1 Timoti 6:9 - Bhiblia Yo Sawuleka

⁹ Se ava va lavako kumaha vanyatithombe, va wa kudukwani ni kuriyelwani ni minavelo yo tala ya wubhemba ni ya kuyisa tiphangoni, yi yisako vathu kulovani, ni kumwalatwani.

1 Timoti 6:9 Referans Kwoze

Mavingu 15:27

Wule a ku ni wunavenave, a xanisa m'ti wakwe, aniko awule a nyenyako kupfhuhwa, a na hanya kha kwati.

1 Timoti 3:7

Hahanze keto, ta laveka ti to i di m'thu wu vamwani va hahanze va mmahelako wufakazi wa wunene, kasiku asi soleki ni kubzwetwa ngu milawu ya Sathani.

Mithumo 8:20

Kambe Pedro a txi khene kwakwe: “Male yako yi na love kumweko ni nawe, ngu kuwa u nga pimisa ti to txiningo txa Txizimu txa xawa ngu male!

Matewu 13:22

Awule a nga amukela mbewu hagari ka mipa, ngu wule a engisako dipswi, aniko sithikamezo sa ditiko ni kuxengwa ngu tithomba, sa kama dipswi kasi di si veleki mihando.

Judha 1:11

Va na ni dikhombo, nguko va tsimbila ngu nzila ya Kayini; ngu kulunzwa ngu kuhola male, va ti ningete ka manyala a Bhalahamu, se ve ti lovisa ngu kukaneta ko fana ni ka Kora;

2 Pedro 2:3

Se ngu mhaka ya timbiti tawe, va na lava mabhindu ngu nganu, ngu kuthumisa mawombawombelo a kukanganyisa. Aniko, kulamulwa kwawe i kale ku di lulamisilwe, ni kulova kwawe kha ku na mbi swela.

Vaefesu 4:22

di rumako kuleka mahanyelo a m'thu wa kale, a nga txi mi fuma kaleko, m'thu wu a nga xangiswa ngu minavelo yo kanganyisa.

Marku 4:19

kambe kukhutalela sa mafu awa, ni kukanganyiswa ngu tithomba, ni kunavela ka silo simwani, ku txi welela vona, ku txi kura dipswi, se di si veki mihando.

Matewu 26:15

“Mi na ni ninga txani, ngako ni txi ningela Jesu kwanu kani?” Vona va to m pimela magumi mararu a male ya silivela.

Matewu 19:22

Ngako a txi engisa tiya, awule wa dijaha a to tsukula e khukha, nguko a ti ni tithomba.

Mavingu 22:16

Awule a khinyavezako txisiwana ngu kulava kutikulisa apune, mwendo wule a ningako nyatithombe, ngu ditshuri a na maha txisiwana.

Mavingu 21:6

Kuthumela kusengela thomba ngu lidimi la makuhu, mbukanganyisi, se avale va wekelelako keto va ti xotela lifo.

Mavingu 20:21

Thomba yo yi mana ngu txikuluveta kukhatani, magwito a kona kha ma nga ni kukateka.

2 Timoti 2:26

ni kuvaninga kambe kutshumela ve wuya ka wuzivi, txi va ponisa ka mlawu wa Sathani, a nga ti va bzwetile ngu wona, kasiku ve maha kuranda kwakwe.

1 Timoti 1:9

na hi txi tiziva ti to wona kha wa vekelwa ava vo lulama, aniko wu veketwe ava vo biha ni vaeyisi, ava va si thaviko Txizimu, ni vaonhi ni vamahi va to yila ni va va mahako to nyenyeza ngu sa Txizimu, ava va dayako vatate vawe ni vamame vawe, ni vadayi va vathu;

Luka 21:35

nga mlawu, nguko di na wela votshe va va nga aka ha mafuni kotshe.

Zakariya 11:5

eto vaxavi va tona va dayako, na va si thavi kumana mnandu; ni vaxavisi va tona va ku kha vona: A na bongwe Mkoma, nguko ni fumisilwe, hambi vadyisi va tona kha va tsetsi tinvuta tile.

Isaya 5:8

Dikhombo ka vale va ku ni tinyumba ni tinyumba, va ku ni tithomba ni tithomba, kuza ku si maneki ni wukhalo, va txi zumbisa ku nga ova vona vokha ha mafuni!

Mavingu 23:4

U nga ti karatele kuva nyatithombe; ninga wukhalo wo khata wutxhari wako.

Masalmo 11:6

Mkoma a na wisa txitimwi ka vabihi makala o tura, mndilo ni txivavula, a na wuyisa diphuho do hisa. Ngu txona txyavelo txi txi va lumbako.

Joxuwa 7:11

Vathu va ka Israyeli va onhile, kambe va lekile txitumelelano txangu, atxi ni nga va leleta, va txi za ve teka ni sile so yiliswa, va pite, ni kuwomba makuhu, kala va txi si veka hahatshi ka tithundu tawe.

Dhewuteronome 7:25

Mi na hisa ha mndiloni sithombe sa sizimu sawe. U nga navele silivhela ni nzalama yile yi nga si fenengeta, kambe u nga si teke si maha sako, kasi u siwi ha litshengani, nguko nzimaha so nyenyeza ka Mkoma, Txizimu txako.

Mitengo 31:8

Va to daya vamwani, kuleka vale va nga ti datwe, i ku vafumeli va Vamidhiyani, i ku Evhi, ni Rekemi, ni Zuri, ni Huri, ni Rebha, eko mtxhanu wa vafumeli va Vamidhiyani; ni Bhalahamu, mwana Bheyori, va nga m'daya ngu ditxhari.

Matewu 6:19

“Mi nga ti sengeleteleni tithomba ha mafuni, ahawa kubhirela ni sumba si dyako, ni hawa makhokhokho ma dolako ma txi pa.

Luka 12:21

Ngu toneto, ti mahisako tona ka wule a sengeletelako tithomba, na i si nga nyatithombe wa txilo masoni ka Txizimu.”

1 Timoti 6:10

Nguko kuranda ngutu male, ngu wona mkoloti wa totshe tixaka ta wubihi; ngu mhaka ya kona kunavela kuwa ko mbi na mpimo, vamwani va hambani ni likholo, ve ti nemeta vapune ngu kuvilela ko tala.

1 Timoti 6:17

Ka vanyatithombe va ha mafuni muwa, va laye ti to va si ti kulisi, va si veki kuthemba kwawe ka thomba yo mbi tsana, aniko ve themba Txizimu, txi hi wuyiselako sotshe ngu ku hi tatela, kasiku hi tsaka.

Titosi 2:12

yona yi hi gondisa kuhambana ni to biha ni minavelo yo biha ya ditiko, ti to hi txi hanya ngu kutipimela ni kululama ni txithavo ditikoni muwa,

1 Vafumeli 21:6

Se Akabe a to khene ka msikati wakwe Jezabheli: Ngu ti to ni gela Nabhote, Mujerireyeli, ni txi khani: Ni xavisele thembwe yako ngu male; mwendo u txi ti lava ni na kuninga yimwani thembe ka wukhalo wa yiya. Aniko Nabhote a to khene: Kha ni na mbi kuninga thembwe yangu.