1 Vafumeli 13:2 - Bhiblia Yo Sawuleka

² Se a to ruketela txiluvelo ngu dipswi da Mkoma, a txi khene: Awe txiluvelo! Awe txiluvelo! Mkoma a womba tiya: Wona ti to ku na velekwa dizambi ka nyumba ya Dhavhidha, ditina dakwe i nava Josiya, awule a no ningela kwako vaphaxeli va wukholo ko guleka avale va hisako dibaselo, ni marambu a vathu ma hiswa txitimwi kwako.

1 Vafumeli 13:2 Referans Kwoze

Ezekhiyele 36:1

Se awe mwanana wa m'thu, profeta ka mimango ya Israyeli u txi khawe: Anu mimango ya ka Israyeli, engisani dipswi da Mkoma.

Luka 19:40

Kambe Jesu a va angute a txi khene: “Na mi gela ku khani: Ngako vona va txi malala, marigwi ma na kwangula.”

Ezekhiyele 38:4

Se ni na ku horolokisela, kambe ni na vekela simemba titshayani kwako, ni txi kuteka awe ni dotshe dibutho dako da yimbi, mahantxhi ni vagadhi va ona, votshe va di ambate sa yimbi, msengeletano wa hombe, na wu di ni sitxhavangu, votshe va na xoma matxhari;

Ezekhiyele 36:4

ngu tona eto, engisani dipswi da Mkoma Txizimu anu mimango ya ka Israyeli: Mkoma Txizimu a khene ka mimango ni ka simangwana, ka minambo ni ka mikova, ka makhalo a marumbi ni ka txiwunda, ni ka madhoropa ale ma nga lekwa, o ñolwa, a txisekiso ka matiko ale ma nga sala madhawani kwawe.

Jeremiya 22:29

O ditiko dangu, ditiko dangu, ditiko dangu! Engisa mhaka ya Mkoma!

Isaya 58:1

Huwelela ngu dipswi do guleka, u nga malale, guleta dipswi kufana ni mpundu; kambe zivisa vathu vangu wuhambunyeti wawe, ni va nyumba ya ka Jakobe sionho sawe.

Isaya 46:10

ni zivisa magwito kukhukhela makhatoni, ni kukhukhela kale ngutu atile ti sanziko kumaheka; ni ku khani: “Makungo angu ma na tsana, se ni na maha kotshe kuranda kwangu”;

Isaya 42:9

Wona taku, timhaka ta kale ti pindile, na mi zivisa timhaka ta tiphya, na mi zivisa ti sanzi kuwoneka.

Isaya 1:2

Engisani anu tinzuma, riya tinzeve awe mafu, nguko Mkoma wa womba-womba: Ni wunjile vanana ni va kulisa, aniko vona va ni tshuralete.

2 Makronika 34:1

Josiya a khatile kufuma a di ni tanga ya mtxhanu wa malembe ni mararu, se a to fumela Jerusalema magumi mararu a malembe ni dilembe dimwendo.

1 Vafumeli 13:32

nguko ngu ditshuri ku na tatiseka ati ti nga wombwa ngu dipswi da Mkoma di txi ruketela txiluvelo txa Bheteli, kumweko ni totshe tinyumba ta makhalo o guleka ti ku madhoropani ka Samariya.

Dhewuteronome 32:1

Riya nzeve awe nzuma, nguko ni lava kuwombawomba; Awe mafu, engisa mapswi a txisofu txangu!

2 Makronika 34:3

Ngu dilembe da wutxhanu ni mararu, da kufuma ka Josiya, i di ngadi dizambi, e khata kulava Txizimu txa Dhavhidha tate wakwe; se ngu dilembe da wugumi ni mambidi a to khata kubasisa ditiko da va ka Judha ni Jerusalema a txi thavisela makhalo awe o guleka, a txi wilela tiphande tawe ni sithombe so vatwa ni so wumbwa.

Jeremiya 1:2

Awu dipswi da Mkoma di nga ta kwakwe, ka masiku a Josiya, mwana Amoni, mfumeli wa ka Judha, ngu dilembe da digumi ni mararu da kufuma kwakwe.