1 Vafumeli 10:25 - Bhiblia Yo Sawuleka

²⁵ Se mmweyo ni mmweyo a txi ta mninga siya sa silivhela ni siya sa nzalama, ni syambalo, ni matxhari, ni sithimbelo so bhumula ni mahantxhi ni mamula; tximwetxo ni tximwetxo ngu dilembe ni dilembe.

1 Vafumeli 10:25 Referans Kwoze

Matewu 2:11

Se va di wulete nyumbani, va mani mwanana ni mame wakwe Mariya, se va to khizama, ve mu khozela; va di tute mikwama yawe va to mluva ngu nzalama ni dibaselo ni mira.

Ezekhiyele 27:14

Va ti ti tisa mahantxhi ni vagadhi va ona ka makhalo ako, ngu tinyumbani ka Togarima.

Isaya 66:20

Se va na wuyisa votshe vananu, va hagari ka otshe matiko, kasi kumaha mningelo ka Mkoma, na va di txitimwi ka mahantxhi, ni mu ka sikotxikani, ni mu ka misingo, ni txitimwi ka mamula, ni txitimwi ka mibhedhu, mmangoni kwangu ko sawuleka, kona Jerusalema, kuwomba Mkoma, kufana ni kuva vanana va ka Israyeli va txi tisa miningelo yawe ngu ka siya so basa, Nyumbani ka Mkoma.

Isaya 36:16

Mi nga mu engiseni Ezekhiya, nguko mfumeli wa Asiriya a khene: Humani mi ta ti ningela kwangu; se mmweyo ni mmweyo a nadye mihando ya muuvha wakwe, ni mihando ya mkuwu wakwe, kambe mmwani ni mmwani a na sele mati a txisimani kwakwe,

Masalmo 72:15

A na hanye mfumeli! Va na mninge nzalama ya Sabha! Va na mkombelela ngu ha ku si gwitiko, otshe masiku ku na kombelwa ka Txizimu ti to txi mkatekisa.

Masalmo 72:10

Vafumeli va Tarxixi ni va sitondolo va na m'luva; vafumeli va Sabha ni va Sebha va na rumela tinduvo!

Jobe 42:11

Sekoko va to ta kwakwe votshe vanawe va txiwamna ni va txisikati, ni votshe vale va nga ti ti m'ziva ngu kale, va txi ta dya nayo dipawu m'tini kwakwe, va txi mtsetsa ni ku mthavelela, ka wotshe wubihi wule Mkoma a nga ti ti mrumete; se mmweyo ni mmweyo wawe, a to mninga male, ni tiphera ta nzalama.

Esteri 8:14

Sirumwa si to gadha mahantxhi a txibalani ka mfumeli, si huma ngu kututuma, si di rumilwe ngu mfumeli; se txileleto txiya txi to huwelelwa mkhokholani ka Susani.

Esteri 8:10

Se ma to bhalwa ngu ditina da mfumeli Asuwero, me tsaniswa ngu txitambu txa ringi ya mfumeli; mapapilo ale ma nga rumelwa ngu manza a sirumwa so tsimbila ngu mahantxhi, si nga ti ti gadha mahantxhi a txibalani ka mfumel.

Ezra 2:66

Mahantxhi akwe 736; timula takwe 245;

2 Makronika 26:8

Va ka Amoni va to mu tisela simaha sokari va ta muha, se wudhumo wakwe u hangalaka kala mihinganoni ka Egipta, nguko i ti ti m'thu wa mtamo ngutu.

2 Makronika 9:24

Se mmweyo ni mmweyo a txi ta mninga siya sa silivhela ni siya sa nzalama, syambalo, ni matxhari, ni makha, ni mahantxhi, ni mamula; tximwetxo ni tximwetxo ngu dilembe ni dilembe.

2 Vafumeli 17:4

Hambi keto, mfumeli wa Asiriya a mani txikungo txa Hoseya, nguko a ti rumete mitumi ka So, mfumeli wa Egipta, asi ngadi e luva kambe ka mfumeli wa Asiriya dilembe ni dilembe, nga kale; sekoko mfumeli wa Asiriya a to mkhotela mkorani.

1 Vafumeli 18:5

Se Akabe a to khene ka Obhadhiya: Tsimbila u lava sisima ni minambo ka ditiko diya, mwendo hi nga mana lihawu, kuva hi txi na dyisa mahantxhi ni mamula, ku va hi si kelelelwi ngu sifuyo.

1 Vafumeli 10:10

Se a to ninga mfumeli 120 wa titalenta ta nzalama, ni tixakaxaka tatingi ta makha, ni marigwi a lisima; kha kuzivi kuta makha amangi ngutu ku nga tiya mfumeli wa txisikati wa Sabha a nga ningisa tona ka mfumeli Solomoni.

1 Vafumeli 1:33

Mfumeli a to khene: “Tsulani ni sithumi sa mfumeli wanu, mi txi ya gadhisa mwanana wangu Solomoni, ka dimula dangu; mi txi mkwitimisa Giyoni.”

2 Samuwele 8:10

Toyi a to rumela mwanakwe Joramu ka mfumeli Dhavhidha, kuya dhungula ni kuya bonga, ngu mhaka ya kule a nga lwa ni Hadhadhezeri ni kuva a di mdate (nguko Hadhahdezeri a ti zumba a txi lwa ni Toyi); Joramu a tsute a di ñote siya sa silivhela ni sa nzalama ni sa msuku,

2 Samuwele 8:2

Kambe a to xasela Vamowabhi, e va otelisa hahatshi ni ku va pima ngu ngoti, a to va pima ngu tingoti timbidi kasi ku e va daya, avale va nga pimwa ngu ngoti yimweyo a to va leka ve hanya. Ngu kumaha keto, Vamowabhi va to maha tikhumbi ta Dhavhidha, ve mluva.

1 Samuwele 10:27

Kambe vanana va ka Bheliyali va to kha vona: Ina ngene wu a no hi txhatxhisa kani? Se va to mueyisa va si mtiseli siningo. Kambe ene a so ti maha diphazeve.

Valamuli 3:15

Sekoko vanana va ka Israyeli va to peka huwa ka Mkoma, se Mkoma a to va wusela mtxhatxhisi, i ku Ewudhi, mwana Gera, wa ka Bhenjamini, wamwamna wa libhabha. Se vanana va ka Israyeli va to rumela txiningo ngu dianza da Ewudhi ka Egloni, mfumeli wa Vamowabhi.

Genesisi 36:24

Ngu vava vanana va Zibheyon: Aya ni Ana. Ana ngene awule a nga mana sisima sa mati o hisa txiwulani, mbimo yi ene a nga txi dyisa timbongola ta Zibheyon, tate wakwe.

Masalmo 68:29

Dithepele dako di maneka Jerusalema; vafumeli va tsula koneyo va txi ya ku mahela siningo.

1 Vafumeli 5:1

Hiramu, mfumeli wa Tiro, a to rumela sithumi sakwe ka Solomoni (nguko a nga pfa taku Solomoni a totilwe wukoma wukhaloni ka tate wakwe), nguko Hiramu a ti dhunda Dhavhidha.