1 Vafumeli 11:22 - Bhiblia Yo Sawuleka

²² Sekoko Faro a to mxamula a txi khene: Se u pwata txani kwangu, u lava kukhukha u tsula m'tini kwako kani? Ene a nje khene: Hi nga txilo, hambi keto, ni thuse.

1 Vafumeli 11:22 Referans Kwoze

Luka 22:35

Ngu msana a engetile a txi khene kwawe: “Mbimo yi ni nga mi ruma, mi si nga ni mkwama mwendo msava mwendo masandazi, txi ho txi txi nga mi pwatekela kani?” Vona va to angula va txi kha vona: “Lambi!”

Marku 14:31

Aniko ene a to engeta e tsanisa ngu mtamo a txi khene: “Hambi idiku to laveka kufa kumweko ni nawe, ani kha ni na mbi kulamba.” Se votshe va to wombisa toneto ni vona.

Jeremiya 2:31

Anu va liveleko liya, engisani dipswi da Mkoma! Ina mwendo ani ni khala ku va txiwula ka Israyeli kani? Mwendo kuve ditiko da txidema kani? Ngu kutxani vathu vangu va txi: Hi txhusekile; kha hi na mbiswa hi txita kwako kani?

Masalmo 37:8

Leka kuhenya, u nga zumbe ni dikhulo; u nga henye, nguko eto ti va nga kubiha dwe.

1 Vafumeli 11:21

A di ti pfite koko, Hadhadhe ngu Egipta ti to Dhavhidha a otete ni vatate vakwe, ni ti to Jowabhi mthangeli wa dibutho da yimbi a datwe, Hadhadhe a to khene ka Faro: Ni thuse ni tsula ditikoni kwangu.

1 Vafumeli 11:23

Se Txizimu txi to wusa mmwani mlala i ku Razomi, mwana Eliyadha, a nga ti tutumile ka nyamne wakwe Hadhadhezeri, mfumeli wa Zobha,

Mavingu 27:8

M'thu wu a ku kule ni m'tini kwakwe, a fana ni txinyana txo maneka kule ni txisaka txa txona.