1 Vafumeli 13:1 - Bhiblia Yo Sawuleka

¹ Wonani ati to ngu kuruma ka Mkoma kutile m'thu wa Txizimu Bheteli ngu Judha; se Jerobhowamu a ti txiluveloni, kasi kuhisa dibaselo.

1 Vafumeli 13:1 Referans Kwoze

2 Vafumeli 23:17

Sekoko a to khene: Njiwumbwa muni txi ni txi wonako kani? Se vathu va didhoropani va to kha vona: Dithitha da m'thu wa Txizimu wa kuta ngu ditikoni ka Judha, a nga profeta ngu ti u nga ti maha ka txiluvelo txiya txa Bheteli.

1 Vatesalonika 4:15

Ha mi gela ngu ka Mkoma, ti taku: Athu hi nota maneka hi txi hanya, athu hi no salela kuwuya ka Mkoma, kha hi na mbi va thangela ava va nga ti fela;

Jeremiya 25:3

Kukhukhela ka dilembe da digumi ni mararu da kufuma ka Josiya, mwana Amoni, mfumeli wa ka Judha, kala ka diya ditshiku, mndani ka magumi mambidi a malembe ni mararu, Mkoma a ti womba-womba ni nani, ni di txhumayete kwanu i di ngadi mixo, aniko anu kha ma engisa.

Jeremiya 32:29

Vakaldheya va randelako didhoropa diya, va na wulela ka dona va txi di hisa ngu mndilo, va txi hisa ni tinyumba totshe ati ku hiselwako ka tona mabaselo a Bhahali, ni kuningela miningelo ya kusela ka simwani sizimu, va txi ni henyisa.

Jeremiya 11:12

Sekoko madhoropa a ka Judha ni vazumbi va Jerusalema, va na ya dila ka sizimu sile va nga si hisela dibaselo, aniko lambi va na mbi va hulukisa ka ditshiku da dikhombo dawe.

2 Makronika 26:18

Ve ya wulela ve mtsimba mfumeli Uziya, va txi kha vona: Uziya, mthumo wo hisa dibaselo masoni ka Mkoma hi nga wako, mbwa vaphaxeli, vanana va Aroni, a va hi ku vona va nga sawulwa kuhisa dibaselo, huma dithepeleni muwa! Mhaka yi u yi mahako kha yi na kutsanisa kukatekiswa ngu Mkoma Txizimu.

2 Makronika 9:29

Se ngu wungi wa mithumo ya Solomoni, ni totshe tile a nga maha, ti ngava ti sa bhalwa amu ka dibhuku da matimu a Nathani mprofeti, ni ka wuprofeti wa Ayiya wa Siloni, ni ka siwoniso sa Idho m'huti, ngu Jerobhowamu mwana Nebhate?

1 Vafumeli 20:35

Sekoko mmweyo ka vavamna vale i ku vanana va vaprofeti, a to khene ka mkwawe madingano ni dipswi da Mkoma: Ni peke. Se wamwamna wule a to lamba ku mpeka.

1 Vafumeli 13:32

nguko ngu ditshuri ku na tatiseka ati ti nga wombwa ngu dipswi da Mkoma di txi ruketela txiluvelo txa Bheteli, kumweko ni totshe tinyumba ta makhalo o guleka ti ku madhoropani ka Samariya.

1 Vafumeli 13:26

Se mbimo yile a nga tiengisa mprofeti wule a nga mtshumeta hanzila, a to khene: I m'thu wa Txizimu a nga eyisa txisofu txa Mkoma; ngu mhaka yeto Mkoma a mningete ka ngonyamo, yi yi nga m'dayisa ku mphatulela, madingano ni dipswi dile a nga ti getwe ngu Mkoma.

1 Vafumeli 13:9

Nguko Mkoma a ni layile ngu dipswi dakwe a txi khene: U ngadye dipawu ni kusela mati, hambi kutshumela ngu nzila yile u nga tsula ngu yona.

1 Vafumeli 13:5

Txiluvelo txi to bhandeka, se dikhuma di to thekela ngu txiluveloni, madingano ni txikombiso txile m'thu wa Txizimu a nga txi womba ngu dipswi da Mkoma.

1 Vafumeli 12:22

Sekoko dipswi da Txizimu di tile ka Semaya, m'thu wa Txizimu, di txi kha dona:

Mitengo 16:40

Si nava txialakanyiso ka vanana va ka Israyeli; kasi ti to ku si thuki ku txi va ni m'thu mmwani awu i singako wa lihunzu la ka Aroni, a no tshuketa e ningela dibaselo masoni ka Mkoma, a nga dhuka e fana ni Kora ni mtxawa wakwe, nga ti Mkoma a nga womba ngu txisofu txa Mosi.

Mtuletelo 8:3

Yi to ta yi ta ema yimwani ngelozi hafuhi ni txiluvelo, yi di ni txiya txa txiwungelo txa nzalama. Se va to yi ninga dibaselo da dingi kasiku yi di pata ni mikombelo ya votshe vasawuleki, txitimwi ka txiluvelo txa nzalama, txi ku masoni ka txikhalo txa wukoma.

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

1 Samuwele 9:6

Aniko ene a to m'gela tiya: Wona taku, ku ni m'thu wa Txizimu ka didhoropa diya, kambe mbwa mwamna wa wudhumo; totshe ti a wombako ta maheka, kha ti tandeki. Hi tsimbile konkuwa kwakwe, kutilava a na ya hi komba nzila yi hi felako kutsimbila ngu yona.

2 Vafumeli 23:15

Se ni txiluvelo txile txi nga ti ti maneka Bheteli, ni txiluvelo txi txi nga mahwa ngu Jerobhowamu, mwana Nebhate, a nga ti ti onhisile Israyeli, kambe a to khundumusa txiluvelo; e hisa txiluvelo txi maha dikhuma, se e hisa txithombe txo vatwa.

2 Makronika 26:16

Mbimo yile Uziya a nga wona ti to wukoma wakwe wu tsani, mbilu yakwe yi to khata kutikulisa, e ndaka Mlayo wa Mkoma Txizimu txakwe, a to wulela Nyumbani ka Mkoma e hisa dibaselo ha txiluveloni ka dibaselo.

1 Samuwele 2:27

Se kutota m'thu wa Txizimu ka Eli, a txi ta m'gela tiya: Mkoma a womba tiya: Ina kha na tikomba ngu ditshuri, ka nyumba ya tate wako, va ka Israyeli va di ngadi Egipta, nyumbani ka Faro, kani?

Amosi 7:13

Kambe a ha Bheteli, kukhukhela kuwa kala kupinduka, khu na mbi ngadi u profeta kambe, nguko wukhalo wo sawuleka wa mfumeli ni nyumba ya mfumo.

Amosi 7:16

Kambe engisa dipswi da Mkoma: Awe u womba tiya: Khu na mbi profeta Israyeli, hambi kuwombawomba ngu nyumba ya Isaake.