1 Vafumeli 1:25 - Bhiblia Yo Sawuleka

²⁵ Nguko nyamsi a relete, a date tihomu ta mikati, ni marole o nona, ni tinvuta tatingi, a rambile votshe vanana va mfumeli, ni vathangeli va yimbi, ni Abhiyatari, mphaxeli ndivale vadya ni kusela masoni kwakwe: Na va txi kha vona: “Hanya mfumeli Adhoniya!”

1 Vafumeli 1:25 Referans Kwoze

1 Samuwele 10:24

Sekoko Samuwele a to khene ka vathu votshe: Ma mona koko, awule Mkoma a nga msawula kani? Hagari ka vathu votshe, kha ku na m'thu wu a fanako nayo. Sekoko votshe vathu va to tsaka ngutu, va txi kha vona: Hanya mfumeli!

1 Vafumeli 1:19

Kambe a date tihomu ta mikati, ni marole o nona, ni tinvhuta to tala, a dhanile votshe vanana va mfumeli, ni Abhiyatari mphaxeli, ni Jowabhi mthangeli wa hombe wa tiyimbi, aniko kha nga dhana txithumi txako Solomoni.

1 Vafumeli 1:9

Se Adhoniya a to daya tinvuta, tihomu ta mikati, ni marole o nona, hafuhi ni dirigwi da Zoweleti, di manekako hafuhi ni txisima txa Rogeli; a to dhana votshe vanawe, vanana va mfumeli, ni votshe vavamna va ka Judha, sithumi sa mfumeli.

Luka 19:38

“A na dhumiswe Mfumeli wu a tako, ngu ditina da Mkoma. Kudikha ku na tale nzumani, ni kupfaliswa ka Nyatxitimwi!”

Matewu 21:9

Dibutho dile da vathu va nga ti thangela masoni kwakwe, ni vale va nga ti londetela ngu msana, va ti ti embelela va txi kha vona: “Hozana ka Mwanana wa Dhavhidha! A na dhumiswe awu a tako ngu ditina da Mkoma! Hozana txitimwi nzumani!”

2 Makronika 23:11

Sekoko va to humisa mwanana wa mfumeli hahanze, ve msanzeka m'bhoti, ve mninga ni dibhuku da mlayo, ve mmaha mfumeli; se Joyadha ni vanana vakwe va to mtota mafura, va txi kha vona: A na hanye mfumeli!

1 Makronika 29:21

Se ka ditshiku dimwani va to maha timhamba ka Mkoma, ve ningela miphaxo ya kuhiswa, ka Mkoma: Ngu 1.000 wa marole, ni 1.000 wa tihamba, ni 1.000 wa sivuntana, ni sa kusela sa kona, ni timhamba to tala ka dotshe ditiko da ka Israyeli.

1 Makronika 29:13

Konkuwa koko, awe Txizimu txathu, ha ninga kubonga ni kudhumisa ditina da wudhumo wako.

2 Vafumeli 11:12

Se Joyadha a to humisa Jowasi, mwanana wa mfumeli, e msanzeka m'bhoti, ni dibhuku da milayo, va to mfumisa, ve mtota, va txi bhabhwatela manza, na va txi kha vona: A na hanye mfumeli!

1 Vafumeli 1:34

Se Zadhoki, mphaxeli, ni Nathani, mprofeti, va to mtota kuva mfumeli wa Israyeli; mi na veta mpundu mi nje khanu: “Hanya mfumeli Solomoni!”

2 Samuwele 16:16

Se ku to maheka taku, a di hokile Husayi, muariki, mungana wa Dhavhidha, ka Abhisalome, Husayi a to khene ka Abhisalome: A na hanye mfumeli, a na hanye mfumeli!

Matewu 22:4

A to engeta e ruma simwani sithumi, a txi si leleta a txi khene: ‘Gelani avale va nga rambwa, mi txi khanu: Sakudya si lulamile; ni date tihomu tangu ni sifuyo sangu sa kunona, sotshe si lulamisetwe. Ngonani m'busoni!’ ”

1 Vafumeli 1:24

Se a txi khene kha Nathani: Awe mfumeli, nyamne wangu, u ti khawe: Adhoniya a na fuma msana kwangu, kambe a na khalahatsha txikhaloni kwangu ka wukoma kani?

1 Vafumeli 1:39

Se Zadhoki, mphaxeli, a to teka tximole txa mafura a dibhokiso da txitumelelano, e tota Solomoni, va to veta mpundu, se votshe vathu va to womba va txi kha vona: “A na hanya mfumeli Solomoni!”

1 Vafumeli 2:15

Msana keto, a to khene: “Wa tiziva kha kwati taku wukoma mbwangu. Ni votshe Vaisrayeli va txi verela ani, kuva ni txi na fuma, hambiko wukoma wu nga thaviswa wu txi ningwa mwanathu, nguko wu mahilwe wakwe ngu Mkoma.”

2 Vafumeli 9:13

Sekoko va to kuluveta m'thu ni m'thu a to teka txyambalo txakwe, e ateta hahatshi ka txikando txo guleka ngutu, va to veta mpundu va txi kha vona: Jehu wa fuma!

2 Vafumeli 11:14

A to wona mfumeli wamphya hafuhi ni phande, nga tolovelo ya kona, ni vathangeli va yimbi, ni mipundu, hafuhi ni mfumeli, se votshe vathu va ditikoni va ti ti tsakile, ve veta mipundu; sekoko Ataliya a to vharula syambalo sakwe, a to kwangula a txi khene: Kuningelwa! Kuningelwa!