1 Vafumeli 10:21 - Bhiblia Yo Sawuleka

²¹ Kambe otshe magombe ale a nga ti sela ngu ona mfumeli Solomoni, i ti a nzalama, ni sotshe siya sa nyumba ya txitinga txa Libhanoni, i ti sa nzalama ya yinene; ka yona ku si nga ni silivhela, nguko ka masiku a Solomomi, yi si nga ni kudhundeka ni kakumweko.

1 Vafumeli 10:21 Referans Kwoze

1 Vafumeli 10:17

a to maha kambe 300 wa sitxhavangu sa nzalama yo bambatelwa; magejo mararu a nzalama a to rumela ku me pimwa o lumba txithavangu tximwetxo ni tximwani; se mfumeli a to si veka txitingani ka Libhanoni.

1 Vafumeli 7:2

A to aka kambe nyumba ya txitinga txa tingani ka Libhanoni, ya dizana wa mikono kulapha, ni mtxhanu wa magumi a mikono, ni magumi mararu a mikono kudemba, txitimwi ka mune wa titxhatxha ta tisika ta mikedhari, ni mirwalo ya kona ya mikedhari txitimwi ka tisika.

1 Vafumeli 10:20

Kona txitimwi hale ka sikando sa mtxhanu ni tximwetxo sa madhawa mambidi, ku di ni digumi da tingonyamo ni timbidi; ku si zivi ka nga mahwa so fana niso ka mfumo ni wawumwewo.

1 Vafumeli 10:22

Nguko mfumeli a di ni sitataru sa Tarxixi, ni sitataru sa Hiramu; kumweko ngu malembe mararu, ku txi wuya sitataru sa Tarxixi si txi tisa nzalama ni silivhela ni makwasa a tinzofu, ni tifenhe ni digarakwinya.

Zakariya 9:3

Se Tiro a ti akete mikhokhola ni kusengeleta silivhela ku nga lithulu, ni nzalama yo hehuka ku nga lidhaka la hanzila.

Dhewuteronome 17:17

A na ti wonele, asi teki vasikati votala, kasi ku mbilu yakwe yi si timetwi; kambe a nga sengeletele nzalama ni silivhela ngu kupindisa.

Esteri 1:7

Se va ti ti ningela sa kusela ngu mu ka magombe a nzalama, na i di magombe o hambana mamwewo ni mamwani; kambe ku ti ti ni vhinya yayingi, madingano ni zumbelo ya mfumeli.

Jobe 28:1

Kha ditshuri ku ni misiha, emo yi humako ngu kona silivhela, ni nzalama, i ku wukhalo wu va yi nyekisako kona.