1 Timoti 6:4 - Bhiblia Yo Sawuleka

⁴ a maha eto ngu mhaka ya kutikulisa, kha zivi txilo, i m'thu wo lwala a tsimbilako a txi wusa mazunga ni kukanetisana ka mapswi. Ngu konaho ku tumbulukako livengo, mazunga, kuruketela Txizimu, kualakanyela vamwani to biha,

1 Timoti 6:4 Referans Kwoze

2 Timoti 2:23

Nyenya kukanetisana ka wuphukuphuku, ku si vhuniko txilo. Wa tiziva ti taku eto ti va nga mazunga.

2 Timoti 3:4

vaningeli va vakwawe, vathu vo mbina txithavo, vo ti guleta, ava va randako ngutu so tsakisa nyama kupinda kuranda Txizimu.

1 Timoti 3:6

Kulaveka i si nga wu i ku ngadi kwakwe kuhunduluka, kasiku asi ti kulisi, se e wela mu kuabaniswani ka Sathani.

Judha 1:10

Kambe vathu vava va ruketela sotshe si va si si ziviko; se asile va si zivako ngu mazivelo o fana ni a sihari so mbi na mapimo, eso si thuma ku va lovisa.

2 Pedro 2:12

Kambe avava, kufana ni sihari si si ziviko, asi ngu mtumbuluko wa sona si nga mahelwa kusekelwa ni kudawa, ngako va ruketelako atxile va si txi ziviko, va na fisa ku nga sona sihariso.

2 Timoti 2:14

Va alakanyise timhaka tiya, u txi ti fakaza masoni ka Txizimu, ti to kulaveka va si kanetisani ngu mapswi, nguko kuphikizana kha kuvhuni txilo, tsena kuthuma kutimeta ava va ti engisako.

Judha 1:16

Avava i ku vathu vo ngungurukela, va kuzumba ngu kuvilela, va hanyako ngu kulondetela minavelo yawe yo biha; sisofu sawe si womba-womba mapswi o tikulisa, kambe i vathu va kuxengetela, ngako va txi lava kuwuyelwa.

2 Pedro 2:18

Nguko, ngu kuwombawomba mapswi a kutiguleta, ni o mbi nyawula, va riyela ngu minavelo ya mmidi ni kukanganyisa, avale va nga ti ngadi kuhuma ka vale va hanyako kukanganyiswani;

1 Timoti 1:7

va navela kumaha vagondisi va mlayo, na kasi kha va ti zivi ni ti va wombako hambi ni ti va xambanyako ti to va tsani ka tona.

1 Timoti 1:4

va si heti mbimo ngu tikaringane ni kulondetela sibongo so mbi guma, asi si vangako kukanetisana, akuwa ku si vhuniko mthumo wa kuranda ka Txizimu, wu tsimbitiswako ngu kukholwa.

Jakobe 1:19

Ti ziveni tiya, vanathu vo randeka; m'thu wuhi ni wuhi a na kuluvete kuengisa, a txi swela kuwomba, a txi swela kuhenya.

Titosi 3:9

Hambana ni timhaka ta kukanetisana ka wupumbu, ni kulondetela txhatxhameto ya sibongo, u txi hambana ni mazunga, ni kukanetisana ngu mlayo, nguko eto kha ti vhuni txilo, kha ti na lisima.

Mithumo 15:2

Msana ka kukanetisana ni kuphikizana ka hombe ngutu hagari kwawe ni Paulo ni Bharnabhasi, konaho ku to lamulwa ti to Paulo ni vamwanyani va fanela kukwela veya Jerusalema, kasi kuya wotisa mhaka yiya ka Vapostoli ni ka madhota.

Mtuletelo 3:17

Nguko u khawe: ‘Ni nyatithombe, ni humelete, kha ni pwati txilo.’ Aniko khu ti zivi ti to ngawe mxaniseki: Nyantshanzale, u txisiwana, u dibhofu, khwa ambala txilo!

2 Vatesalonika 2:4

awu a kanetako ni kutiguleta txitimwi ka sotshe si si dhanwako ku i Txizimu, ni si si khozelwako, e za eya khalahatsha ngu wutumbu Dithepeleni ka Txizimu, a txi ti womba ku ene i Txizimu.

Vakolosa 2:18

M'thu a nga thuke e mi tekela hakhelo yanu ngu kutsakela wukhozeli wa makuhu ni kukhizamela tingelozi ngu kukholwa ngutu ka miloro yakwe, a txi ti guleta ngu sa walo, ngu mialakanyo yakwe ya ta mmidi;

Vafilipiya 2:14

Thumani totshe mi si ngungurukeli ni kuphikizana,

Vafilipiya 2:3

Mi nga maheni to maha ngu kukanetana hambi kutikulisa, aniko thumani ngu kutiveka hahatshi, mi si alakanyi ti to ma pinda vamwani ngu wunene.

Vafilipiya 1:15

Kha ditshuri, vamwani va huwelela Kristu ngu mabava ni mibango, aniko vamwani va huwelela ngu mbilu ya yinene.

Vagalatiya 6:3

Nguko, ngako m'thu a txi pimisa ti to njilo, na i si nga txilo, wo ti xenga apune.

Vagalatiya 5:26

Hi nga ti guleteni, hi nga vhukaneni, hi nga vengelaneni.

Vagalatiya 5:15

Aniko, ngako mi txi lumana ni kukakatxulana, ti woneleni mi si fuvisani ngu txanu.

2 Vakorinto 11:20

Ma honisela kasiku m'thu a txi mi maha tikhumbi, a txi mi dyelela, a txi mi handa, a txi mi dhelela, a txi mi haphata.

1 Vakorinto 11:18

Kukhata, ni engisa tito, mbimo yi mi tshanganako, ku ni mibango hagari kwanu; kambe eto na ti tumela kudotho.

1 Vakorinto 11:16

Aniko kungako m'thu a txi lava kuphikiza, athu kha hi nga ni txiheno txo ngeto, hambi mabanza a Txizimu ni ona kha ma nga natxo.

1 Vakorinto 3:18

Mi nga ti kanganyiseni mipune. Ngako m'thu a txi pimisa ti to a txharihile ngu wutxhari wa ha mafuni, a na ti mahe txipumbu, kufela ku e mana wutxhari wa ditshuri.

1 Vakorinto 3:3

nguko mi ngadi vathu va ha mafuni dwe. Nguko mibango ni kuphikizana kuwa ku kuho hagari kwanu, ina hi nga kuwa mi ku ngadi vathu va ha mafuni dwe, mi hanyisako wuthu kani?

Varoma 14:1

Amukelani awu a nga mbi tsana likholoni, mi si kanetisani nayo ngu ti a kholwisako tona.

Varoma 13:13

Nga tiya i ku mitshikari, he tsimbileni ngu fanelo, hi hambana ni limito mwendo wudevi, ni wugango mwendo wugelegele, ni livengo mwendo dibava.

Varoma 12:16

Zumbani ngu kuengisana; mi nga naveleni sa kuguleka; kambe sengelani ni va va ti vekako hahatshi; mi nga laveni ku ti maha titxhari mialakanyoni kwanu.

Varoma 2:8

kambe ava va kanetako, ava va lambako ditshuri, ve londetela wusoholoki, va na welwa ngu phango ni txiviti.

Mithumo 18:15

kambe ngako i ku kukanetisana ngu mhaka ya mapswi ni matina ni Mlayo wanu, thethisanani mipune, nguko ani kha ni lavi ku ti maha muabanisi wa timhaka to ngeto.”

Mithumo 8:9

Se a ti ti ho didhoropanimo wamwamna a nga ti dhanwa ku i Simoni, a nga ti ti maha mithumo ya masalamuso, a txi kanganyisa vathu va Samariya, e ti maha m'thu wa hombe.

Isaya 58:4

Wonani taku mi ti tona sakudya, mi lwisana ni kukanetisana, mi pekana ngu sibhakela hahanze ka mnandu; mi nga ti toniseni ku nga ti ta nyamsi, ngu kulava kupfalisa dipswi danu txitimwi.

Mavingu 26:12

Ina u ti nga wona m'thu wo ti wona apune taku a txharihile kani? I txhuko txiphukuphuku kupinda eyo m'thu.

Mavingu 25:14

M'thu wule a ti dhundako ngu wuha wa makuhu, a fana ni hunguva ni moya ya kwa mbi nisa mati.

Mavingu 13:7

Ku ni wule a ti mahako nyatithombe, na asi nga ni txilo ni txa tximwetxo, ni wule a ti mahako txisiwana, na a di ni thomba yayingi.