1 Vafumeli 1:53 - Bhiblia Yo Sawuleka

⁵³ Se mfumeli Solomoni, a to ruma ti to e txikiswa ngu ha txiluveloni; se a to ta nama masoni ka mfumeli Solomoni, se Solomoni a to khene: “Tsula m'tini kwako.”

1 Vafumeli 1:53 Referans Kwoze

Mavingu 24:21

Mwanangu, thava Mkoma, ni mfumeli, kambe u nga ti wulete ka vale va lavako kuwusa kulwa.

1 Vafumeli 2:36

Ngu msana, mfumeli a to rumisa kuya dhana Simeyi, a txi ta khene: “Ti akele nyumba Jerusalema, u txi zumba ka yona, u nga khukhe eho, u ngaye ka ni dihi didhawa.

1 Vafumeli 1:31

Sekoko Bhate-Xebha a to nama a txi zimamisa khohe hahatshi, a txi ti sola masoni ka mfumeli, a txi khene: “A na hanye mfumeli Dhavhidha, nyamne wangu, yotshe mbimo!”

1 Vafumeli 1:16

Se Bhate-Xebha a to kwitimisa msungo, a txi nama masoni ka mfumeli, se mfumeli a nje khene: “Njitxani u txi lavako kani?”

2 Samuwele 14:28

Ngu kumaha keto, Abhisalome a to zumba Jerusalema malembe mambidi o tala, kambe kha wona khohe ya mfumeli.

2 Samuwele 14:24

Se mfumeli a to khene: A na tshumela eya nyumbani kwakwe, a nga wone khohe yangu. Aniko Abhisalome koko a to tshumela e tsula nyumbani kwakwe, kambe kha wona khohe ya mfumeli.

2 Samuwele 1:2

Ku to maheka taku, ngu ditshiku da wuraru, ku txi ta wamwamna wokari ngu wugoveloni ka Sawule, a di ambate syambalo so vharukela, a di ti theletete mafu ha msungo; se kumaheka ti to a di hokile ka Dhavhidha, a to ti wisa hahatshi, e khizama.

1 Vafumeli 1:52

Se Solomoni a to khene: Ngako i ti m'thu wamnene, hambi ni msisi wumwewo wakwe kha wu na mbi wa hahatshi; aniko, a txo manwa ni wubihi, a na fa.

1 Vafumeli 2:1

Se ma to hoka masiku a kufa ka mfumeli Dhavhidha; a to ninga txileleto ka mwanana wakwe Solomoni, a txi khene:

2 Samuwele 14:33

Sekoko Jowabhi a to ya wulela ka mfumeli e xawutela timhaka eto. Sekoko Abhisalome a to dhanwa, eya wulela ka mfumeli, e khizama e namisa khohe yakwe hahatshi masoni ka mfumeli; se mfumeli a to pswopswa Abhisalome.