1 Timoti 6:15 - Bhiblia Yo Sawuleka

¹⁵ akuwa ku nota kombisa, ka timbimo ti ti nga emiswa, ene nyamne wo dhumiseka ni wammweyo ekha, Mfumeli wa vafumeli, Mkoma wa vakoma;

1 Timoti 6:15 Referans Kwoze

Mtuletelo 19:16

Kubhatwe ditina ha nguwoni kwakwe ni ha nyongani kwakwe: “Mfumeli wa vafumeli, Mkoma wa vakoma!”

Mtuletelo 17:14

Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”

1 Timoti 1:17

Kwakwe Mkoma wa totshe timbimo, Txizimu txo mbi na kufa, txo mbi wonwa ngu maso, ka txona Txizimu txa tximwetxo dwe, kudhumiswa ni kupfaliswa si nave ka txona ngu malembe ni malembe. Amen.

Jeremiya 10:10

Aniko Mkoma Txizimu txa ditshuri, Txizimu txi txi hanyako, Mfumeli wa kupindukela; mafu ma dhudhumela kuhenyani kwakwe, matiko kha ma na kuema masoni ka txiviti txakwe.

Masalmo 47:2

Nguko Mkoma Nyatxitimwi mbwa kuthisa; ngene Mfumeli wa hombe wa mafu otshe.

1 Timoti 1:11

yi engisanako ni Evhangeli yi yi nga vekwa manzani kwangu, ayi yi pfalisako Txizimu, i ku txisima txa makatekwa.

Jeremiya 46:18

Na xambanya ngu kuhanya kwangu, kuwomba Mkoma, awu i ku Mkoma wa Mabutho a Tiyimbi, awuwa ngu ditshuri nga Tabhori hagari ka mimango, ni ku nga Karmeli hafuhi ni linene, a na tisa ku nga toneto.

Masalmo 83:18

Kasiku va na tiziva awu di lumbako kwakwe ditina daku Mkoma, U Nyatxitimwi ka otshe mafuni!

Dhaniyeli 4:34

Aniko kugumani ka masiku ale, ani Nebhukodhonosori, ni to gula maso angu ni wona nzumani, se mapimo angu ma to wuya. Koneko ni to bonga Nyatxitimwi, ni dhumisa ni kulisa wule a hanyako ngu yotshe mbimo, nguko kufuma kwakwe ngu fuma ko mbi gwita, ni mfumo wakwe bwa liveleko ni liveleko.

Mavingu 8:15

Vafumeli va fumiswa ngu ngani, ni vathangeli va ruma wululamo.

1 Timoti 2:6

a nga ti ningela kasi kutirula votshe vathu. Awuwa ngu wona wufakazi wu wu nga vekwa ka masiku awa ma fanelako,

Matewu 6:13

U nga hi leke hi txi wa kudukwani, kambe hi thuse ka m'bihi.” [Ngukuva Mfumo mbwako, ni mtamo ni wudhumo kala kupinduka. Amen.]

Ezra 7:12

Aritasasta, mfumeli wa vafumeli, ka mphaxeli Ezra, mabhalani wa Mlayo wa Txizimu txa nzumani, kuthutha ko hetelela!

Dhewuteronome 10:17

Nguko koko Mkoma, Txizimu txanu, Njizimu txa sizimu, Mkoma wa vakoma, Njizimu txa hombe, nyamitamo, wa kuthaviseka, awule a ku si nga ni txisawulela hagari ka vathu, awu asi tumeliko kuxawa.

Masalmo 136:3

Dhumisani Mkoma wa vakoma; nguko lirando lakwe nda kala kupinduka!