1 Timoti 6:21 - Bhiblia Yo Sawuleka

²¹ Ngu kulondetela toneto, vamwani va mwalatile likholo. Makatekwa ma nave ni nanu!

1 Timoti 6:21 Referans Kwoze

2 Timoti 2:18

Vona va hambanile ni ditshuri ngu kuwomba ti to ta kuwuka ka vafi ti pindile kale, ve khuvekisa vamwani amu ka kukholwa.

1 Timoti 1:19

na u di ni likholo ni livhalo la linene, nguko vamwani, ngu kunyenya livhalo la linene, likholo lawe li onhekile.

Vakolosa 4:18

Madingulisa awa ni bhala ngu txanza txangu: Ani Paulo. Mi nga divaleni ti to ni ku khotelwani. Kateko yi nave ni nanu.

Vahebheru 13:25

Makatekwa ma nave ni nanu motshe. Amen.

Titosi 3:15

Va kudingula votshe va va ku ni nani. Dingula votshe va va hi randako ngu mu ka likholo. Makatekwa a Txizimu ma nave ni nanu motshe!

2 Timoti 4:22

Mkoma a nave ni moya wako! Kateko yi nave ni nanu motshenu!

1 Timoti 6:10

Nguko kuranda ngutu male, ngu wona mkoloti wa totshe tixaka ta wubihi; ngu mhaka ya kona kunavela kuwa ko mbi na mpimo, vamwani va hambani ni likholo, ve ti nemeta vapune ngu kuvilela ko tala.

1 Timoti 1:6

Nguko ti hambukisa ka nzila yiya, vamwani va pepesekile veya wulela ka siwombawomba so mbi vhuna txilo;

Varoma 16:23

Wa mi dingula Gayusi, awu a nga ni amukela kumweko ni dotshe dibanza. Wa mi dingula Erastusi, mñoli wa male ya didhoropa diya, ni mwanathu Kwartu.

Varoma 16:20

Txizimu txa kudikha txi na kuluvete kuganyatela Sathani hahatshi ka mikondo yanu. Makatekwa a Mkoma wathu Jesu Kristu ma nave ni nanu.

Varoma 1:7

Ka motshenu mi manekako Roma, mi ku va kudhundeka ka Txizimu, mi nga dhanwa ku ta maha valulami, na mi navelela makatekwa ni kudikha ka Txizimu Tate wathu, ni ka Mkoma Jesu Kristu.

Matewu 6:13

U nga hi leke hi txi wa kudukwani, kambe hi thuse ka m'bihi.” [Ngukuva Mfumo mbwako, ni mtamo ni wudhumo kala kupinduka. Amen.]