44 Se mfumeli a to mruma kumweko ni Zadhoki, mphaxeli, ni mprofeti Nathani, ni Bhenaya, mwana Joyadha, ni Vakereti, ni Vapeleti; va to gadhisa Solomoni, ka dimula da mfumeli.
Athu hi ti ko ya xasela didhawa da wulambwe ka Vakereti, ni didhawa da va ka Judha, ni didhawa da wulambwe ka Vakalebhi, hi hisa ni didhoropa da Zikilagi.
Se Zadhoki mphaxeli, ni mprofeti Nathani, va to mtota wukoma kona Giyoni, kukhukhela koneyo, va to kwelela va di tsakile, didhoropa dotshe di to zinginika: Ngu dona diguwedo u nga dipfa.
Ngu vava vanana va Zibheyon: Aya ni Ana. Ana ngene awule a nga mana sisima sa mati o hisa txiwulani, mbimo yi ene a nga txi dyisa timbongola ta Zibheyon, tate wakwe.
Sekoko vavamna va Jowabhi va to mlondeta, kumweko ni Vakereti, ni Vapaleti, ni votshe vavamna va mtamo; avava va to huma Jerusalema ve londeta Sebha, mwana Bhikiri.
Se ku to maheka taku, ngako Dhavhidha a di zumbile nyumbani kwakwe, a to gela mprofeti Nathani, a txi khene: Wona taku, ni zumba mu ka nyumba yo akwa ngu mikedhari, kambe dibhokiso da txitumelelano txa Mkoma, di zumba ditendani.