1 Vafumeli 1:37 - Bhiblia Yo Sawuleka

³⁷ Ku nga ti Mkoma a nga mahisa tona ka mfumeli, nyamne wangu, a na mahise toneto ka Solomoni, maha ti to txikhalo txakwe txa wukoma txi guleka kupinda txa mfumeli Dhavhidha, nyamne wangu.

1 Vafumeli 1:37 Referans Kwoze

1 Vafumeli 1:47

Se sithumi sa mfumeli si tile si ta tsakela nyamne wathu, mfumeli Dhavhidha, si txi kha sona: Txizimu txako txi na mahe ditina da Solomoni dive da txhuko kupinda dako; kambe mfumo wakwe wu na mahe wa hombe kupinda wako. Se mfumeli a to nama ha m'bhedhuni kwakwe.

1 Samuwele 20:13

Mkoma a na mahe toneto ka Jonatani ni kupinda; aniko ngako tate wangu a txi lava ku ku mahela to biha, ni na kuzivisa ni tona, kambe ni na kuleka u khukha, u tsula ngu kudikha; se Mkoma a nave ni nawe, ku nga kule a nga ni tate wangu.

Joxuwa 1:17

Kufana ni ku hi nga engisa Mosi ka totshe, ngu toneto, hi na kuengisa nawe; aniko Mkoma, Txizimu txako, a nave ni nawe, nga kule a nga va ni Mosi.

Joxuwa 1:5

Ni wammweyo kha na mbi tsana masoni kwako, otshe masiku a kuhanya kwako; kufana ni kule ni nga va ni Mosi, ngu toneto, ni na va ni nawe; kha ni na mbi kuleka, hambi ku kusiya.

Varoma 8:31

Hi na khathu txani ngu tona tiya kani? Ngako Txizimu txi di kumweko ni nathu, i mani a no hi wukela kani?

Matewu 1:23

“Wotuma a na mana txirumbu e veleka mwanana wa m'zambi, awu a no raywa ditina daku i Emanuweli, (Emanuweli, ati ti wombako ku ‘Txizimu txi na ni nathu.’ ”)

Dhaniyeli 7:14

Se a to ningwa kufuma, ni wudhumo, ni mfumo, kasi ku votshe vathu, matiko, ni tidimi si mthumela; kufuma kwakwe ngu fuma ka kwa mbi gwita, kha ku na mbi pinda, kambe mfumo wakwe, ngu wona wokha wa kwa mbi khundumuswa.

Isaya 8:10

Sungani motshe txikungo, aniko kha txi na mbi maheka, wombani dipswi, kambe kha di na mbi tsana; nguko Txizimu txi ni nathu.

Masalmo 89:27

“Ani ni na mninga tifanelo ta mwanana wa matiwula; a na fuma txitimwi ka vafumeli va ditiko.

Masalmo 72:8

Ene a na fume kukhukhela ka limbe linene kala ka limwani, kukhukhela ka mnambo wa Ewufrate kala magemeta-mitshi ka mafu.

Masalmo 46:11

Mkoma wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu!

Masalmo 46:7

Mkoma wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu.

2 Makronika 1:1

Se Solomoni, mwana Dhavhidha, a to tsana amu ka mfumo wakwe; aniko Mkoma, Txizimu txakwe, a ti ni nene, atxi mkulisa ngutu.

1 Makronika 28:20

Se Dhavhidha a to khene ka mwanakwe Solomoni: Tsana, u nga kanakane, maha mthumo; u nga thave, hambi kudhudhumela, nguko Mkoma Txizimu, Txizimu txangu, a na va ni nawe; kha na mbi ku leka, hambi ku ku divala, kala kuza u heta wotshe mthumo wo aka Nyumba ya Mkoma.

2 Vafumeli 2:9

Sekoko mbimo yile va ngadi txhatukile, Elija a to khene ka Elixa: Ni kombele ati u ti lavako ku ni txi ku mahela, ni sanzi kuthaviswa hafuhi kwako. Elixa a to khene: Ni kombela moya wako txitimwi kwangu, na wu di wuyeletilwe kambidi.

2 Samuwele 24:3

Sekoko Jowabhi a to khene ka mfumeli: Mkoma Txizimu txako a na engetele ka 100 mtengo wa vathu vava, ni maso a mfumeli, nyamne wangu ma na ti wone; kambe ngu kutxani mfumeli, nyamne wangu e navela kuziva mhaka yiya kani?

Eksodha 3:12

Txizimu txi ti kha txona: Ngu ditshuri ani ni na va ni nawe; ngu txiya txikombiso txi no komba ti to ani ni kurumile: Ngako u di humisile vathu vangu ngu Egipta, anu mi nata khozela Txizimu ka mmango wuwa.

1 Vafumeli 1:36

Se Bhenaya mwana Joyadha, a to xamula ka mfumeli, a txi khene: “Amen: A na wombise toneto Mkoma, Txizimu txa mfumeli, nyamne wangu.”

1 Makronika 29:25

Se Mkoma a to kulisa Solomoni, ngutu-ngutu masoni ka votshe va ka Israyeli; e kulisa mfumo wakwe, kupinda wa vafumeli votshe vale va nga maneka ka Israyeli.