1 Vafumeli 11:3 - Bhiblia Yo Sawuleka

³ A ti ti ni 700 wa vasikati, ni 300 wa sigango; se vasikativo vakwe va to m'dya mbilu.

1 Vafumeli 11:3 Referans Kwoze

Ekleziyaste 7:28

txivangelo txi txi ku ngadi txi xotwa ngu moya wangu, kha na txi mana; hagari ka 1.000 wa vavamna, ni to mana mmweyo, aniko hagari ka votshe vavasikati vava, kha na mana ni wammweyo.

2 Makronika 11:21

Se Robhowamu a to randa ngutu Mahaka, mwana Abhisalome, kupinda votshe vasikati va hombe ni va vasikati vavadotho a va a nga ti navo; nguko a ti tekile digumi da vavasikati ni mtxhanu ni vararu, ni mtxhanu wa magumi ni dimwedo a sigango; kambe a to veleka magumi mambidi a vanana va majaha ni mtxhanu ni mararu, ni mtxhanu wa magumi ni dimwedo a vanana vamahorana.

Valamuli 9:5

Kambe a to tsula nyumbani ka tate wakwe, kona Ofira, eya daya vanawe, vanana va Jerubhahali, mtxhanu wa magumi ni mambidi txitimwi ka dirigwi dimwedo. Se Jothamu mwanana wa tshole wa Jerubhahali, a to huluka nguko a ti sisate.

Dhewuteronome 17:17

A na ti wonele, asi teki vasikati votala, kasi ku mbilu yakwe yi si timetwi; kambe a nga sengeletele nzalama ni silivhela ngu kupindisa.

Ndando ya Tindando 6:8

Ku ni mtxhanu wa magumi ni dimwedo a tikosikazi, ni mtxhanu wa magumi ni mararu a vavasikati vavadotho, ni timbiri ta kwa mbi balwa.

Ndando ya Tindando 6:9

Aniko txituvana txangu njimwetxo, wa kwa mbi na txionho, ngene ekha ka mame wakwe, txirandwa txa wule a nga m'veleka; Ngako mahorana ma txi mu wona, va m'dhana ku wu wo kateka, vafumeli va txisikati ni vavasikati vavadotho va na m'dhumisa.

Valamuli 3:6

va to teka vanana vamahorana va vamatiko va txi maha vasikati vawe, se ni vona ve ningela vanana vawe vamahorana ka mazambi a vamatiko; aniko va to khozela sizimu sawe.

Esteri 1:18

Se ka dona ditshiku diya da dimwedo, vasikati va vathangeli va Persiya, ni va Medhiya, va na womba toneto ni vona ka votshe vathangeli va mfumeli, mbimo yi va na pfa ti ti nga mahwa ngu mfumeli wa txisikati; ngu mhaka yeto, ku nava ni txieyiso txa hombe ni kuhenyisana.

Ekleziyaste 2:8

Ni to ti sengeletela silivhela, ni nzalama, ni tithomba ta vafumeli ni ta matiko a hombe; ni ti lavete vaembeleli va txiwamna ni va txisikati, ni ku ti tsakisa ngu vanana va vathu, ni siya so embelela ngu sona sa totshe tixaka.