1 Vafumeli 1:34 - Bhiblia Yo Sawuleka

³⁴ Se Zadhoki, mphaxeli, ni Nathani, mprofeti, va to mtota kuva mfumeli wa Israyeli; mi na veta mpundu mi nje khanu: “Hanya mfumeli Solomoni!”

1 Vafumeli 1:34 Referans Kwoze

1 Vafumeli 1:25

Nguko nyamsi a relete, a date tihomu ta mikati, ni marole o nona, ni tinvuta tatingi, a rambile votshe vanana va mfumeli, ni vathangeli va yimbi, ni Abhiyatari, mphaxeli ndivale vadya ni kusela masoni kwakwe: Na va txi kha vona: “Hanya mfumeli Adhoniya!”

2 Samuwele 15:10

Se Abhisalome a to rumela tixoli ka totshe tihunzu ta ka Israyeli, a txi khene: Mbimo yi mi nopfa kuveta ka minpundu, wombani mi txi khanu: Abhisalome wa fuma Hebroni.

1 Samuwele 10:1

Sekoko Samuwele a to teka txingotwana txa mafura, e ma thela ha msungo ka Sawule, se e mnyuta, a txi khene: Ina Mkoma kha kutota mafura, kuva mthangeli txitimwi ka thomba yakwe kani?

2 Vafumeli 11:12

Se Joyadha a to humisa Jowasi, mwanana wa mfumeli, e msanzeka m'bhoti, ni dibhuku da milayo, va to mfumisa, ve mtota, va txi bhabhwatela manza, na va txi kha vona: A na hanye mfumeli!

2 Vafumeli 9:13

Sekoko va to kuluveta m'thu ni m'thu a to teka txyambalo txakwe, e ateta hahatshi ka txikando txo guleka ngutu, va to veta mpundu va txi kha vona: Jehu wa fuma!

2 Vafumeli 9:3

Se u teka ngoto ya mafura, u ma thela ha msungo kwakwe u txi khawe: Mkoma a khene: Ni ku totile kuva mfumeli txitimwi ka Israyeli. Sekoko u tula ditimba u tutuma, u nga zumbe.

1 Vafumeli 19:16

Kambe u na tota Jehu, mwana Ninisi, kuva mfumeli wa Israyeli, ni Elixa, mwana Safati, wa Abheli-Meyola, u na mtota kuva mprofeti, ka wukhalo wako.

2 Samuwele 5:3

Ngu kumaha keto, otshe madhota a ka Israyeli ma to ta ka mfumeli, kona Hebroni; se mfumeli Dhavhidha a to maha navo txitumelelano kona Hebroni, masoni ka Mkoma; va to tota Dhavhidha kuva mfumeli txitimwi ka Israyeli.

1 Samuwele 16:3

Se ka mphaxo wa kona u na ramba Jese; se ani ni na kugela ti u felako kumaha tona, aniko u na tota mafura awule ani ni no kugela ene.

2 Vafumeli 11:14

A to wona mfumeli wamphya hafuhi ni phande, nga tolovelo ya kona, ni vathangeli va yimbi, ni mipundu, hafuhi ni mfumeli, se votshe vathu va ditikoni va ti ti tsakile, ve veta mipundu; sekoko Ataliya a to vharula syambalo sakwe, a to kwangula a txi khene: Kuningelwa! Kuningelwa!

Mithumo 10:38

ti to Txizimu txi totile ngu Moya wo Sawuleka ni kutsanisa Jesu wa Nazareta; awu a nga tsimbila a txi maha ta tinene, e hanyisa votshe vale va nga ti xaniswa ngu Sathani, nguko Txizimu txi ti ni nene.

Isaya 45:1

Mkoma a wombi tiya ka mtotiwa wakwe Siro, awule ni mñolako ngu dianza dakwe da txinene, kasi ku ni xula matiko masoni kwakwe; ni na thukunyula siwunu sa vafumeli, kasi kutula matimba masoni kwawe, kambe matimba kha ma na mbi sekwa.

Masalmo 89:36

Situkulwana sakwe si na fuma kala kupinduka, txikhalo txakwe txa wukoma txi na simama masoni kwangu nga ditambo;

Masalmo 89:20

Ni mani Dhavhidha txithumi txangu; ni mmahile mfumeli ngu ku mtota mafura o sawuleka.

Masalmo 45:7

Awe u fanete kuranda kululama, u txi nyenya wubihi; ngu mhaka yeto, Txizimu, Txizimu txako, txi ku sawulete toneto hagari ka majaha kuloni txi kusawulekisa ngu mafura kasi ku kumaha mfumeli.

2 Makronika 23:11

Sekoko va to humisa mwanana wa mfumeli hahanze, ve msanzeka m'bhoti, ve mninga ni dibhuku da mlayo, ve mmaha mfumeli; se Joyadha ni vanana vakwe va to mtota mafura, va txi kha vona: A na hanye mfumeli!

2 Vafumeli 9:6

Sekoko a to khukha e wulela nyumbani, a to thela mafura ha msungo ka Jehu, a nje khene: Mkoma, Txizimu txa Israyeli, a khene: Ni ku totile kuva mfumeli txitimwi ka vathu va Mkoma, txitimwi ka Israyeli.

2 Samuwele 2:4

Sekoko vavamna va ka Judha va to ta koneho ve ta tota Dhavhidha kuva mfumeli, txitimwi ka nyumba ya ka Judha. Se va to zivisa Dhavhidha va txi kha vona: Vavamna va Jebhesi-Gileyadhi ngu vona va nga tshotsha Sawule.

1 Samuwele 10:24

Sekoko Samuwele a to khene ka vathu votshe: Ma mona koko, awule Mkoma a nga msawula kani? Hagari ka vathu votshe, kha ku na m'thu wu a fanako nayo. Sekoko votshe vathu va to tsaka ngutu, va txi kha vona: Hanya mfumeli!

1 Vafumeli 1:35

Se mi na kwelela ngu msana kwakwe, a nata e ta khalahatsha txikhaloni kwangu, se ene a na fuma wukhaloni kwangu; nguko ni layete ti to ene eva mthangeli wa Israyeli ni Judha.

1 Vafumeli 1:39

Se Zadhoki, mphaxeli, a to teka tximole txa mafura a dibhokiso da txitumelelano, e tota Solomoni, va to veta mpundu, se votshe vathu va to womba va txi kha vona: “A na hanya mfumeli Solomoni!”