1 Vafumeli 12:15 - Bhiblia Yo Sawuleka

¹⁵ Mfumeli kha ngava ni mhaka ngu vathu, nguko ku va wukela kuwa kutxita ngu ka Mkoma, kasi kutsanisa dipswi dile a nga ti di wombile ngu mprofeti Ayasi, musilonita ka Jerobhowamu, mwana Nebhate.

1 Vafumeli 12:15 Referans Kwoze

1 Vafumeli 12:24

Mkoma a khene: Kha mi na mbi kwelela mi txi ya wukela vananu, i ku vanana va ka Israyeli; m'thu ni m'thu a na tshumele e tsula m'tini kwakwe, nguko ani ngani ni nga maha mthumo wuwa. Se va to engisa dipswi da Mkoma, va to tshumela madingano ni kuwomba ka Mkoma.

Valamuli 14:4

Aniko tate wakwe ni mame wakwe, va ti si ti zivi ti to atiya ti txi ta ngu ka Mkoma; nguko a ti ti lava nzila ya kutsayisa Vafilista, ngako ka yona yile mbimo, Vafilista va ti ti fuma txitimwi ka Israyeli.

Dhewuteronome 2:30

Aniko Seyoni, mfumeli wa Hesibhoni, kha hi tumelela ti to hi pinda ngu ditikoni kwakwe, nguko Mkoma, Txizimu txako, a hangalasile moya wakwe ni mbilu yakwe, kasi ku e mningela manzani kwako, nga ti ti nga maheka kala ni nyamsi.

2 Makronika 25:20

Kambe Amaziya kha ti pfisisa, nguko mhaka yiya yi ti ta ngu ka Txizimu, kasi ku txi txi va ningela manzani ka valala vawe, ngu mhaka ya kule va nga ti lavela sizimu sa ka Edhomi.

2 Makronika 22:7

Sekoko kuloviswa ka Akaziya i ti ti kuranda ka Txizimu, ngu mhaka ya kuya ka Joramu, nguko mbimo yile a nga hoka a to xoma yimbi ni Joramu ve lwa ni Jewu mwana Ninisi, awule Mkoma a nga mtota kufuvisa nyumba ya ka Akabe.

2 Makronika 10:15

Ngu toneto, mfumeli kha engisa vathu, nguko kutxitxa kuwa ku ti ta ngu ka Txizimu, kasi ku Mkoma e tsanisa dipswi dakwe, dile a ngadi womba ka Jerobhowamu, mwana Nabhate, ngu mprofeti Ayasi, wa Silo.

1 Vafumeli 11:11

Se Mkoma a to khene ka Solomoni: Se aku ku nga maneka eto kwako, ta kwa mbi vekisa txitumelelano txangu ni sileleto sangu ni nga kuruma, ngu ditshuri awu mfumo ni na wu abanisa ni wu ningela ka txithumi txako.

Mithumo 4:28

Ngu konaho vona va mahile totshe ti u nga ti emisa ngu kale ngu diwoko dako ni kuranda kwako, ti to ti na maheka.

Mithumo 2:23

Ngene wu a nga ningelwa mtamoni kwanu ngu txikungo txa kutsana ni wuzivi wa Txizimu. Se anu mi mu date ngu ku mu gogotela ha txihambanoni ngu manza a vathu va i ku sindaka-milayo.

Amosi 3:6

Ina ku nga pekwa mpundu didhoropani vathu va si dhudhumeli ngu kuthava kani? Ina ku nga humelela wubihi didhoropani, na wu sa mahwa ngu Mkoma kani?

Dhaniyeli 4:35

Se votshe vaaki va ha mafuni hi nga va txilo masoni kwakwe, se madingano ni kuranda kwakwe, ene a thuma ni dibutho da nzumani ni vaaki va ha mafuni. Kha ngaho wu a nga tsivelako dianza dakwe, hambi ku wotisa taku: U maha txani kani?

2 Makronika 25:16

Se ku to maheka taku, mbimo yile a nga txi womba-womba nayo, a to mxamula a txi khene: Va kuvekile kuva didhota da mfumeli kani? Malala, u lava kudawelwa txani kani? Sekoko mprofeti a to khukha a txi khene: Na ti wona ti to Txizimu txi navete ku kulovisa ngu mhaka ya timhaka tiya u nga timaha; khwa engisa dipswi dangu.

2 Vafumeli 10:10

Ti ziveni koko konkuwa taku, ngu ka dipswi da Mkoma, adi Mkoma a ngadi womba madingano ni nyumba ya ka Akabe, kha di na kuwa walo hahatshi, nguko Mkoma wa maha tile a nga womba ngu txithumi txakwe Elija.

2 Vafumeli 9:36

Sekoko va to wuya ve ta zivisa Jehu, ene a nje khene: Adiya ngu dona dipswi da Mkoma, a ngadi womba ngu mthumo wa Elija, Mtibhita, txithumi txakwe a txi khene: Ka wukhalo wa wudotho wa thembwe ya Jezireyeli, timbwa ti na dya nyama ya Jezabheli,

1 Vafumeli 22:23

Kona kuwa koko, Mkoma a vekile moya wa makuhu, sisofuni ka votshe vaprofeti vako, kambe Mkoma a wombile ngu ku kuwukela.

2 Samuwele 17:14

Sekoko Abhisalome ni votshe vavamna va ka Israyeli va to kha vona: Mapswi a Husayi, muariki, ma pfala kupinda a Ayitofeli ( nguko Mkoma a rumisile toneto, kasi kutxhipisa mapswi amanene a Ayitofeli, kuva Mkoma e tisa dikhombo txitimwi ka Abhisalome).

Mithumo 3:17

“Hambi keto, vanathu, na tiziva ti to mi mahile tiya ngu kusisalelwa, kufana ni vona vathangeli vanu.

Masalmo 5:10

Awe Txizimu va rweke mnandu wawe! Va leke va txi loviswa ngu makungo awe. Va tutumise ngu mhaka ya mtalo wa sionho sawe, nguko va terekile va txi kuwukela.

1 Samuwele 15:29

Kambe awule i ku Mtamo wa va ka Israyeli kha hembi mwendo kutilaya; nguko hi nga m'thu waku a na tilaya.

Genesisi 24:50

Sekoko Labhani ni Bhetuweli va to xamula, va txi kha vona: “Dipswi diya di ta ngu ka Mkoma, kha hi sikoti kuangula dimwani dipswi kwako, hahanze ka tile ene a ti tsakelako.