1 Vafumeli 10:13 - Bhiblia Yo Sawuleka

¹³ Mfumeli Solomoni a to ninga ka mfumeli wa txisikati Sabha, sotshe sile a nga si kombela ngu ku si navela, kuleka sile a nga maha ngu ku mninga apune, madingano ni wuha wa mfumeli Solomoni; se a to tshumela e khukha kuya ditikoni kwakwe, ene ni sithumi sakwe.

1 Vafumeli 10:13 Referans Kwoze

Matewu 15:28

Sekoko Jesu a to mxamula a txi khene: “Wamsikati, kukholwa kwako nga hombe! Ti na maheke nga ti u ti lavisako tona.” Se kukhukhela ka yona yile mbimo, mwanana wakwe wa muhorana a to kalamuka.

Masalmo 37:4

Veka ka Mkoma minavelo yako ene a na kuninga kuxuva ka mbilu yako.

Masalmo 20:4

Txona txi na ku ninge asiya mbilu yako yi si navelako txi katekisa otshe makungo ako.

Vaefesu 3:20

Txi na dhumiswe Txizimu, txi sikotako kumaha sasingi ngutu kupinda asi hi txi kombelako mwendo asi hi si pimisako, ngu mtamo wu, txi thumako ngu wona kwathu,

1 Vafumeli 10:2

Se a to ta Jerusalema ni dibutho da hombe, ni makameli ma di rwate sidyanadyana, ni nzalama yayingi ngutu, ni marigwi a lisima; e ta geletela Solomoni totshe ti a ngadi nato mbiluni kwakwe.

1 Vafumeli 9:1

Ku to maheka a tito, Solomoni a txi heta kuaka Nyumba ya Mkoma, ni nyumba ya mfumeli, ni yotshe mixuvo ya Solomoni, ayi a nga yi maha ngu kuranda kwakwe,

1 Vafumeli 10:12

Se ngu mapulango eyo a almuge, mfumeli a to maha ngu ona sihiketo sa Nyumba ya Mkoma, ni ya nyumba ya mfumeli, kumweko ni tiharipa ni misengele ya vaembeleli; kha kuzivi kuta mapulango ongeyo ngu sandalo, kha ma zivi ka nga wonwa kala ka ditshiku da nyamsi.

1 Vafumeli 10:14

Se kunemela ka nzalama yile yi nga ti nehwa ka Solomoni dilembe ni dilembe i ti 666 wa titalenta ta nzalama,

2 Makronika 9:12

Mfumeli Solomoni a to ninga mfumeli wa txisikati wa Sabha, sotshe sile a nga si kombela ngu ku si navela, kuleka sile a nga maha ngu kuninga apune, madingano ni wuha wa mfumeli Solomoni; se a to tshumela e khukha kuya ditikoni kwakwe, ene ni tikhumbi takwe.