1 Vafumeli 1:17 - Bhiblia Yo Sawuleka

¹⁷ Se ene a nje khene: Awe nyamne wangu, u xambanyile masoni ka txithumi txako txa txisikati, ngu Mkoma, Txizimu txako, u txi khawe: Solomoni mwanana wako a na fuma msana kwangu, se a na khalahatsha txikhaloni kwangu ka wukoma.

1 Vafumeli 1:17 Referans Kwoze

1 Vafumeli 1:13

Tsula, u txi ya wulela ka mfumeli Dhavhidha, u txi ya khawe: “Ina hi ngawe mfumeli, nyamne wangu, u nga xambanya ka txithumi txako txa txisikati, u txi khawe: Ngu ditshuri mwanana wako Solomoni a na fuma msana kwangu, a na khalahatsha ka txikhalo txangu txa wukoma. Se a fumisa kutxani koko, Adhoniya kani?”

1 Vafumeli 1:30

nga ku ni nga ku xambanyisa ngu Mkoma, Txizimu txa ka Israyeli, ni txi khani: Ngu ditshuri mwanana wako Solomoni a na fuma, msana kwangu, kambe a na khalahatsha ha txikhaloni ka wukoma, wukhaloni kwangu, nguko ni na ti maha ka ditshiku da nyamsi.

1 Pedro 3:6

kufana ni Sara a nga tiengisa Abrahamu a txi m'dhana ku i nyame wakwe; se konaho, mi vanana vakwe, ngako mi txi maha wunene, mi si thavi kudhukiselwa ngu txilo.

Genesisi 18:12

Ti di ngeto, Sara a to seka mbiluni kwakwe, a txi khene: “Akuwa ni nga kumba, ni mwamna wangu nene, i ku txikhovana, ina ni nga ngadi ni txi pfa litsako lonelo kani?”

1 Vafumeli 1:16

Se Bhate-Xebha a to kwitimisa msungo, a txi nama masoni ka mfumeli, se mfumeli a nje khene: “Njitxani u txi lavako kani?”

1 Vafumeli 1:18

Ndiyo koko Adhoniya, wa fuma; na kuve awe mfumeli, nyamne wangu, khu ti zivi.

1 Vafumeli 1:14

Wona taku, aha u no gwita kuwombawomba ni mfumeli, ni na wulela nani, msana kwako, ni ta fakaza mapswi ako.