1 Vafumeli 1:1 - Bhiblia Yo Sawuleka

¹ Mbimo yile mfumeli Dhavhidha a nga ti kumbile, a di gumetwe ngu masiku, a txi fenengetwa ngu tinguwo, aniko asi futumeli.

1 Vafumeli 1:1 Referans Kwoze

Masalmo 90:10

Masiku a kuhanya kwathu nga mtxhanu wa magumi ni magumi mambidi a malembe; avale va ku ni mtamo va hoka ka mtxhanu wa magumi ni magumi mararu a malembe, aniko i malembe a sikarato ni kupandiseka. Nguko ma pinda ngu kukuluveta, se athu hi mwalala.

1 Makronika 23:1

Mbimo yi koko, Dhavhidha a nga kumba, a di ni masiku o tala, a to veka Solomoni, mwanakwe, kuva mfumeli txitimwi ka va ka Israyeli.

2 Samuwele 5:4

Dhavhidha a to khata kufuma a di tanga ya magumi mararu a malembe; se a to fuma mune wa magumi a malembe.

Genesisi 24:1

Abrahamu koko a ti ti kumbile ngutu, a ti ni malembe o tala; se Mkoma a katekisile Abrahamu ka totshe.

Genesisi 18:11

Ka yoneyo mbimo, Abrahamu ni Sara va ti kumbile ngutu, Sara a ti pindetwe ngu mbimo ya kuveleka vanana.

Luka 1:7

Va ti si nga ni vanana, nguko Izabheli i ti txifule, kambe ngu wumbidi wawe va ti kumbile.

2 Samuwele 24:25

Se Dhavhidha a to aka koneho txiluvelo txa Mkoma, e ningela miphaxo ya kuhiswa ni mningelo wa kudikha. Koneko Mkoma a to tsetsa ditiko, se txitsayiso txile txi to guma txitimwi ka va ka Israyeli.

1 Vafumeli 1:2

Sekoko sithumi sakwe si txi kha sona kwakwe: “Mfumeli, i ku nyamne wathu, a na lavelwe mbiri ya muhorana, yi txi tiswa masoni ka mfumeli, kasi ku ta mxayisa, yi txi otela hakhana kwakwe, kasi ku mfumeli, i ku nyamne wathu, a na futumela.”

1 Vafumeli 1:15

Bhate-Xebha a to wulela nyumbani ka mfumeli; kambe mfumeli a ti ti kumbile ngutu; se Abhixagi, msunami, a txi thumela mfumeli.

Ekleziyaste 4:11

Ngako va txi otela i di vambidi va futumetana; aniko wammweyo dwe, a na futumelisa kutxani kani?

Joxuwa 13:1

Ngako Joxuwa a di kumbile, na a di ni tanga ya malembe amangi, Mkoma a mgete a txi khene: “Se awe u kumbile ngutu, u wa tanga ya malembe o tala na kuve ku ngadi sate ditiko da hombe, adi di fanelako kukhoziswa.