1 Vafumeli 1:16 - Bhiblia Yo Sawuleka

¹⁶ Se Bhate-Xebha a to kwitimisa msungo, a txi nama masoni ka mfumeli, se mfumeli a nje khene: “Njitxani u txi lavako kani?”

1 Vafumeli 1:16 Referans Kwoze

1 Samuwele 25:23

Mbimo yile koko, Abhigayeli a nga wona Dhavhidha, a to kuluveta e txhika ngu ha ka mbongola, e nanisa khohe yakwe masoni ka Dhavhidha, e khizama.

1 Samuwele 24:8

Msana keto, Dhavhidha nene a to huma ngu diphalani, e kwangula ngu msana ka Sawule, a txi khene: Mfumeli, nyamne wangu! Se mbimo yile Sawule a nga tshembereka e wona msana, Dhavhidha a to nama hahatshi e khizama.

1 Samuwele 20:41

Se ngako mfana a di tsute, Dhavhidha a to khukha e wonetela didhawa da wulambwe, e ti wisa hahatshi ngu khohe yakwe, e khizama kuraru; kambe va to nyuntana, ve dila votshe, aha koza Dhavhidha e dila ngutu.

Matewu 20:32

Se Jesu a to ema e va dhana, a txi khene kwawe: “Mi lava ti to ni maha txani kwanu kani?”

Matewu 20:21

Jesu a to mu wotisa a txi khene: “U lava txani kani?” Ene a to mu xamula a txi khene: “Maha ti to vanana va vangu vavambidi ve zumba Mfumoni kwako, mmweyo txineneni kwako, mmwani txibhabha kwako.”

Esteri 7:2

ngu ditshiku da wumbidi da m'buso wa vhinya, mfumeli a to khene ka Esteri: Ngu txihi txikombelo txako awe Esteri kani? Se u na ningwa. Ni ku ngu kuhi kuvilela kwako kani? Hambi hafu ya mfumo u na ningwa.

1 Vafumeli 2:20

Se a nje khene: Njikombelo txa txidotho ni ku mahelako, u nga ni lambele. Mfumeli a nje khene: “Kombela mama, kha ni na mbi kuthidhelisa.”

1 Vafumeli 1:23

Va to gela mfumeli va txi kha vona: Ndiyole a bwakile mprofeti Nathani. A to wulela ka mfumeli, a to nama masoni ka mfumeli, a txi wonetela hahatshi.

1 Vafumeli 1:15

Bhate-Xebha a to wulela nyumbani ka mfumeli; kambe mfumeli a ti ti kumbile ngutu; se Abhixagi, msunami, a txi thumela mfumeli.

1 Vafumeli 1:17

Se ene a nje khene: Awe nyamne wangu, u xambanyile masoni ka txithumi txako txa txisikati, ngu Mkoma, Txizimu txako, u txi khawe: Solomoni mwanana wako a na fuma msana kwangu, se a na khalahatsha txikhaloni kwangu ka wukoma.