1 Timoti 6:3 - Bhiblia Yo Sawuleka

³ Ngako mmwani a txi gondisa to hambana, asi londeteli gondo ya Mkoma wathu Jesu Kristu ni gondo ya wukhongeli,

1 Timoti 6:3 Referans Kwoze

1 Timoti 1:3

Nga ti ni nga ku leletisa tona, ni txi ya Makedhoniya zumba konkheyo Efesu, kasi kutsunzukisa vamwani ti to va si gondisi ti i ku si nga tona,

1 Timoti 1:10

vamahi va ta nzambwa, vavamna va kumaha to biha ni vamna kulowe, vaxavisi va tikhumbi, vawombi va makuhu, vaxambanyi va makuhu, ni votshe va va mahako totshe ti ti hambanako ni gondo yo hanyisa ya ditshuri,

Titosi 1:9

i di wo thembeka kutxhumayelani ka dipswi, e sikota kugondisa gondo yo tsana, kumweko ni kuthumelisa avale va zamako kukaneta.

2 Timoti 4:3

Nguko yi nata mbimo yi vathu va no mbi dhunda kuengisa gondo ya yinene, aniko, madingano ni mixuvo yawe ni kulava kutsakisa tinzeve tawe, ti nyakatelwako, va na ti lavela mtengo wa vagondisi.

Varoma 16:17

Se na mi kombela ti to mi ti wonela ka va va wusako kuhambana, ni sikhuvekiso, ve tsulupeta gondo yi mi nga gondiswa yona; mi nga pataneni navo.

Titosi 1:1

Ani Paulo, txithumi txa Txizimu, mpostoli wa Jesu Kristu, ni nga rumelwa kuhokisa vasawuleki va Txizimu kukholwani ni kuziva ditshuri diya di gondiswako ngu wukhongeli wathu,

2 Timoti 1:13

Londetela mapswi amanene, aawa u nga ma engisa kwangu, ngu likholo ni lirando li li ku ka Kristu Jesu.

1 Timoti 1:6

Nguko ti hambukisa ka nzila yiya, vamwani va pepesekile veya wulela ka siwombawomba so mbi vhuna txilo;

1 Vatesalonika 4:8

Ngu toneto, awu a nyenyako gondo yiya, kha nyenyi m'thu, aniko a nyenya Txizimu, txona txi ka ditshuri, txi mi ningako Moya wa txona wo Sawuleka.

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Mavingu 15:4

Mndonga wa wutomi, ngu lidimi li li hanyako, kambe wubihi wa lona, wa funya muhefemulo.

Titosi 3:8

Di thembekile dipswi diya. Nanani ni lava ku u sunamisa kugondisa mhaka yiya, ti to avale va kholwako ka Txizimu va na khutala amu ka mithumo ya yinene. Atiya tina ni lisima kambe ta vhuna vathu.

Matewu 22:21

Se vona va ti kha vona: “Nza Khezari.” Sekoko Jesu a to va xamula a txi khene: “Ningelani ka Khezari asi i ku sa Khezari, ni ka Txizimu asi i ku sa Txizimu.”