1 Vafumeli 11:2 - Bhiblia Yo Sawuleka

² va mifumo yile Mkoma a nga ti gete vanana va ka Israyeli ku khene: Mi nga tekeni ka yona, ni yona kha yi na mbi teka kwanu; ngu kuhambana nito, va na kanganyisa timbilu tanu kuva mi londisa sizimu sawe. Se Solomoni a to randana navo.

1 Vafumeli 11:2 Referans Kwoze

Eksodha 34:16

Kambe u nga thuke u txi wuta hagari ka vanana vawe vamahorana, vasikati kasi kulowota vanana vako va vafana, va nga hambukisa vanana vako va txi maha wugango ni sizimu soneso.

1 Vakorinto 15:33

Mi nga ti kanganyiseni: “Vangana vo biha va onhetela mikhuwo ya yinene.”

Varoma 12:9

Lirando li nga ve ni kuxengetela, vengani to biha, mi txi namarela ka ti i ku ta tinene.

Mtuletelo 2:4

Kambe na kusola nguko u lekile lirando lako lo khata.

Varoma 1:32

hambiko va ti zivako ti to Txizimu txi vekile mlayo wu wu wombako ti to avale va mahako toneto, va fanetwe ngu kufa, vona kha va gwiteli ku ti maha dwe, aniko va emela ni vale va ti mahako.

Malakiya 2:11

Judha a lekile mlayo, se a mahile manyala ka Israyeli ni Jerusalema; nguko Judha a nyenyezisile wukhalo wo sawuleka wa Mkoma, awule ene a wu dhundako, se e teka mwanana wa dihorana da txizimu txa walo.

Masalmo 139:21

Mkoma, ina kha ni va vengi avale va ku vengako kani? Kha ni va nyenyi avale va ku wukelako kani?

Ezra 9:12

Se konkuwa, vanana vanu vamahorana, va nga tekwe ngu vanana vawe va majaha, ni vanana vawe vamahorana, va nga tekwe ngu vanana vanu va majaha, kambe mi nga laveni kuthutha ni kuzumbiseka kwawe; kasi ku mi ti tsanisa, mi txidya sa sinene sa ditiko diya, se mi na di maha thomba ya vanana vanu kala kupinduka.

2 Makronika 21:6

Se a to tsimbila ngu tinzila ta vafumeli va ka Israyeli, nga tile va nga mahisa tona va nyumba ya ka Akabe; nguko msikati wakwe i ti ti mwanana wa Akabe, a to maha wubihi masoni ka Mkoma.

2 Makronika 19:2

Se Jewu mwana Hanani, m'huti, a to mu hingeta a txi khene ka mfumeli Josafati: Ngu kutxani u vhuna vabihi, u randa ava va nyenyako Mkoma kani? Ngu mhaka yeto, kuhenya ka Mkoma ku nata txitimwi kwako.

Genesisi 34:3

Aniko msana keto, a to randa wule wa dihorana ngu ditshuri, se e maha ngu kuwombawomba nayo ngu lirando.

Genesisi 2:24

Ngu mhaka yeto, wamwamna a na leka tate wakwe ni mame wakwe, eya ti patanisa ka msikati wakwe; vona va na va i di nyama yimmweyo.

Eksodha 23:31

Ni na komba muhingano wako, kukhukhela ka Linene lo Bhilivila kala ka Linene la Vafilista, ni kukhukhela txiwulani kala mnamboni. Ni na ningela manzani kwako vaaki va ditiko donedo, ati to u na va tutumisa hafuhi kwako.

Eksodha 34:12

Ti wonele, u nga mahe Txitumelelano txihi ni txihi ni vaaki va ditikodo uyako ka dona; kasiku va si thuki va txi kuriyela u txi zwetwa, u txi lova.

1 Vafumeli 11:9

Ngu mhaka yeto, Mkoma a to henyela Solomoni, nguko a nga ti jikisile mbilu ka Mkoma, Txizimu txa Israyeli, awu a nga ti wonekisa kumbidi kwakwe.