1 Vafumeli 1:29 - Bhiblia Yo Sawuleka

²⁹ Se mfumeli a to xambanya a txi khene: Ni xambanya ngu Mkoma a hanyako, awu a nga hulukisa muhefemulo wangu ka yotshe xomulo,

1 Vafumeli 1:29 Referans Kwoze

2 Samuwele 4:9

Kambe Dhavhidha, a txi xamula ka Rekabhi ni ka Bhahana, mwanawe, vanana va Rimoni, mubheyerote, a to khene kwawe: A na hanye Mkoma wule a nga txhatxhisa muhefemulo wangu ka otshe makhombo,

Masalmo 136:24

Kambe a hi txhatxhisile ka valala vathu; nguko lirando lakwe nda kala kupinduka!

Masalmo 138:7

Ngako ni txi tsimbila hagari ka kuxaniseka awe wa ni hanyisa; u na nawuluta dianza dako u ni vhikela ka txiviti txa valala vangu se dianza dako da txinene di na ni hanyisa.

Masalmo 72:14

A nava hulukisa wukhumbini ni kuxaniswani, nguko wutomi wawe wu ni lisima kwakwe.

2 Vafumeli 5:20

Sekoko Gehazi, dijaha da Elixa, m'thu wa Txizimu, a to khene: Hi nga wonani, nyamne wangu a tsimbile musiriya wule Nahanani, ku mninga ngu dianza dakwe, sa sidotho ka sile a ngadi naso. Ni xambanya ngu Mkoma wo hanya a tito, ni na tutuma ngu msana kwakwe ni ya teka txokari.

2 Vafumeli 5:16

Aniko Elixa a to khene: Ni xambanya ngu Txizimu txa kuhanya, atxi ni ku masoni ka txona, taku kha ni na mbi amukela. Nahanani a to mkurumeta kuamukela, aniko ene a to lamba.

2 Vafumeli 4:30

Sekoko mame wa mwanana a to khene: Ni xambanya ngu Mkoma a hanyako, ni moya wako wu hanyako, taku kha ni na mbi kuleka. Sekoko Elixa a to khukha e mlondisa.

1 Vafumeli 18:10

Ni xambanya ngu Mkoma, Txizimu txako, a hanyako, kha ka nga vaho ditiko mwendo mfumo, emo nyamne wangu, a nga mba rumela vo tsimbila ve kulava; se vona va txi kha vona: A walo hawa, sekoko a txi xambanyisa mifumo ni matiko ku mwendo kha va kumana.

1 Vafumeli 17:1

Sekoko Elija, wa Tisibha, mmweyo wa vaaki va Gileyadhi, a to khene ka Akabe: Ni xambanya ngu Mkoma a hanyako, Txizimu txa Israyeli, awu ni ku masoni kwakwe, ti to kha ku na mbiwa mati, hambi mwando, hahanze ka kuva ni kombela.

1 Vafumeli 2:24

Konkuwa, Mkoma a hanyako, awu a nga ni tsanisa e ni khalahatshisa ha txikhaloni ka wukoma ka Dhavhidha, tate wangu, awu a nga ni akela nyumba, nga ha a nga ti wombile; nyamsi, a na fa Adhoniya.”

2 Samuwele 12:5

Sekoko kuhenya ka Dhavhidha ku to vhutuka ngutu kuwukela wamwamna wule, se a txi khene ka Nathani: Ni xambanya ngu Mkoma a hanyako, m'thu wu a nga maha eto a fanela kufa.

1 Samuwele 20:21

Se ni na ruma mfana, ni txi khani: Tsula u ya teka tingove; aniko ngako ni txi khani ka mfana: Wona, tingove ti didhawa da kheno kwako, teka u ta nato; ngono, nguko ku ni kudikha kwako, kha ku na txilo, ni xambanya ngu Mkoma wu a hanyako.

1 Samuwele 19:6

Kambe Sawule a to engisa dipswi da Jonatani, se e xambanya a txi khene: Ni xambanya ngu Mkoma wu a hanyako, Dhavhidha kha na mbi fa.

1 Samuwele 14:45

Kambe vathu va to kha vona ka Sawule: Ina Jonatani a na fa, ene wule a nga maha mthumo wa hombe wo hulukisa Israyeli kani? Ti nga maheke to nga eto. Hi xambanya ngu Mkoma a hanyako, u nga thuke u wisa hahatshi msisi ni wawumwewo dwe wa ha msungo kwakwe! Nguko Jonatani a mahile eto ni Txizimu nyamsi. Ngu kumaha keto, vathu va to hulukisa Jonatani, kasiku asi fi.

1 Samuwele 14:39

Nguko ni xambanya ngu Mkoma, a hulukisako Israyeli, ti to hambi ngako mnandu wu di ka mwanana wangu Jonatani, kha ditshuri a na fa. Se kha ku na ni wammweyo a nga xamula ka votshe vathu.

Valamuli 8:19

Gidhiyoni a to va xamula kambe a txi khene: “I ti vanathu, vanana va mame wangu! Na xambanya ngu Mkoma a hanyako tito, i di ku mi ti ti va lekile ve hanya, ani nga ni si mi dayi.”

Genesisi 48:16

Ngelozi yi yi nga ni hulukisa ka to biha, yi na katekisa vafana vava, ngu konaho kwakwe ditina dangu di na simame di txi ya masoni, kumweko ni ditina da Abrahamu ni Isaake, i ku vatate vangu; vafana vava va na kule va txi anda ha mafuni.

1 Vafumeli 1:28

Se mfumeli Dhavhidha a to xamula, a txi khene: “Ni dhaneleni Bhate-Xebha.” Se ene a to wulela masoni ka mfumeli; a txi ya ema, masoni ka mfumeli.