1 Vafumeli 11:21 - Bhiblia Yo Sawuleka

²¹ A di ti pfite koko, Hadhadhe ngu Egipta ti to Dhavhidha a otete ni vatate vakwe, ni ti to Jowabhi mthangeli wa dibutho da yimbi a datwe, Hadhadhe a to khene ka Faro: Ni thuse ni tsula ditikoni kwangu.

1 Vafumeli 11:21 Referans Kwoze

1 Vafumeli 2:10

Se Dhavhidha a to otela ni vatate vakwe, a tshotshilwe didhoropani ka Dhavhidha.

Matewu 2:20

“Khukha u teka mwanana ni mame wakwe, u txi tsula ditikoni ka Israyeli, nguko avale va nga ti bheja kudaya mwanana se va fite.”

1 Vafumeli 2:34

Se a to kwela Bhenaya, mwana Joyadha, a to ya mkoyola, a txi m'daya; a txi tshotshwa m'tini kwakwe amu txiwulani.

2 Samuwele 3:21

Sekoko Abhineri a to khene ka Dhavhidha: Na khukha ni ya tshanganisa votshe va ka Israyeli ka mfumeli, nyamne wangu, kasiku ve maha txitumelelano ni nawe; se awe u na fuma ka ti u ti lavisako tona. Koneho Dhavhidha a to satisana ni Abhineri, se e tsula ngu kuthutha.

1 Samuwele 9:26

Se va to wuka ngu mabimbi-kutxa; kambe ku to maheka tito, hafuhi ni kugwimba ka wuronga, Samuwele a to dhana Sawule a di txitimwi ka nyumba, a txi khene: Wuka hi satisana. Se Sawule a to wuka, ve huma hahanze ngu wumbidi wawe, ene ni Samuwele.

Joxuwa 2:21

Se Rahabhi a to khene: “Ti na maheke nga toneto mi wombisako tona.” Sekoko a to va leka va txi tsula; se e sunga ngoti yo bhilivila aha ka difasitela.

Eksodha 4:19

A di ngadi Midhiyani Mosi, Mkoma a ti khene kwakwe: “Tsula, u tshumela uya ditikoni ka Egipta, nguko va fite votshe avale va nga txi xota wutomi wako kasi ku kudaya.”

Genesisi 45:24

Se ngako a di salisanile ni vanawe, vona va to teka nzila, na Josefa a di va gete ku khene: “Mi nga henyisaneni hanzila!”

1 Vafumeli 11:20

Se ndiya ya Tafinesi a to veleka mwanana wa mfana i ku Genubhate, a to wunjwa ngu Tafinesi m'tini ka Faro; se Genubhate a zumbile m'tini ka Faro, kumweko ni vanana va Faro.

1 Vafumeli 11:22

Sekoko Faro a to mxamula a txi khene: Se u pwata txani kwangu, u lava kukhukha u tsula m'tini kwako kani? Ene a nje khene: Hi nga txilo, hambi keto, ni thuse.