1 Vafumeli 12:13 - Bhiblia Yo Sawuleka

¹³ Se mfumeli a to va xamula vathu vale ngu kukaratisa ngutu, nguko a ti lekile wudhota wule a nga ti ningilwe ngu madhota.

1 Vafumeli 12:13 Referans Kwoze

Jakobe 3:17

Kasi wuzivi wu wu tako ngu txitimwi, kukhata wu basile, kambe wu ni lidikho, ni wunene, ni kuengisa, kuhonisela, ni mihando ya yinene, ku ambi kana-kana, ni ku ambi kanganyisa.

Ekleziyaste 10:12

Mapswi a txisofu txa txhari ma tsakisa, aniko txisofu txa txiphukuphuku txa txi haxula.

Mavingu 18:23

Txisiwana txi womba-womba ngu kukhongotela, aniko nyatithombe a womba-womba ngu kunemetisela.

Mavingu 13:20

Hanya ni titxhari u na txhariha, aniko mngana wa siphukuphuku a na xaniswa.

Mavingu 10:32

Txisofu txa m'thu wo lulama txa ziva to tsakisa, aniko sisofu sa vo biha, sitate ngu wukanganyisi.

Mavingu 10:11

Txisofu txa wo lulama njisima txa wutomi, aniko kulwisa ka tsiva sisofu sa vo biha.

2 Samuwele 19:43

Se vavamna va ka Israyeli va to xamula ka vavamna va ka Judha, va txi kha vona: Athu hi ni digumi da tifanelo ka mfumeli, hambi ka Dhavhidha hi nato ngutu kupinda anu; ngu kutxani koko, mi si khataliko ngu ngathu, kasiku dipswi dathu di si mahi do khata, kasi kutshumela hi wuyisa mfumeli wathu kani? Kambe dipswi da vathu va ka Judha di ve ni mtamo ngutu kupinda dipswi da vathu va ka Israyeli.

1 Samuwele 20:10

Se Dhavhidha a to khene ka Jonatani: Ni na ziviswa ngu mani, ngako tate wako a txi kuxamula ngu mapswi o nemela kani?

Eksodha 10:28

Se Faro a wombile ka Mosi a txi khene: “Khukha hafuhi kwangu, aniko u nga swe u txi woneka kambe masoni kwangu, nguko ditshiku di u nota woneka khoheni kwangu, u na fa.”

Eksodha 5:2

Aniko Faro a to khene: “I maniMkoma, wa ku naza ni engisa dipswi dakwe, ni leka va ka Israyeli, ve tsula kani? Kha ni m'zivi Mkoma, kambe kha ni na mbi leka va ka Israyeli ve tsula.”

Genesisi 42:30

M'thu wule a fumako ditiko dile, a hi wombawombete ngu wurena, a txi pimisa ti to hi sinyengwani ka ditiko dile.

Genesisi 42:7

Kambe Josefa a di woni vanawe, a to va ziva, aniko a to ti mahisa a txi nga mthuyo, e womba-womba navo ngu wurena. A to va wotisa, a txi khene: “Mi ta ngu hani kani?” Se vona va mxamute va txi kha vona: “Hi ta ngu ditikoni ka Kanana, ho ta xava sakudya.”

Genesisi 16:6

Abramu a to womba ka Sarayi, a txi khene: “Wona, txithumi txako txi manzani kwako. Maha ka txona nga ti u ti lavisako tona.” Sarayi a to khata ku mahela tshofu Hagari, ahawa ka kuza Hagari e thava masoni kwakwe.

Mavingu 15:1

Kuxamula ko ti veka hahatshi ka releta kuhenya, kambe mapswi o nemela ma wusa kuhenya.

1 Vafumeli 12:12

Sekoko Jerobhowamu a tile ni votshe vathu ka Robhowamu, ngu ditshiku da wuraru, ku nga tile mfumeli a nga ti wombile a txi khene: Wuyani kwangu ngu ditshiku da wuraru.

1 Vafumeli 12:14

Se a to va gelisa tile a nga vhuniswa tona ngu majaha, a txi khene: Tate wangu a nemetisile dikange danu, sekoko ani ni na engetela kambe kunemela ka dikange danu; tate wangu a mi tsayisile ngu ku mi kwapela, aniko ani ni na mi tsayisa ngu tingume.

Ekleziyaste 2:19

Se i mani a ti zivako ti to m'thuyo i nava txhari mwendo txiphukuphuku kani? Hambi keto, ene a na fumela wotshe m'thumo wangu, wule ni nga wu maha, ni wutxhari wule ni nga nigwa hahatshi ka ditambo; eto ni tona mbukanyganyisi.