1 Timoti 6:18 - Bhiblia Yo Sawuleka

¹⁸ Va na mahe wunene, va nave vanyatithombe ngu mithumo, va nave ni wuha, ve ziva kuabana ni vamwani.

1 Timoti 6:18 Referans Kwoze

Vahebheru 13:16

Mi nga divaleni kumaha ta tinene, mi txi abana ni vakwanu asi mi ku naso, nguko atiya ngu tona timhamba ti ti tsakisako Txizimu.

1 Johani 3:17

Ngako m'thu a di ni tithomba ta ha mafuni hawa, a txi wona mwanawe a si nga naso, se asi mkhataleli, li nga zumbisa kutxani kwakwe lirando la Txizimu kani?

Varoma 12:8

awu a nga ningwa kulaya a na laye; awu a abaniselako, a na mahe ngu kutxhatxheka; awu i ku mthangeli a na thume ngu kutiningetela; awu a mahako mithumo ya wumbilu a na yi mahe a di henemene.

Masalmo 37:3

Themba Mkoma, u txi maha ta tinene; u na aka ha mafuni, u txi hanya ngu kuthembeka.

Titosi 3:8

Di thembekile dipswi diya. Nanani ni lava ku u sunamisa kugondisa mhaka yiya, ti to avale va kholwako ka Txizimu va na khutala amu ka mithumo ya yinene. Atiya tina ni lisima kambe ta vhuna vathu.

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

Luka 12:21

Ngu toneto, ti mahisako tona ka wule a sengeletelako tithomba, na i si nga nyatithombe wa txilo masoni ka Txizimu.”

Vagalatiya 6:10

Ngu konaho, he maheni wunene ka votshe vathu, na hi di ngadi ni mbimo, ngutu-ngutu ka makholwa kulothu.

Varoma 12:13

Vhunetani vasawuleki ka si va si pwatako, mi txi amukela vapfhumba ngu manza mambidi.

1 Timoti 5:10

Ta laveka ti to e ziwa ngu mithumo yakwe ya yinene; kufana ni kuwunja vanana ngu nzila ya yinene, kuamukela vapfhumba, kukuwula mikondo ya vasawuleki, kuvhuna ava va xanisekako, ni kutiningetela ka yotshe mithumo ya yinene.

2 Vakorinto 8:9

Ma wu ziva wunene wa Mkoma wathu Jesu Kristu. Ene hambiko i ku nyamne wa sotshe, a ti mahile txisiwana, kasiku anu mi txi mana sotshe ngu mhaka ya wusiwana wakwe.

2 Vakorinto 8:12

Nguko, ngako ku diho kuxuva kuhumisa misengo, sa amukeleka asi m'thu a ku naso; kha ku nga ni mhaka ya si a ku si nga naso.

1 Vakorinto 16:2

Ngu ditshiku do khata ka divhiki, mmweyo ni mmweyo kwanu, m'tini kwakwe, a na phawuse e veka ngu phuho asi a nga sikota kusiyeta, kasiku mi si rinzeli kuta senga ni di bwakile.

Isaya 58:7

Ina kambe khu abani sakudya sako ni wule a ku ni nzala, ni kuamukela m'tini kwako sisiwana sile si nga tovelwa kani? Ni ti to u txi mu wona i di tximbwiri u mfengeta, kambe khu sisaleli wule i ku wa ka kwanu kani?

Ekleziyaste 11:6

Phaya mbewu yako i di ngadi mixo, se ni mitshikari, u nga khalahatshe ngu mawoko, nguko khu ti zivi to ku na mila yihi; mwendo ku na mila yiya, mwendo yile, mwendo kambe ti na mila ngu wumbidi wa tona.

Masalmo 112:9

Silo sakwe a abana ni sisiwana, aniko thomba yakwe yi na simama kala kupinduka a na va wa mtamo ni kuxonipheka.

3 Johani 1:11

Wo randeka, u nga etsetele wubihi, aniko etsetela wunene. Awu a mahako wunene, a lumba Txizimu; awu a mahako wubihi, kha txi wona Txizimu.

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

Mithumo 9:36

Didhoropani ka Jopa, ku ti ni wamsikati wa mgondiswa, awu a nga ti dhanwa ku i Tabhita, atiya ngu Txigriki ti txhamusako ku Dhorkasi. Ene a ti taletwe ngu mithumo ya wumbilu ni wuha.

Isaya 32:8

Aniko txisiwana txi maha makungo amanene, se ngu wunene txi simama txi di emile.

Ekleziyaste 3:12

Se na tiziva ti to txi walo txa txhuko kwawe, kupinda kutitsakela ni ku ti mahela ta tinene kuhanyani kwawe;

2 Makronika 24:16

Se va to mtshotsha Didhoropani ka Dhavhidha, kumweko ni vafumeli vamwani, nguko a ti ti mahile to lulama masoni ka va ka Israyeli, ni ka Txizimu, ni ka nyumba ya txona.

1 Pedro 3:11

A na vayilele wubihi, e maha wunene: A na lave kuthutha, e kusimamela.

Mithumo 11:29

Se vagondiswa va to engisana ka mhaka yi ya ku mmwani ni mmwani e rumela asi a si manako, kasi kuya vhuna vanawe va va zumbako ditikoni ka Judheya.

Mithumo 10:38

ti to Txizimu txi totile ngu Moya wo Sawuleka ni kutsanisa Jesu wa Nazareta; awu a nga tsimbila a txi maha ta tinene, e hanyisa votshe vale va nga ti xaniswa ngu Sathani, nguko Txizimu txi ti ni nene.

Matewu 5:42

Mu ninge awu a ku kombelako, ani wu a lombako txomaha kwako, u nga mtshuralele.”

Luka 3:11

Ene a to va xamula a txi khene: “Awule a ku ni mabhaji mambidi, a na abane ni wule a ku si nga ni da dimwedo; awule a ku ni sakudya a na mahe toneto nene.”

Vaefesu 4:28

Awu a nga ti hanya ngu kupa, a nge ngadi e pa, aniko a na ti thumele ngu manza akwe, e maha ti i ku ta tinene, kasiku e mana sa kuabana ni wu a ku si nga naso.