1 Vafumeli 11:1 - Bhiblia Yo Sawuleka

¹ Se Solomoni a to randa vasikati vavangi va matiko, hahanze ka mwana Faro, a to randa Vamowabhi, Vaamoni, Vaedhomi, Vasidhoni, ni Vaheti,

1 Vafumeli 11:1 Referans Kwoze

Dhewuteronome 17:17

A na ti wonele, asi teki vasikati votala, kasi ku mbilu yakwe yi si timetwi; kambe a nga sengeletele nzalama ni silivhela ngu kupindisa.

Mavingu 6:24

kasi ku kuvhikela ka wamsikati wa wubihi, ni ka kutshambisela ka lidimi la walo.

Mavingu 7:5

kasiku si kuvhikela ka wamsikati wa vane, ka wule wa wubihi, wo tshambisela ngu mapswi akwe.

Mavingu 2:16

kasi ku kutxhatxhisa ka wamsikati wa walo, kambe wa mamwani matiko, a tshambiselako ngu mapswi akwe,

1 Vafumeli 11:8

A to va mahela toneto votshe vasikati vakwe va matiko mamwani, avale va nga ti hisa mabaselo ve phaxela ka sizimu sawe.

Mavingu 22:14

Sisofu sa vavasikati va mabhemba maphala o tshima; ale a no wela ka ona wule a no henyelwa ngu Mkoma.

1 Vafumeli 3:1

Se Solomoni a to va ni wuxaka ni Faro, mfumeli wa Egipta, a to teka mwanana wa Faro wa dihorana, e mtisa m'tini ka Dhavhidha, kala ha a nga heta kuaka nyumba yakwe, ni Nyumba ya Mkoma, ni diguma do ranganyeta Jerusalema.

Mavingu 23:33

Maso ako ma na wonetela vavasikati vavane, se mbilu yako yi na womba-womba wubihi.

Levhi 18:18

U nga tekane ni wamsikati ni mwanawe, u vangisa wukhuxu, u txi vhunungula wumbwiri wako ni wakwe, a txi ngadi a txi hanya.

Eksodha 34:16

Kambe u nga thuke u txi wuta hagari ka vanana vawe vamahorana, vasikati kasi kulowota vanana vako va vafana, va nga hambukisa vanana vako va txi maha wugango ni sizimu soneso.

1 Vafumeli 16:31

Se ku to mahisa, (ku nga mhaka yo hehuka kutsimbila sionhoni ka Jerobhowamu, mwana Nebhate), kambe a to teka Jezabheli, mwana Etibhahali, mfumeli wa Vasidhoni, kuva msikati wakwe; se a to tsula eya thumela Bhahali, ni ku mkhozela.

Ezra 10:44

Votshe vava va ti tekile vavasikati vavamatiko; kambe vamwani hagari kwawe, va ti ti ni vasikati va nga va velekela vanana.

Mavingu 31:3

U nga ningele mtamo wako ka vavasikati, hambi tinzila tako ka wule a khundumusako vafumeli.

1 Vafumeli 14:21

Se mbimo yile Robhowamu mwana Solomoni, a nga fuma Judha; a to khata kufuma a di ni mune wa magumi a malembe ni dimwedo, se a to fumela Jerusalema digumi da malembe ni mtxhanu ni mambidi, ka didhoropa dile Mkoma a ngadi sawula ka totshe tihunzu ta ka Israyeli kasi kuveka kona ditina dakwe; se ditina da mwamwakwe i ti Nahama, Muamoni.

1 Vafumeli 14:31

Se Robhowamu a to otela ka vatate vakwe, e tshotshwa aha va ku kona vatate vakwe, Didhoropani ka Dhavhidha; se ditina da mwamwakwe i ti Nahama, Muamoni; se mwanana wa kona Abhiya a to fuma ka wukhalo wakwe.

Ezra 9:1

Na ti di gwitile totsheto, va tile kwangu madhota ma txi ta kha ona: Vathu va ka Israyeli ni vaphaxeli, ni Valevhi, kha va zivi ku ti hambanisa ni vathu va matiko awa, ngu kulondisela sinyenyeko sa Vakanana, Vaheti, Vaferezi, Vajebhusi, Vaamoni, Vamowabhi, Vaegipta, ni Vaamori,

Ezra 9:2

nguko va tekile mahorana a vamatiko ve ma maha vasikati vawe ni va vanana vawe, ngu kumaha keto ku to patana mbewu yo sawuleka ni vathu va mafu awa, kambe manza a madhota ni a vathangeli ngu ona ma nga khatisa kuhambunyeta kuwa.