1 Timoti 6:2 - Bhiblia Yo Sawuleka

² Ava va ku ni vanyamne va i ku makholwa, va nga va kanyise, ngu kuziva ti to i vanawe, aniko va na va thumele ta tinene, nguko evo i makholwa ni vanathu vo randeka, va vhunwako ngu mithumo yawe ya yinene. Ngu toneto, u fanelako kugondisa ni kuleleta tona.

1 Timoti 6:2 Referans Kwoze

Vakolosa 4:1

Anu vanyamne, hanyani ni sithumi sanu ngu nzila yo lulama ni fanelo, na mi txi ziva ti to nanu mina ni Mkoma wanu a ku nzumani.

1 Timoti 4:11

Atiya ngu tona u fanelako kuleletela ni kugondisa.

Judha 1:8

Se ava va hanyisako toneto, kusisalelwani kwawe, va nyenyezisa mmidi wawe, ve kanyisa wukoma wa Txizimu, ni kuruketela mitumi ya nzumani.

2 Pedro 2:10

ngutu-ngutu avale va londetelako kunavela ka nzambwa, va txi ti ningela ka minavelo yo nyenyeza, va txi eyisa ni wuhi wukoma. Vathuvo va ti themba ngutu, va ti kukumukisa, kha va thavi kuruketela sivangwa so sawuleka sa txitimwi.

1 Pedro 5:1

Ka madhota awa ma ku hagari kwanu, na ma kombela ani ni ku didhota kulowe, fakazi ya sixaniso sa Kristu, ni thembako kumana txyavelo txa kupfaliswa ku ku nota humelela, ni khani:

Vahebheru 3:14

Nguko, hi vamwevo ni Kristu, ngako hi txi vekisa ngu kutsana kala magwito kuthemba kwathu, aku hi nga va nako kukhatani,

Vahebheru 3:1

Ngu toneto, vanathu va vakusawuleka, anu mi nga mana txihiwa txa kudhanwa ngu Txizimu: Alakanyani Jesu, mpostoli ni Mphaxeli wa Hombe wa kukholwa kwathu.

Titosi 3:8

Di thembekile dipswi diya. Nanani ni lava ku u sunamisa kugondisa mhaka yiya, ti to avale va kholwako ka Txizimu va na khutala amu ka mithumo ya yinene. Atiya tina ni lisima kambe ta vhuna vathu.

Titosi 2:15

Va gele totshe tiya. Va laye u txi va kawuka ngu wotshe mtamo. Ku nga ve ni wo thuka a txi kukanyisa.

Titosi 2:1

Kambe awe, gondisa ati i ku ta gondo ya yinene.

1 Timoti 5:1

U nga kawuke ngu mtamo awu i ku wa hombe kwako; aniko mkhongotele nga tate wako; vafana va kawuke nga vananda vako;

2 Vatesalonika 1:3

Hi fanete kubonga Txizimu yotshe mbimo ngu mhaka yanu, vanathu, nguko eto ti lulamile, nguko likholo lanu la kula ngutu, ni kurandana ka engeteleka mndani ka mmweyo ni mmweyo wanu motshe.

Vakolosa 1:4

nguko hi pfite kukholwa kwanu ka Kristu Jesu, ni lirando lanu ka vasawuleki votshe;

Vakolosa 1:2

hi bhalela vasawuleki va ku Kolosa, vanathu va kuthembeka ka Kristu: Kateko ni kudikha si nave ni nanu, si txi ta ngu ka Txizimu, Tate wathu!

Vaefesu 3:6

ti to vamatiko i sidya-thomba ni vona kumweko ni Vajudha, va lumba lixaka limwelo, se kambe va na mana kuvhuneka ni vona ka txonetxo txithembiso txa tximwetxo txa Kristu, ngu mtamo wa Evhangeli.

Vaefesu 1:15

Ngu toneto, nani, txima ni pfa mhaka ya kukholwa kwanu ka Mkoma Jesu ni lirando lanu ka vasawuleki votshe,

Vaefesu 1:1

Ani Paulo, mpostoli wa Jesu Kristu ngu kuranda ka Txizimu, ni bhalela vasawuleki va Efesu, va thembekako ngu ka Kristu Jesu;

Vagalatiya 5:6

Nguko ka Jesu Kristu, wukwera hi nga wa txilo, hambi wukhutu ni wona hi nga txilo, hahanze ka likholo li li ti kombako ngu mithumo ya lirando.

Varoma 11:17

Se ngako madhavi okari ma di phatutwe, se awe u ku didhavi da muolivhera wa txitinga u nga ta txhomekwa ha wukhaloni ka ona, u va u sengela nawo kudyiswa ngu ndome ya mkoloti wa muolivha wa m'tini,

Varoma 8:29

Nguko avale Txizimu txi nga va ziva ngu kale, ngu vona txi nga va sikela ngu kale ti to ve fana ni Mwanana wa txona, i ku ene matiwula ka vananda vakwe votala.

Matewu 25:40

“Se Mfumeli a na va xamula a txi khene: ‘Kha ditshuri na mi gela ti to khani: Yotshe mbimo yi mi nga ti maha eto ka mmweyo wa vanathu vavadotho, mi mahete ani nipune’.

Matewu 23:8

“Kasi i di anu mi nga dhundeni kudhanwa ku mi M'gondisi, nguko M'gondisi wanu mmweyo, anu ngu txanu mi va txikoma ni txinanda.

Matewu 6:24

“Ku walo m'thu wu a sikotako kuthumela vakoma vambidi, nguko mwendo a na vengela mmweyo e dhunda mmwani, mwendo a na namarela ka mmweyo e kanyisa mmwani. Kha mi na kusikota kuthumela Txizimu ni thomba ya mafu.”

Joyeli 2:28

Se ku na maheka taku, ni tshakunuta Moya wangu txitimwi ka nyama yotshe, se vanana vanu va majaha ni vamahorana va na phorofeta, sikosana sanu si na va ni miloro, vavaphya vanu va na va ni siwoniso.

Mitengo 16:3

Se ve tshangana ni Mosi ni Aroni, va txi kha vona: Konkuwa, ta dingana nguko wotshe msengeletano wu sawulekile, ni Mkoma aho hagari ka wona! Ngu kutxani mi txi ti kulisa txitimwi ka msengeletano wa Mkoma kani?

Mithumo 1:15

Ka ona ale masiku, Pedro a to khukha a txi ema hagari ka msengeletano wa vanawe, avava mtengo wawe wu nga ti lava kuhoka ka 120, a txi khene: