1 Vafumeli 1:5 - Bhiblia Yo Sawuleka

⁵ Sekoko, Adhoniya, mwana Hagiti, a to tikulisa, a txi khene: “Ani ni na fuma!” A to longisela txikotxikani, ni vagadhi va mahantxhi, ni mtxhanu wa magumi a vavamna, ava va nga ti tutuma-tutuma masoni kwakwe.

1 Vafumeli 1:5 Referans Kwoze

2 Samuwele 15:1

Se ku to maheka taku, msana keto, Abhisalome a to longisela sikotxikani ni mahantxhi, ni mtxhanu wa magumi a vavamna va va no tutuma masoni kwakwe.

2 Samuwele 3:4

wa wumune i Adhoniya, mwana Hagite, wa wutxhanu i Sefatiya, mwana Abhitali;

Luka 18:14

“Na mi gela ku khani awuwa ngene a nga tshumela e tsula m'tini kwakwe, a di basisilwe, ani wule mmwani mahala, nguko awuwa a ti guletako, a na vekwa hahatshi, ani wu a ti vekako hahatshi, a na guletwa.”

Luka 14:11

Nguko wuhi ni wuhi a ti kulisako, a na vekwa hahatshi, ani wu a ti vekako hahatshi, a na guletwa.”

Isaya 2:7

Se ditiko dawe di tate ngu silivhela ni nzalama; thomba ya dona kha yi gumi; na kona ditiko dawe di tate ngu mahantxhi, sikotxikani sawe kha si gumi.

Mavingu 18:12

Mbilu ya m'thu ya ti guleta na ku si se hoka kufuviswa kwakwe; ku khata ti veke hahatshi, se kudhundeka ku nata.

Mavingu 16:18

Kutikukumukisa kuthangela kufuva, ni kutikulisa ngu moya kuthangela kuwa.

1 Makronika 29:1

Dhavhidha a to womba kambe ka wotshe msengeletano a txi khene: Mwanana wangu Solomoni, ngene ekha a nga sawulwa ngu Txizimu, i ngadi mfana, kha se va ni mtamo, na kona mthumo wuwa mbwa hombe; nguko nyumba hi nga ya m'thu kambe nja Mkoma Txizimu.

1 Makronika 28:5

Se ka votshe vanana vangu (nguko Mkoma a ni ningile vanana votala), ene a sawute mwanana wangu Solomoni, kuva e khalahatsha ka txikhalo txa mfumo wa Mkoma, txitimwi ka va ka Israyeli.

1 Vafumeli 2:24

Konkuwa, Mkoma a hanyako, awu a nga ni tsanisa e ni khalahatshisa ha txikhaloni ka wukoma ka Dhavhidha, tate wangu, awu a nga ni akela nyumba, nga ha a nga ti wombile; nyamsi, a na fa Adhoniya.”

1 Vafumeli 1:11

Sekoko Nathani a to womba ka Bhate-Xebha, mame wa Solomoni, a txi khene: Ina khwa tipfa to Adhoniya, mwana Hagiti, wa fuma kani? Na kuve nyamne wathu Dhavhidha kha ti zivi kani?

Eksodha 9:17

Awe u ngadi u txi ti guleta u txi wukela vathu vangu, u txi lamba ku va leka ve tsula kani?

1 Makronika 3:2

wa wuraru i Abhisalome, mwana Mahaka, wa mwana Talimayi, mfumeli wa Gesuri; wa wumune i Adhoniya, mwana Hagite;

Valamuli 9:2

“Na mi kombela ti to mi womba ka vathu va ku ni fanelo, va Sikemi, mi txi khanu: Ngu tihi i ku ta tinene kwanu: Kufumelwa ngu vathu va mtxhanu wa magumi ni mambidi, i ku mtengo wa votshe vanana va Jerubhahali, mwendo kufumelwa ngu m'thu wammweyo kani? Alakanyani kambe tito, ani ni dirambu danu ni nyama yanu.”

1 Vafumeli 1:4

I ti ti muhorana wo tshura ngutu; se a to xayisa mfumeli ni ku mthumela; hambi keto mfumeli ka nga zivana nayo.

1 Vafumeli 2:15

Msana keto, a to khene: “Wa tiziva kha kwati taku wukoma mbwangu. Ni votshe Vaisrayeli va txi verela ani, kuva ni txi na fuma, hambiko wukoma wu nga thaviswa wu txi ningwa mwanathu, nguko wu mahilwe wakwe ngu Mkoma.”

1 Vafumeli 2:13

Sekoko Adhoniya, mwana Hagiti, a to ta ka Bhate-Xebha, mame wa Solomoni; a txi khene: “Ina ma telo a kuthutha oneyo kani?” Se ene a nje khene: “Nja kuthutha.”