1 Vafumeli 1:40 - Bhiblia Yo Sawuleka

⁴⁰ Votshe vathu va to mlondetela ngu msana, na va txi veta tigayita, va txi tsaka ngutu: Ngu nzila yaku, ngu kukwangula kwawe, mafu ma ti tuma.

1 Vafumeli 1:40 Referans Kwoze

Luka 19:37

Se ngako a txi relela kuya dithekani ka mmango wa Miolivha, otshe mabutho a vagondiswa, ma ti ti dhumisa Txizimu ngu kutsaka, ngu dipswi do pfala, ngu mhaka ya sixamaliso si va nga si wona. Va txi kha vona:

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

Dhaniyeli 3:5

Ngako mi txipfa diguwa da mpundu, ni da msengele, ni da dikhombela, ni da ngoma, ni da fineti, ni da tshodi, ni da totshe tixaka ta sivetaveta, mi na khizama mi khozela txithombe txa nzalama, txile mfumeli Nebhukodhonosori a nga txi emisa.

Masalmo 97:1

Mkoma wa fuma. Ma na tsake mafu! Si na tsake sitondolo ngu wungi wa sona!

2 Vafumeli 11:20

Se votshe vathu va ditiko va to tsaka, didhoropa di to humula, msana ka kuva va ti date Ataliya ngu ditxhari, hafuhi ni nyumba ya mfumeli.

2 Vafumeli 11:14

A to wona mfumeli wamphya hafuhi ni phande, nga tolovelo ya kona, ni vathangeli va yimbi, ni mipundu, hafuhi ni mfumeli, se votshe vathu va ditikoni va ti ti tsakile, ve veta mipundu; sekoko Ataliya a to vharula syambalo sakwe, a to kwangula a txi khene: Kuningelwa! Kuningelwa!

1 Samuwele 11:15

Se vathu votshe va to khukha veya Giligali, veya simeka Sawule ku va mfumeli masoni ka Mkoma kona Giligali, kambe va to ningela mningelo wa kudikha masoni ka Mkoma; Sawule ni votshe vavamna va ka Israyeli va to tsaka ngutu koneyo.

1 Vafumeli 1:39

Se Zadhoki, mphaxeli, a to teka tximole txa mafura a dibhokiso da txitumelelano, e tota Solomoni, va to veta mpundu, se votshe vathu va to womba va txi kha vona: “A na hanya mfumeli Solomoni!”

1 Vafumeli 1:41

Se a to tipfa Adhoniya, ni votshe varambiwa va va nga ti kumweko nayo, va nga ti gwitile kudya; hambi Jowabhi a di pfite diguwa da mipundu, a nje khene: Diguwa do nga eto dizinginisa didhoropa ngu kutxani kani?

1 Vafumeli 1:45

Se Zadhoki mphaxeli, ni mprofeti Nathani, va to mtota wukoma kona Giyoni, kukhukhela koneyo, va to kwelela va di tsakile, didhoropa dotshe di to zinginika: Ngu dona diguwedo u nga dipfa.

1 Samuwele 4:5

Se ku to maheka tito, di di hokile dibhokiso da txitumelelano txa Mkoma wugoveloni, votshe va ka Israyeli va to tsaka ngu litsako la hombe, ha koza ni mafu me zinginika.