1 Vafumeli 1:13 - Bhiblia Yo Sawuleka

¹³ Tsula, u txi ya wulela ka mfumeli Dhavhidha, u txi ya khawe: “Ina hi ngawe mfumeli, nyamne wangu, u nga xambanya ka txithumi txako txa txisikati, u txi khawe: Ngu ditshuri mwanana wako Solomoni a na fuma msana kwangu, a na khalahatsha ka txikhalo txangu txa wukoma. Se a fumisa kutxani koko, Adhoniya kani?”

1 Vafumeli 1:13 Referans Kwoze

1 Vafumeli 1:30

nga ku ni nga ku xambanyisa ngu Mkoma, Txizimu txa ka Israyeli, ni txi khani: Ngu ditshuri mwanana wako Solomoni a na fuma, msana kwangu, kambe a na khalahatsha ha txikhaloni ka wukoma, wukhaloni kwangu, nguko ni na ti maha ka ditshiku da nyamsi.

1 Vafumeli 1:17

Se ene a nje khene: Awe nyamne wangu, u xambanyile masoni ka txithumi txako txa txisikati, ngu Mkoma, Txizimu txako, u txi khawe: Solomoni mwanana wako a na fuma msana kwangu, se a na khalahatsha txikhaloni kwangu ka wukoma.

Jeremiya 33:21

se txitumelelano txangu ni Dhavhidha, txithumi txangu, txi nga funyeka, ti taku asi nja ngave ni mwanana wo fuma txituluni kwakwe ka wukoma; kumweko ni Valevhi i ku vaphaxeli va va ni thumelako.

Isaya 9:7

Kuanda ka kufuma ni kudikha kwakwe, kha ku na mbi va ni magwito txitimwi ka txikhalo txa wukoma txa Dhavhidha, ni ka mfumo wakwe, kasi kutsanisa ni kuseketela ngu wulamuli ni kululama, kukhukhela konkuwa, kala kupinduka; lirando la Mkoma wa Mabutho a Tiyimbi, a na maha eto.

1 Makronika 29:23

Se Solomoni a to khalahatsha ha txikhaloni ka Mkoma, mfumeli ka wukhalo wa Dhavhidha, tate wakwe, se a to humelela; kambe votshe va ka Israyeli va to mu engisa.

1 Vafumeli 2:12

Se Solomoni a to khalahatsha ha txikhaloni ka wukoma wa Dhavhidha, tate wakwe, wukoma wakwe wu to tsana ngutu.

1 Vafumeli 1:48

Se mfumeli a to womba kambe, a txi khene: “A na bongwe Mkoma, Txizimu txa ka Israyeli, nguko nyamsi a hi ningile wu a khalahatshako txikhaloni kwangu ka wukoma, niku maso angu ma nga ti wona.”

1 Vafumeli 1:24

Se a txi khene kha Nathani: Awe mfumeli, nyamne wangu, u ti khawe: Adhoniya a na fuma msana kwangu, kambe a na khalahatsha txikhaloni kwangu ka wukoma kani?

1 Vafumeli 1:11

Sekoko Nathani a to womba ka Bhate-Xebha, mame wa Solomoni, a txi khene: Ina khwa tipfa to Adhoniya, mwana Hagiti, wa fuma kani? Na kuve nyamne wathu Dhavhidha kha ti zivi kani?

1 Vafumeli 1:35

Se mi na kwelela ngu msana kwakwe, a nata e ta khalahatsha txikhaloni kwangu, se ene a na fuma wukhaloni kwangu; nguko ni layete ti to ene eva mthangeli wa Israyeli ni Judha.

Dhewuteronome 17:18

“Ngako ene a txi maneka a di ha txikhaloni kwakwe ka wukoma, a fanete ku ti bhalela mlayo wuwa amu ka dibhuku, madingano ni ti wu nga bhaliswa tona ka dibhuku da vaphaxeli va ka Levhi.

1 Vafumeli 1:14

Wona taku, aha u no gwita kuwombawomba ni mfumeli, ni na wulela nani, msana kwako, ni ta fakaza mapswi ako.

1 Makronika 28:5

Se ka votshe vanana vangu (nguko Mkoma a ni ningile vanana votala), ene a sawute mwanana wangu Solomoni, kuva e khalahatsha ka txikhalo txa mfumo wa Mkoma, txitimwi ka va ka Israyeli.