1 Vafumeli 11:11 - Bhiblia Yo Sawuleka

¹¹ Se Mkoma a to khene ka Solomoni: Se aku ku nga maneka eto kwako, ta kwa mbi vekisa txitumelelano txangu ni sileleto sangu ni nga kuruma, ngu ditshuri awu mfumo ni na wu abanisa ni wu ningela ka txithumi txako.

1 Vafumeli 11:11 Referans Kwoze

1 Vafumeli 11:31

A to khene ka Jerobhowamu: Teka digumi da sigwanda, nguko Mkoma, Txizimu txa Israyeli a khene: Ni na bhandelela mfumo manzani ka Solomoni, ni na kuninga digumi da tihunzu.

2 Vafumeli 17:21

Nguko msana ka kule Mkoma a nga abanisa Israyeli ka nyumba ya Dhavhidha, va to fumisa Jerobhowamu mwana Nebhate; Jerobhowamu a to hambukisa Israyeli amu ka kulondisa Mkoma, e va maha ve onha txionho txa hombe.

1 Vafumeli 12:20

Se ku to maheka ati to, va di ti pfite votshe vathu taku Jerobhowamu a wuyile, va to rumela dipswi do m'dhana e ta ka msengeletano, ve ta mfumisa txitimwi ka dotshe ditiko da Israyeli; kha ngaho wu a nga londisa mahanyelo a nyumba ya Dhavhidha, hahanze ka lihunzu la ka Judha.

Mitengo 14:35

Ngani Mkoma ni wombako, ni na mahisa tonti ka msengeletano wu wo biha, awu wu tshanganako, kasi ku ni sola ni ku ni wukela. Votshe va na guma txiwulani ngu kufa.

Mitengo 14:23

ngu mhaka ya eto, ava vathu, lambi, kha va na mbi di wona ditiko di ni nga xambanya ka vatate vawe ti to ni na va ninga, lambi ni wammweyo wa va va nga ni kanyisa a no wona ditikodo.

1 Vafumeli 11:12

Hambiketo, kha ni na mbi ti maha eto ka masiku ako, ngu kuranda tate wako Dhavhidha; ni na wu abanisela manzani ka mwanana wako;

1 Vafumeli 11:26

Hambi Jerobhowamu mwana Nebhate, Muefrayime wa Zeredha, txithumi txa Solomoni (mwamwakwe i nga ti noni, ditina dakwe i ku Zeruya), nene a to guleta dianza e wukela mfumeli.

1 Vafumeli 11:29

Ka yona yile mbimo ku to maheka tito, a txi khukha Jerobhowamu ngu Jerusalema, e manwa ngu mprofeti Ayasi, wa msilowami hanzila, se ene a ti ti ambate simaha sasiphya, i ti ti vona vokha thembwenimo.

2 Vafumeli 17:15

Se va to lamba sileleto ni txitumelelano a nga ti txi mahile ni vatate vawe, ni wufakazi wule va nga ti mahile vatate vawe, va to tsimbila ngu wukanganyisi, na i ti maphanga, kufana ni mifumo yile yi nga ti ti madhawani kwawe, ayile Mkoma a nga ti ti va gete ku va nga yi londete.

Masalmo 78:10

kha va xonipha txitumelelano txawe ni Txizimu kambe va lambile kuvekisa mlayo wa txona;