1 Vafumeli 11:7 - Bhiblia Yo Sawuleka

⁷ Se Solomoni a to aka wukhalo wo dhumisa ka wona Kemosi, i nga ti txizimu txo biha txa Vamowabhi, ka mmango wu nga ti maneka wutxani ka Jerusalema, ni wukhalo wo dhumisa Moloke, txizimu txa walo txa Vaamoni.

1 Vafumeli 11:7 Referans Kwoze

Mitengo 21:29

Ddikhombo kwako awe Mowabhi! U timete awe ditiko da Kemosi! U ningete vanana vanu ve tutuma, ni mahorana anu ka wukhumbi wa Sihoni, mfumeli wa Vaamori.

Valamuli 11:24

Khu na mbi fumela matiko ale txizimu txako Kamosi txi nga kuninga, u txi ma khozisa kani? Ngu toneto, athu hi na xayisa sotshe si Mkoma, Txizimu txathu, a nga tekela vamwani a txi hi ninga.

Mithumo 7:43

Kambe mi rwate m'dhuti wa Moloke ni nyeleti ya txikwembu txanu Refani. I ku sithombe si mi nga si maha kasi ku si khizamela. Ngu konaho ni na mi payula ni mi yisa ka kupinda Bhabhilona.

Mithumo 1:12

Sekoko va to khukha ka mmango, wu dhanwako ku mbwa Miolivha, awu wu ku hafuhi ni Jerusalema, mnava wa kudingana nzila ya ditshiku da Sabbata, se ve tshumelela Jerusalema.

Mithumo 1:9

A di wombile timhaka tiya, a to guleka na va txi mu wona, se direfu di mu tsivela, va si swi va txi mu wona.

Matewu 26:30

Msana ka kuva va di embelete mzeno, va to huma veya mmangoni ka Olivheti.

Zakariya 14:4

Se ka ditshiku donedo, Mkoma a na ema txitimwi ka mmango wa miolivha, yi yi ku hafuhi ni Jerusalema, ngu didhawa da wutxani; se mmango wa miolivha wu na abaneka ngu hagari, ngu wutxani, ni mswa-ditambo, kambe ku nava ni mkova wa hombe ngutu; hafu ya mimango yi na tshuketa wuphemba, se yimwani hafu yi na tshuketa wulambwe.

Dhaniyeli 12:11

Se kukhukhela ka mbimo yi mphaxo wa ditshiku ni ditshiku wu no thaviswa wu txi vekwa ka makhalo o nyenyeza, ku nava ku di pindile 1.290 wa masiku.

Dhaniyeli 11:31

Se ku na huma mitamo yokari yi txiya kwakwe, yi txiya nyenyezisa wukhalo wo sawuleka ni mikhokhola, kambe yi na fuvisa miphaxo ya ditshiku ni ditshiku, yi na veka tximaha txa kudhukisela ka hombe.

Ezekhiyele 18:12

a txi xanisa txisiwana ni wule wo pwata, a txi pa, kambe asi tshumeti sile so vekiswa, a gulako maso akwe me wonetela sithombe, e mahetela to nyenyeza,

Jeremiya 48:13

Mowabhi a nave ni tingana ngu Kemosi, nga kule nyumba ya ka Israyeli yi nga pfa tingana ngu Bheteli, txithembo txakwe.

Isaya 44:19

Se kha ku nga ni wammweyo kwawe a khatalako ngutu, a ku ni wuzivi mwendo mapimo, kasi ku khene: Hafu ni hisile, ni bhikile dipawu txitimwi ka makala a mndilo, kambe ni yokile nyama txitimwi ka ona, nidya; se ni nga maha manyala ngu yile yi nga sala kani? Ina ni nga khizamela phande ya mndonga kani?

Masalmo 78:58

Va henyisile Txizimu ngu mhaka ya siluvelo sa wuhedheni; va wusile txiluse txa Txizimu ngu kukhozela sithombe.

2 Vafumeli 23:10

Niku a nyamisile Tofeti, ku manekako mreleloni ka vanana va Hinomi, ati taku ni wammweyo wawe asi pindisi mwanana wakwe wa mfana mwendo wa dihorana ngu ha mndiloni ka Moloke.

2 Samuwele 15:30

Se Dhavhidha a to kwelela ngu mmango wa miolivha, na a txi dila, a di fenengetile msungo, a to tsimbila asi ya ambala txilo mikondoni; se votshe vathu vale a nga ti nayo va to ti fenengeta misungo yawe ve kwelela va txi dila.

Dhewuteronome 27:15

“Dikhombo di nave ka m'thu wule a mahako txithombe txo vatwa, mwendo txo bhakwa, nguko manyala ka Mkoma, tximaha txa mthumo wa manza a vathu, a txi txi khozela kusisalani!” Se vathu votshe va na womba va txi kha vona: “Amen!”

Dhewuteronome 13:14

sekoko u fanete kuxolisisa, u wonisisa, ni ku wotisisa kha kwati. Ngako i ti ditshuri, ngako ti di tsani ti to mhakeyo yo biha yi mahekile hagari kwanu,

Mitengo 33:52

mi na tutumisa votshe va zumbako ka dona, masoni kwanu, ni kukhundumusela sotshe sithombe sawe; kambe mi na khundumusela sotshe sifananiso sawe sa tisimbi, mi na khundumusela sotshe sithombe sawe;

Levhi 26:30

Ni na haxulela makhalo anu o guleka, ni txi fayetela sithombe sanu sa ditambo, se ni na tshotsha sirumbi sanu txitimwi ka sirumbi sa sithombe sa sizimu sanu; moya wangu wu na karala ngu nganu.

Genesisi 33:2

A to thangetisa sithumi ni vanana va sona, e veka Leya ni vanana vakwe, ngu msana; se ngu kugwitisa e veka Rakeli ni Josefa.

1 Vafumeli 11:5

nguko Solomoni a to tsimbila ngu nzila ya Axitaroti, txizimu txa txisikati txa Vasidhoni, ni kulondeta Milkomi, txinyenyeko txa Vaamoni.

1 Vafumeli 11:6

Ngu toneto, Solomoni a to maha kubiha kuwonani ka Mkoma, se kha ti vekisela kulondeta Mkoma, nga tate wakwe Dhavhidha.

1 Vafumeli 11:8

A to va mahela toneto votshe vasikati vakwe va matiko mamwani, avale va nga ti hisa mabaselo ve phaxela ka sizimu sawe.

1 Vafumeli 15:12

nguko a thavisile vafana vo biha ditikoni, e thavisa ni sithombe sile si nga mahwa ngu vatate vakwe,

2 Makronika 21:11

A to maha makhalo o guleka amu mimangoni ka va ka Judha, a kujetela vathu va Jerusalema kuva txi onha ni va ka Judha e va yisa ka toneto.

Jeremiya 32:31

Nguko adiya didhoropa di vhilusile kuhenya kwangu ni txiviti txangu kukhukhela ditshikwedo va ngadi aka kala nyamsi kuwa; kuva ni txi na di thavisa masoni kwangu.

Jeremiya 32:35

Bhahali va mu akete makhalo o guleka, mkovani ka mwana Hinomi, ve hisela Moloke vanana vawe, va txiwamna ni va txisikati; eto ni nga mba va ruma tona, hambi kumaneka mapimoni kwangu ti taku, va maha manyala awe, ve maha ti to Judha a txi onha.

Jeremiya 48:46

Dikhombo kwako Mowabhi; va lovile vathu va Kemoxe; nguko vanana vako va mahilwe tikhumbi, ni mahorana ako ma wukhumbini.

Mika 1:5

Totshe eto ngu mhaka ya ku ti lambisa ka Jakobe, ni sionho sa nyumba ya ka Israyeli; ngu kuhi ku ti lambisa ka Jakobe kani? Ina hi nga ka Samariya kani? Ngu ahi makhalo o guleka a Judha kani? Hi nga Jerusalema kani?