobhowamu a to womba mbiluni kwakwe ku khene: Konkuwa, wukoma wu na tshumelela nyumbani ka Dhavhidha.

1 Vafumeli 14:1

Ka yona yile mbimo a to lwala Abhiya mwanana wa Jerobhowamu.

1 Vafumeli 14:16

A na ningela Israyeli ngu mhaka ya sionho sa Jerobhowamu, a nga onha e onhisa ni Israyeli.

1 Vafumeli 15:26

Kambe a to maha wubihi masoni ka Mkoma, a to tsimbila ngu tinzila ta tate wakwe ni ka sionho sile a nga ti si mahile si onhisa Israyeli.

1 Vafumeli 21:22

se ni na fuvisa nyumba yako nga ti ni nga fuvisisa tona nyumba ya ka Jerobhowamu, mwana Nebhate, ni kufana ni nyumba ya Bhahasa, mwana Ahiya, ngu mhaka ya ti u nga ni vhukisa tona, se u txi onhisa Israyeli.

2 Vafumeli 10:29

Kambe Jehu kha huluka kuonha nga tile a nga maha Jerobhowamu, mwana Nabhote, a nga za e onhisa Israyeli, ngu marole a silivhela, ma nga txi maneka Bheteli ni Dhani.

Jeremiya 28:16

Ngu konaho, Mkoma a khene: Ni na kuthavisa ha mafuni, u na fa ka dona dilembe diya, nguko u wommbawombile ngu kukaneta, u txi wukela Mkoma.

Hoseya 10:8

Se mimango ya Avheni, i ku txionho txa Israyeli yi na khundumuswa; mipa ni maxexo si na kula txitimwi ka siluvelo sawe; se va na kha vona ka mimango: Hi fenengeteni! Se ka simangwana: Welani txitimwi kwathu!

1 Vafumeli 14:7

Tsula u ya gela Jerobhowamu ku khawe: Mkoma, Txizimu txa Israyeli, a khene: Wona ni ku guletile hagari ka vathu, se ni kuvekile kuve mthangeli wa vathu vangu va Israyeli,

1 Vafumeli 14:11

Awu a no ya fela didhoropani ka Jerobhowamu, a na dyiwa ngu timbwa, se awule a no fela hahanze, a na dyiwa ngu sinyana sa nzuma, nguko Mkoma a wombile.

1 Vafumeli 15:25

Se Nadhabhi, mwana Jerobhowamu, a to khata kufumela Israyeli ka dilembe da wumbidi da Asa, mfumeli wa Judha; se a to fumela Israyeli malembe mambidi.