1 Vafumeli 12:26 - Bhiblia Yo Sawuleka

²⁶ Se Jerobhowamu a to womba mbiluni kwakwe ku khene: Konkuwa, wukoma wu na tshumelela nyumbani ka Dhavhidha.

1 Vafumeli 12:26 Referans Kwoze

Johani 12:19

Vafarisi koko va to gelana, va txi kha vona: “Hi nga wonani! Athu kha hi na mbi kota txilo. Ma ti wona ti to ditiko dotshe di londetela ene.”

Luka 7:39

Ngako a txi ti wona, mfarisi wu a nga mu dhanela sakudya, a to pimisa mbiluni kwakwe, a txi khene: “Idiku mamowa wo va mprofeti, a ndi na m'ziva wu wamsikati a m'gwesako, ti to i mani, nguko ene njionhi.”

Isaya 7:9

Hambi keto, m'zinda ka Efrayime, ngu Samariya, ni msungo wa Samariya, i mwana Remaliya; ngako mi si kholwi, lambi kha mi na mbi tsana.

Masalmo 14:1

Mahundwa ma womba timbiluni ka ona, ma txi kha ona: “Kha txi nga ho Txizimu!” Ma onhekile, ma txi maha mithumo yo nyenyeza; kha nga ho ni wammweyo a mahako ta tinene!

2 Makronika 20:20

Se magwanani ka kona, va to wuka ni mixo veya txiwulani ka Tekowa; Mbimo yi va nga ti ti tsula, Josafati a to va ngela ku khene: Ni engiseni anu va ka Judha, ni nanu vazumbi va Jerusalema: Thembani Mkoma Txizimu txanu kasi ku mi na tsana; thembani vaprofeti vakwe mi na xula.

1 Vafumeli 11:38

Se ku na maheka ti to u txi engisa totshe ti ni no kuruma, u tsimbila ngu totshe tinzila tangu, u maha ta tinene masoni kwangu, u txi veketa sileleto sangu ni milayo yangu, ku nga ti txithumi txangu Dhavhidha a nga mahisa tona, ani ni na va ni nawe, ni na kuakela nyumba yo tsana, ku nga kule ni akela Dhavhidha, ni na kuninga Israyeli.

1 Samuwele 27:1

Kambe Dhavhidha a to khene mbiluni kwakwe: Dimwani ditshiku ni na dawa ngu Sawule; kha ku nata tshuko kwangu kupinda ku ni huluka ni kuluveta ni tsula ditikoni ka Vafilista; kasiku Sawule a txi leka ku ni xota ka yotshe mihingano ya Israyeli; ngu kumaha keto ni na huluka ka dianza dakwe.

1 Vafumeli 12:25

Se Jerobhowamu a to aka Sikemi, ka mmango wa Efrayime, e zumba konaho, a to khukha nguho eya aka Penuweli.

1 Vafumeli 12:27

Ngako vathu vava va txi kwela veya maha miphaxo Jerusalema, Nyumbani ka Mkoma, mbilu yawe vathu vava yi na rendekela ka nyamne wawe, Robhowamu, mfumeli wa Judha, se va na ni daya, se ve tshumelela ka Robhowamu, mfumeli wa Judha.

1 Vafumeli 15:17

Nguko Bhahasa mfumeli wa Israyeli, a to wukela Judha ngu kuaka Rama, kasiku ni wammweyo asi tumetiswi kuhuma, hambi kuwulela hafuhi ni Asa, mfumeli wa Judha.

2 Vafumeli 13:2

A to maha a ti i singako ta tinene masoni ka Mkoma, nguko a londisile sionho sa Jerobhowamu, mwana Nabhote, a nga onhisa Israyeli, kha hambana ale.

Mavingu 14:12

Ku ni nzila yile m'thu a yi wonisako ku nga yi lulamile, aniko magwito ka yona ndinzila to yisa kufani.